عربية والدي جراند تريوس موديل 2008 اوتوماتيك ماشية 10 الاف كيلو تقريبا ( كسر زيرو )
وهو ماشي بيها على الدائري ولستر ربنا كان على سرعة 60 ومفيش حد وراه فجأة كهربة العربية انطفت .. التكييف والكاسيت والتابلوه .. كل حاجة كانت شغالة في العربية وقفت فجأة ورجعت تاني بعد خمس ست ثواني !
الكلام دة حصل مرتين امبارح
حد عنده تفسير ؟؟ يعني بطارية ولا دينامو ولا ايه ولو اني استبعد الاتنين لان لو البطارية مش ممكن تنام والعربية ماشية ولو فرضا نامت اكيد مش حترجع تشتغل تاني بعد كام ثانية
ممكن قواشيط البطاريه مصديه ولا حاجه
متابع
حصلت معايا بس في عربية تويوتا قديمة. البطارية كانت بايظة بالاضافة الدينامو شحنه ضعيف
اسلم حل تقيس شحن الدينامو وتكشف عالبطارية
والله أعلم
شوف قواشيط البطارية واربط عليها شويه لانها حصل معايا مرة قبل كده
اعمل رسيت شيل كابل البطارية السالب واستني ٣ دقائق وبعدين وصل وافتح كونتاكت من غير ماتدور سيبه ٢٠ ثانية اطفي وفتح كونتاكت تاني وعيد ٥ مرات ما تحلتڜ نزل سوفت وير جديد للكنترول
الأرضي (كابل البطارية السالب) مهزوز يا فندم.. اربطه كويس والمشكلة حتتحل بإذن الله :)
بالاضافه لكل ده فيه فيوز 15 امبير في علبه الفيوز اللي في الكبوت قدام هو المسئول عن كل الاحمال اللي حضرتك ذكرتها اتأكد انه سليم او ممكن يكون مهزوز
أعتقد انها مشكله فيوز كانت بتحصل معايا وبرضه شيك علي الدينمو
عيب شاذ انه يحصل في ياباني الا لو حد بيلعب يطفي العربيه وهي دايره
شيك العادي قواطيش والكابلات وسير الدينامو ومفيش كابلات ملمسه
فيوز وريليه الشحن تابتين وبالتوفيق