اشتريت كيا ريو 2015

**smalltoto10** · 11-10-2014 06:29 PM

ثبات العربية ممتاز انا معايا وكيل اول فئة جنط 15 حديد بطاسة وعملت غرز فوق الـ 150 من غير اى خوف مبالك من الجنط الـ 17

عامه انا شايف ان الوكيل هيبقا احسن ف موضوع الاستهلاك انا لسه معملتش صيانة الالف واستهلاك البنزين 8 لتر / 100 كيلو واعتقد ده حلو بس فى المقابل السوفت وير مخلي العربية نايمة شوية معاك لازم تتقل رجلك شوية صغيرة ع البنزين لو عاوز تمشي بسرعة غير كدا العربية بتاخد الرابع بدري اوي وبتنام

**mr.moustafa** · 11-10-2014 08:39 PM

مبرووووووك من الاعماق والى الامام وبالتوفيق يارب

**Mohamed_Ayman** · 13-10-2014 11:56 PM

المشاركة الأصلية كتبت بواسطة anasshady

اه في علامة عربية وفيها مفتاح اصفر في التابلوه

يبقى كدا تمام

**darwich.1024** · 03-02-2015 02:40 AM

الف مبروك علي العربية وربنا يباركلك فيها

السؤال هنا ! الضمان لما بتشتريه ب 2500 بيحصل ايه ؟ يعني بيعملوا كشف علي العربية الاول ويقولوا ليك كدا العربية تمام مفيهاش مشاكل واحنا هانديك ضمان ولا العملية بتمشي ازاي ؟
وهما بيساعدوك في ايه عشان انا شايف ان حتي الوكيل محدش بيعرف ياخد منه حق ولا باطل :) !!

اخر سؤال بالنسبة للتأمين ؟ انا اخويا معاه عربية ومأمنش عليها وبيقولي ان الموضوع دا سرقة عشان بردو محدش بيعرف ياخد حق ولا باطل من شركات التأمين وانا شوفت كذا حادثة والناس بتستعوض ربنا فيها ؟

**prooo** · 03-02-2015 05:17 AM

الف مبرووك وربنا يديك خيرها ويكفيك شرها ........ واي استفسار انا في الخدمه ..... ملحوظه بس ثبات الهاتش باك بيبقى اعلى من ثبات السيدان في عربيه عموما .....

**S O P H O S** · 03-02-2015 12:45 PM

المشاركة الأصلية كتبت بواسطة prooo

ملحوظه بس ثبات الهاتش باك بيبقى اعلى من ثبات السيدان في عربيه عموما .....

فالريو ولا تقصد حضرتك بشكل عام

**prooo** · 03-02-2015 05:52 PM

المشاركة الأصلية كتبت بواسطة s o p h o s

فالريو ولا تقصد حضرتك بشكل عام

عموما اي عربيه نفس الموديل الهاتش باك منها ثباته اعلى من السيدان لنفس نوع العربيه ...... وده بيرجع لان احتكاك الهواء بالعربيه بيبقى اقل ... وده طبعا بيأثر على الثبات بشكل كبير غير طبعا بقيت العوامل ..... ارتفاع العربيه عن الارض .... الجنوط وعرض الكاوتش وعرض شاسيه العربيه .... والايروديناميك بتاع العربيه ..... العفشه ....... حجم الطنابير .... جر خلفي ولا امامي .... وزن العربيه ..... والله اعلم

**mishooo7** · 08-02-2015 11:00 AM

تمام موضوع جميل وخصوصا اني نويت اجيب الريو زيك خليجي سعودي 2015 بس الفئة الي قبلك هي نفس المواصفات بس اير باج واحد ومن غير بصمة . بس ممكن اعرف منك ايه رايك في تجربتها كسواقة واستهلاك بنزين وهل هي نشفة فعلا عشان الجنت ال 17 وانا لاقتها بــ 137 في سمير ريان

**akmal8000** · 03-03-2015 08:56 PM

المشاركة الأصلية كتبت بواسطة mohamed_ayman

ألف مبرووك

- معتقدش فى ريو ليدات بس مش متأكد
- السعر كويس
- علامة مفتاح أصفر بتنور فى التابلوه

اولا الف مبروك يا باشا على العربية بس كنت عاوز اسئل على كام حاجة كدة معلش هل الخليجى فى
الاتى:
1- مثبت سرعة ومحدد سرعة
2- مساحات امامية حساسة للمطر
3- كشافات امامية حساسة للاضاءة
4- وحدة رفع زجاج عند غلق السيارة بالريموت
وشكرا لسعة صدرك