بس فى ناس محترمه وظلم ليها انها عايشه وسط الجهل ده
عرض للطباعة
على فكرة انا حصل لى نفس الموقف النهاردة
ركنت في شارع على جنب وسألت واحد على عنوان قالى ارجع ورا 15 متر
بصيت فى المرايا واديت مارشدير وبصيت تاني ولسة برجع لقيت واحدة بتخبط على صاج العربية ضربت فرامل فورا ونزلت لقيتها واقفة
وكانت منقبة كمان وبتقولي مش تحاسب قلت لها انا اسف مخدتش بالى منك نهائي ولو فيكي اى حاجة اتفضلي معايا اوديكي اى مستشفي تحبيها
بدأت وصلت الرديح المحترم وقلعت النقاب وقامت مصوتة ورميت نفسها فى الشارع والناس اتلمت المهم قلت لها هما كلمتين لو في حاجة فيكي هوديكي انضف مستشفي لكن هتصوتي وتعملي فيلم رقم العربية عندك خدية
سكتت خالص وقامت من على كرسي ووقفت تاكس ومشيت وانا دورت العربية ولفيت ووقفت قدام العنوان الى عاوزة
الكلام دة حصل الساعة 8 بالليل فى شارع النخلة فى المنصورة
الاستاذ المحترم صاحب الموضوع : اكيد مليون فى الميه سواق التوناية مكنش واخد باله ولا انا كمان خدت بالى من ان حد جة وقف ورايا او عدا ورايا
محدش يتمني يخبط حد ابدا حتي لو عربجي او حتي بهيم زي ما حضرتك بتقول
صاحب الموضوع ما قالش أن السواق قاصد يخبط البنت. كلنا بنغلط و ممكن نخبط اي حد بطريق الخطأ. لكن بناء علي الخلفية اللي موجودة عندنا كلنا أن سواقين الميكروباص و الاوتوبيسات 90% منهم بلطجية و مش عارفين حاجة في اي حاجة فهو أفترض أن السواق خبط البنت بسبب اهماله و انه مش بيعرف يسوق أساسا و ده احتمال كبير.
المواقف دي بتحصل كتير معانا كلنا وممكن يكون مفيش حد فعلا ورا العربيه ويطلع من تحت الارض
لكن فيه ناس تانيه بتستهبل معتبره المرايات مش تبع العربيه اصلا
البركه في الرخص السبهلله
اللي بتيجي للناس في البيوت
النطع دا لو متعلم سواقه صح وميكنش مسطول او سكران
لو ف ارض تانيه رخصته تتسحب ع الاقل سنه
البهايم الاكبر هما سواقين الميكروباصات ( الا من رحم ربى ) خاصة بتوع بولاق لازم ياخد عكس ويمشى بسرعه جنونيه
والله يا جماعه انا طوال حياتى سفر على الصحراوى والزراعى والبحر الاحمر وشفت بلاوى ولسه زي ما هي وجوه البلد بل اسواء الجهل والتخلف كارثه ومفيش امل وفرحة الناس اللى بيجيبو واسطه عشان يعدو اختبار المرور تدل على جهل الطرفين دى بالظبت زى اب بيدى لأبنو مسدس او سكينه يلعب بيها تصريح بالقال يعنى مثال رخصة السلاح فى مصر مستحيل تعرف تطلعها مع انك بتدخل فى فحص كل فرد فى عيلتك واختبارك شخصيأ ومبررات وبلاوي وبرضو مش هتطلع غير بواسطه ممكن توصل لرقم خيالى مع العلم حتى لو مرخص وكلو تمام لو استخدمت السلح فى كمان عام يتسحب منك وتتبهدل حتى لو اشهرته ومقتلتش حد ولو قتلت حد بي تدخل السجن عادى جدآ حتى لو قلت دفاع على النفس ده للسلاح المرخص تمام؟؟؟؟؟
نيجي للعربيه تطلع الرخصه كفته وتعدى الامتحان برانى كده وتدخل على محطة اتوبيس تدوس كل الناس اللى واقفه وتشيل عربيتين تلاته ويبقى قتل خطاء وقضيه خيبانه واللى يجيب جلطه فى المخ انك ترجع تسوق عادي جداً او سواق تريلا يدوس على 30 عربيه ويموت اسر كامله وعادي قتل خطاء ومن الاخر عايز تعرف الدوله متحضره ازاي وشوف المرور والناس سايقه ازاي
يا جماعه مهى كل حاجه ف البلد مؤاخذه
احنا ماشيين بدعى الوالدين وستر ربنا علينا
مش بس ف العربيات لاء فى حياتنا كلها
الجديد ان فيه ناس وهى بتعدى كمان الشارع
بقت تنحه اوى وبذات البنات والانسات مع احترامى طبعا
ولا لما يكون سواق تاكسى ظريف وهوب
يروح ضارب فرامل مره واحده عشان الاموره تعدى
ده لو كان راجل كان زمانه داس عليه وعدى فوقيه
وطلع يجرى يا اما يقولك اجيب منين يا بيه