مركز ابورواش-فعلا مركز محترم جدا (شهادة حق بدون مجاملات)

**ashraf122** · 27-10-2008 11:15 AM

مشكلة حصلت فى مركز الهياكل النهاردة والصراحة المدريين فى ابورواش ناس محترمه جدا و تم حل الموضوع وفعلا ده اكبر اثبات انهم بيخافوا على العملاء وعلى فكرة المشكلة اللى حصلت بسبب غلطه موظف صغير و اغلب الناس اللى اشكتكت من غبور بسبب غلطات اواهمال العامل المصرى ودة والحمداللة فى كل حتة فى مصر.
بس فعلا لما لجأت للمدريين لحل المشكلة ، الناس فى منتهى الذوق وانا بعترف بعد الموقف دة توكيل غبور توكيل محترم
انا مش حقول اسماء علشان محدش يقول انى بنافق ، بس دة شهادة حق لناس محترمه

**AHMEDCAR** · 27-10-2008 12:15 PM

طيب الحمد لله انا و الله بقول نفس الكلام المشكله فى العامل المصرى غير المدرب و بيبقى فاكر نفسه فى الورشه

**Hossam.Hamdy** · 27-10-2008 04:52 PM

هى المشكله طبعا مشكلة عماله....المديرين ناس كلهم ناس محترمين و مش بيحبو العميل يكون زعلان ويعملو اللى يقدرو عليه عشان يرضو العميل....
انا اكثر من مره لجأت لمديرين وساعدونى وحالولى اكثر من مشكله.....المشكله كلها فى الصنايعيه و بعض المهندسين

**hossameid** · 27-10-2008 07:37 PM

المشاركة الأصلية كتبت بواسطة ashraf122

مشكلة حصلت فى مركز الهياكل النهاردة والصراحة المدريين فى ابورواش ناس محترمه جدا و تم حل الموضوع وفعلا ده اكبر اثبات انهم بيخافوا على العملاء وعلى فكرة المشكلة اللى حصلت بسبب غلطه موظف صغير و اغلب الناس اللى اشكتكت من غبور بسبب غلطات اواهمال العامل المصرى ودة والحمدالله فى كل حتة فى مصر.
بس فعلا لما لجأت للمدريين لحل المشكلة ، الناس فى منتهى الذوق وانا بعترف بعد الموقف دة توكيل غبور توكيل محترم
انا مش حقول اسماء علشان محدش يقول انى بنافق ، بس دة شهادة حق لناس محترمه

الشكوى من العامل المصرى موجودة فكل توكيلات(هوندا,سوزكى,ستروين, رينو,....) ادخلوا المنتديات و حتتفرجوا على المهازل.

**elazomy** · 28-10-2008 01:16 AM

فيه ايه ياعم ... انت كاتب الموضوع ده مرتين ؟؟؟ ايه الحكاية

**ashraf122** · 28-10-2008 08:12 AM

المشاركة الأصلية كتبت بواسطة elazomy

فيه ايه ياعم ... انت كاتب الموضوع ده مرتين ؟؟؟ ايه الحكاية

طيب انت زعلان لية بس ، المنتدى واسع

**big big** · 29-10-2008 09:27 AM

يا جماعة انا ولدي معاة عربية فيرنا وبجد مش بيعمل الصيانة بتاعت العربية غير في توكيل ابورواش وهم فعلا محترمين جدا والله

**shawareb** · 29-10-2008 02:32 PM

انا معرفش حاجة عن ابو رواش لكن عايز اقول انه بشكل عام لما يكون فيه اكتر من عامل فاسد في مؤسسة يبقي ده فشل اداري لان الادارة هي المسؤلة عن اختيار العمال ومتابعتهم ومراقبة جودة العمل...
والفشل ملوش علاقة بالاحترام... ممكن جدا يكون الانسان محترم بس فاشل في شغله...
والعامل المصري مش فاسد بس هو محتاج اللي يقدره و يفهم قدراته ايه ويعرف ازاي يوظفها صح...

مع كامل احترامي للجميع...

**ashraf122** · 29-10-2008 04:59 PM

المشاركة الأصلية كتبت بواسطة shawareb

انا معرفش حاجة عن ابو رواش لكن عايز اقول انه بشكل عام لما يكون فيه اكتر من عامل فاسد في مؤسسة يبقي ده فشل اداري لان الادارة هي المسؤلة عن اختيار العمال ومتابعتهم ومراقبة جودة العمل...
والفشل ملوش علاقة بالاحترام... ممكن جدا يكون الانسان محترم بس فاشل في شغله...
والعامل المصري مش فاسد بس هو محتاج اللي يقدره و يفهم قدراته ايه ويعرف ازاي يوظفها صح...

مع كامل احترامي للجميع...

مع احترامى الكامل لوجة نظر حضرتك بس العامل طالما ضامن مرتبة اخر الشهر خلاص بيكبر دماغه ويكروت فى الشغل وخلاص ، انا الموضوع دة لامسة مع المهندسين الجدد فى الشركة عندنا (شركة مقاولات كبيرة) كلة مكبر دماغة وعايز يهرج و يكلم و يشتغل على القد
واتفرج على العامل المصرى او المهندس فى الدول العربية بيشتغل 3 مرات اى حد تانى من جنسية اخرى بس هنا فى مصر متعرفش بيجرلهم اية