يا جماعه انا عربيتى كيا ريو ٢٠١٣ عامله ٥٠ الف كيلو وبتسحب بنزين بطريقه رهيبه مع العلم انها خليجى و١٤٠٠ سى سى والثبات بتاعها مش عاجبنى حد عندوا المشكله دى زيى او حل ارجو الافادة ؟؟؟؟
عرض للطباعة
يا جماعه انا عربيتى كيا ريو ٢٠١٣ عامله ٥٠ الف كيلو وبتسحب بنزين بطريقه رهيبه مع العلم انها خليجى و١٤٠٠ سى سى والثبات بتاعها مش عاجبنى حد عندوا المشكله دى زيى او حل ارجو الافادة ؟؟؟؟
اكشف فى التوكيل
بتعمل كام كيلو فى الصفيحه؟
ممكن يكون اسلوب قيادتك غلط وبتحرق جامد على الدواسه .
اولا استهلاك البنزين علشان تعرفه صح لازم تكون على طريف مفتوح سفر ياعنى . مش جوة البلد و تانى حاجه متحرقش على العربيه ياعنى كبيرك 120 او 130
وفى حاجات تانيه كتير اتجاه الهوا معاك ولا عكسك ولا فى كبارى ولا الطريق مستقيم
بس لو سواقتك كويسه والطريق مفتوح الصفيحه تعمل من 220 ل 230 على طريق سفر ولو جوة البلد من 190 ل 200 فى الزحمه
جرب الاول على طريق سفر فول على الزور من بنزينه محترمه واكد على الزور . وخدك طريقك من غير حرق و قرص و فول تانى بعد 100 كيلو مثلا طريق وشوف هتاخد اد ايه تانى
وان شاء الله خير
بتعمل حوالى ٢٠٠ كيلو فى الصفيحه مع العلم انى ١٤٠٠ سى سى
متابع للاهميه
الموضوع مالوش علاقة بكون العربية 1400 cc أو 2000 cc
المسألة طريقة سواقة في الأساس
بس كمان حضرتك ما قولتلناش العربية مانيوال ولا أوتوماتيك.. ولا الطرق اللي بتمشي فيها زحمة ولا سالكة.. ولا كمان ميولك إيه في السواقة .. يعني بتحب الهدواة ولا مستعجل؟؟
كل الكلام ده بيأثر حذريا في استهلاك البنزين
عموما.. أنا لسه رادد على تساؤل مشابه بس لعربية سيراتو.. وأنا هقتبس شوية من الرد اللي رديته هناك:
نصيحتي ليك... غير طريقة سواقتك بحيث تبقى اقتصادية أكتر شوية.. واعمل التالي:
1- لو عربيتك أوتوماتيك... حول العربية دايما على الوضع اليدوي.. ده هيوفر معاك الهدر في الدوران اللي بيحصل في الطلعة الأولانية... وابقى انقل على التاني بمجرد ما العربية تتحرك
2- اضبط البيانات اللي بتطلع في الشاشة بين العدادات بحيث تجيبلك معدل استهلاك البنزين.. وخلي عينك على استهلاك البنزين اللحظي في العداد... وخف رجلك من على البنزين.
3- اضبط ضغط الهوا في الكاوتش على 36-38 psi (على الساخن).. ده هيخلي العربية أسرع كتير في الطلعة.
4- حاول تقلل من تشغيل التكييف.. الجو مش مستاهل تكييف .. خصوصا إن الشتا داخل.
5- ما تحطش بنزين 80... خليك دايما على 90-92
6- أي أوزان زيادة في العربية شيلها... لو حاطط أي حاجة تقيلة في الشنطة تخلص منها فورا.. وكمان مش لازم تشيل معاك ناس كتير في العربية.
7- لو متوقع إن العربية هتقف لفترة أكتر من دقيقتين.. اطفي الموتور
8- حاول تقلل من المشاوير القصيرة (أقل من 8 كم) بالذات لما العربية تكون لسه باردة.. لإن أي عربية بتستهلك بنزين كتير جدا في الأول لحد ما الموتور والزيت وكل حاجة تتظبط في العربية.. وده محتاج وقت.
9- لو لقيت قدامك زحمة واضطريت تقف.. حول الفتيس دايما على الوضع n.. علشان لو فضلت على d استهلاك البنزين بيزيد .. لإنك بتبقى دايس فرامل والعربية بتقاوم علشان تفضل شغالة.. والمقاومة دي عايزة بنزين علشان الموتور يفضل شغال... ده غير التأثير السلبي على محول العزم واللي بردو هيزود استهلاك البنزين على المدى الطويل ويفرق في أداء الفتيس والعربية بشكل عام.
وربنا يباركلك في عربيتك
...
ناس كتير اتكلمت في النقطه دي وفي الغالب هي حاجه من اتنين
يا حضرتك عندك احساس بان العربيه بتاكل بنزين عشان تانك البنزين صغير فحضرتك بتحس انه بيخلص بسرعه
يا أما العربيه محتاجه تحديث سوفت وير في التوكيل (وأنا أعتقد ان دي المشكله اللي عندك عشان تقريباً معظم الخليجي فيه الموضوع ده)
طبعاً ده لو سواقه حضرتك هاديه ومبتحرقش جامد
فهو موضوع بسيط ومحلول ان شاء الله
وهو بشكل عام في العربيات الوكيل مفيهاش المشكله دي عشان نازله بالسوفت وير الجديد
اقتباس:
المشاركة الأصلية كتبت بواسطة borio1704
شكرا جدا للمعلومات القيمه دى
أكشف فى التوكيل وشوف موضوع السوفت وير ده مهم