عرض للطباعة
عايز ميكانيكى كويس فى مدينة نصر
بيعرف يضبط الكهرباء علشان العربية الماروتى
انا غيرت البلاتين والكندنسر لحد دلوقى اربع مرات فى اخر ست شهور
وغيرت الموبينة
ورجعت ركبت القديمة تانى
بحس ان العربية راكبها عفريت شوية تمام وشوية جنان
ولسة العربية بتنتش وبتاكل بنزين كتير
بجد انا بقيت اهرب من المشاوير بالعربية
حضرتك لما بتفك البوجيهات بيطلع شكلها عامل ايه
لو كانت مهببة و لونها اسود يبقى انت عندك مشكلة في الكربراتير
انت ممكن تنضفه بنفسك الأول قبل ما تروح لميكانيكي يشفط فلوسك
هتجيب علبه منظف كربراتير و سعرها من حوالي 15 الى 25 جنيه
و تفك العمة بتاعت الهوا و تشيل الفلتر و تدور العربية
و تبخ من العلبه جوا الكربراتير و لما تبخ تزود بنزين عشان العربية ما تبطلش و كل شوية تعلى الار بي ام و انت بتبخ المنظف
كام مرة كده و بالمرة غير الفلتر بتاع البنزين و شوف لو العربية اتعدلت
يبقى تمام
لو لقيت المشكلة لسه زي ما هي
يبقى الكربراتير محتاج ظبط ( وهنا لا مفر من انك تروح لميكانيكي ) و الأفضل انه يكون واحد متخصص في شغل الكربراتير
بص يا باشا
موضوع ضبط الكهربا سهل بس محتاج واحد فاهم بيعمل إيه
حضرتك بتغير الأبلاتين و الكوندنسر بنفسك, صح, ده اللى فهمته
أهم حاجه علشان الأبلاتين ميلدعش إنك تضبط فتحة الأبلاتين عالفيللر 0.40 مم
يعنى لو فبرة الأبلاتين على ركبة الإسبرتير (أى ركبه عالية من الـ 3) فى الماروتى
المفروض يكون الأبلاتين مفتوح و المسافة بين الطرفين بتوعة زى مقولتلك 0.40
بعد كده توصل لمبة 5 وات (لمبة كشاف العربية الصينى بـ 1 جنية العادية ) توصلها على سلكين و توصلها بالموجب و السالب بتاع الموبينه
إفتح كونتاك بعد متسقط الإسبراتير مكانه (مع مراعاة إتجاه الشاكوش طبعاً) و قبل متركب كوباية الإسبراتير
و إبدأ تحرك الإسبراتير شمال و يمين براحه , المفروض اللمبة هتنور و إنت فى إتجاه تقديم الكهربا, أول متطفى, إرجع سنه لحد متنور تانى و إربط على كده, و ركب كوباية الإسبراتير تانى و بسم الله و دور
دى طريقة الضبط عالشعرة من الكتالوج (مش بتاع الماروتى بس الفكرة واحده)
حلوة المعلومة دي و جديدة و فكرة جامدةاقتباس:
المشاركة الأصلية كتبت بواسطة zing0
تسلم دماغك و ايدك على نقلها لينا
شكرا للاهتمام
انا رحت ضبط الكربراتير
والراجل اول ماشافها قالى ان الكهرباء مش مضبوطة
وانا بغيير البلاتين والكوندنسر عند الميكانيكى
بس ربنا مارزقنيش بواحد بيفهم
ويا zing بيه انا معنديش الجرأة انى اغيرهم بنفسى
بس شرحك الوافى مغرى جداً
يا ريت لو حد يعرف ميكانيكى بيفهم يدلنى عليه بدل ما اتهور واغيره بنفسى
بص يا باشا انا كان عندي مشكلتك دي والميكانيكي حلها بحل غريب جدا كل الناس استغربت منه .
ركبلي اتنين كوندنسر
لدرجة وانا بشتريه الراجل استغرب قالي 2 كوندنسر ليه .. انت حر
الكلام ده من حوالي سنة والعربية تمام
وانا في العيد اللي فات كنت مسافر و العربية نتشت روحت لميكانيكي ركبلي ابلاتين وكوندنسر واحد
بعد حوالي اسبوع العربية خرفت وعملت مشاكل
كنت رجعت للميكانيكي اللي بتعامله معاه .
قام مركبلي 2 كوندنسر تاني جداد
العربية ظبطت تمام
انا في العاشر من رمضان وبتعامل مع واحد في العاشر هنا
مش فاهم فكرة الاثنين كوندنسر دى بتعمل ايه
بس لو العفاريت ماانصرفتش حجيلك يا باشا العاشر
الجديد بقه ان فيه سخونة وصهد جاى من عند الدواسات ومن الهوايات
بس مؤشر الحرارة طبيعى وماية الردياتير مابتنقصش
على فكرة العربية موديل 2008
افيدونا افادكم الله
البوابات مفتوحة اللي بتجيب هوا من بره اللي هو الدراع اللي جنب العدادات اللي بيتشد ويتزقاقتباس:
المشاركة الأصلية كتبت بواسطة a206m
اعكس وضعه حاليا
تحياتي
Sent from my mobile using Forum Runner
العربية انظبتت والحمد لله
ربنا رزقنى بميكانيكى غيرلى طقم الكهربا كامل ماعدا الموبينة
كان عايز يغيرها بواحدة الكترونية بس انا مارضتش
بس البلاتين والكندنسر وحتى البوجيهات اللى ركبتها كلها يابانى
ربنا يسهل وتفضل كدة
اقتباس:
المشاركة الأصلية كتبت بواسطة a206m
طالما لقيت ميكانيكى كويس لازم تكرمة انك تقولنا مكانة فين واسمة ايه ,,,,ممكن نحتاجة