الموضوع: اخطر اسرار اعادة تصنيع زيوت السيارات فى بير السلم ....والبس فى الحيط

كارثة بمعنى الكلمة اليوم روحت اغير زيت سيارة عند كشك من الاكشاك الخشب الغلبانة اللى على الطريق سالتة وكنت خايف من منظر الكشك الخشب بامانة وقلت للراجل بهزار عايز زيت اصلى مش مضروب وكنت بقولها بهزار والله العظيم هزار ومكنتش عارف ان الموضوع والكلام هيجيب بعضة بشكل دة

فؤؤجت الراجل بيبتسم وبيضحك و بيقولى كلمة المضروب بشئ الفلانى والاصلى بالشئ الفلانى

ذهلت جدا من صراحة الرجل ورد عليا بثقة وفيها صدق جدا وقالى...............

وانا عمرى ما اشتغل الا فى الاصلى والمضروب دة بيتعمل بطريقة معينة وهعرفك ازاى سيادتك تاخد الزيت المضروب وانت فاكر انك بية محترم ومش مضحوك عليك وفى الاخر موتورك يبوز بعد 500 كيلو فقط

قلى بيجيبوا الزيت النازل من العرييات اسود هباب و بيحطوا فى مياة نار وصودا كاوية( معالج كيمائيا عشان ينضف من الوساخة ويتم ترسيب الوساخة فى قعر الخزانات ثم بينقعوا الزيت فى البصل الاحمر عشان يدوة صبغة زيت اصفر محمر ظ0اللون العسلى المعروف واحيانا بصل ابيض لو الزيت المفروض يطلع يكون لونة ابيض حسب الحاجة يعنى

سالت الراجل طيب اية عقوبة الناس الزبالة دى ..........زقالى عقوبتها تتراوح من 5 الى 20 مليون جنية فقط غرامة ومفهاش حبس !!!!!! !!!!!!!!!!!!!!!!!!!!!!!

وقالى ان الغرامة دى بتعادل مكسب شهر واحد فقط من اللى بيكسبوة من بيع زيت السيارات المضروب !!

لانها مافيا مربحة جدا جدا

واخر كلام الراجل الامين جدا معايا والصادق جدا فيما يقولة .............. قالى عايز تعرف الاصلى من المضروب انك انت تنزع غطاء الزيت بنفسك وتشوف لو الكلبسة البرشام فضلت داخل العلية يبقا العلبة دى اصلى و والغطاء فعلا محكم والزيت دة بتاع الشركة الاصلى

اما لو الكلبس البرشام طلع مع الغطاء فاعرف ان سياداتك لبست فى علبة زيت مضروبة من بتوع زيت البصل وموتورك هيبوز خلال سنتين

وحسبى الله ونعم الوكيل الموضوع مهم جدا جدا وعليكما تاخدوا حذركم

حتى لا تكون سيارتك ضحية للغش