تقييمي للوجان 2011 كاملة مانيوال بعد سواقة 1200 كيلو .
اولا اشكر الاعضاء .واحب اتكلم عن تقييمي للوجان بعد تجربة قيادة 1200 كيلو وخاصة ان دي
العربية رقم 6 مرورا بالفيات والشاهين والكيا برايد والانوس2007.
اولا-البور تقيل يعني مقارنة بالافيو او الانوس اللي سوقتهم
2-صوت تكتكة داخل الصالون من ناحية الموتور وتروح مع دوسة الدبرياج.وسمعت ان ده عيب تصنيع.
3- الغيارات سريعة يعني بالانوس كنت ممكن امشي علي الرابع لغاية سرعة 120 انما اللوجان لو عديت ال80 علي الرابع الاقي الموتور صوتة بقي زي ماكون ماشي علي التاني.يعني بوصل للغيار الخامس بسرعة.
4-في تقشير في طارة الدركسيون وعرفت ان ده عيب تصنيع.وبفتكر ال127 موديل 84 اللي الطارة بتاعتها كانت زي ماتكون لسه متصنعة.
5-خامات بعض الحاجات زي الفانوس الصغير بتاع الرفارف الامامية مش تمام او تثبيتة كل شوية يتحرك من مكانة واثبتة ويرجع تاني .موضوع انه كبس دي مش ظريفة.وفانوس الصالون ايضا.
6-بخاف اضرب كلاكس الا في الضرورة القصوي لاني سمعت من صاحب العربية انه باظ بعد 3 شهور والعربية لسة جديده وان تمن الدراع 1500 جنيه.حاجه لا تصدق.
7-موضوع عدم فتح التنك او الشنطة من الداخل حاجة تجنن ان عربية 2011 تنزل منها علشان تفتح التنك .الانوس كانت مريحاني بخصوص الموضوع ده.
7-نيجي للمميزات
1-العربية عالية عن الارض يعني بمشي براحتي مش زي الانوس كنت في شوارع مقدرش امشي فيها ودي ميزة اعتبرها مهمة خاصة اني من الاقاليم اللي ممكن تفاجئ بواحد عامللك مطب من البلوك والحجارة.
2-التكييف كويس وراضي عن اداؤه.
3-الصالون ممتاز وبالنسبالي فخم مقارنة بالانوس.يعني تحس انك راكب عربية ملاكي مش نقل.
4-موضوع اماكن زراير الزجاج والكلاكس ده مسألة تعود يعني كنت بتلخبط في البدايه لما اجي افتح الزجاج بس دلوقتي خلاص مفيش مشكلة.
5-الشنطة كبيرة ودي ميزة.
6-الصالون واسع يعني تقعد فيها مرتاح وخاصة الكنبه ممكن تشيل 3 مرتاحين ومعاهم اطفال.
7-استهلاك البنزين كويس يعني محستش بفرق عن الانوس مع ان العربية 1600.
8-الشكل العام للعربية مقبول وعصري .مش زي الانوس او الشاهين .
9-كمبيوتر الرحلات بعتبره ميزة مهمة لاني بقدر اعرف البنزين اللي معايه ممكن يمشيني كام كيلو .
10-شكل العدادات بالتابلوه والاضاء ممتازة.حسستني بفرق بالنسبة للانوس اللي عداداتها زي ال128.
11-توكيلها كويس خاصة اللي جربتهم في العبور.
في النهايه العربيه مقارنة بسعرها مقبولة وزيها زي اي عربية ليها مميزات وعيوب بس اعتقد ان اللوجان مميزاتها اكتر يعني ممكن تقتنيها.
