عرض للطباعة
أتمنى من ملاك سوبارو xv الافادة بالتالي و شكرا مقدما :
1- أخبار ثبات السيارة على السرعات العالية ايه ؟
2- أخبار العزل و الضوضاء ايه ؟
3-العفشة ناعمة و لا ناشفة ؟
4-لو حد عمل بيها كيلو مترات كتير اخبار الصيانة ايه و قطع الغيار ؟
5-نتوكل على الله و نشتريها و لا نركز في الكورولا و الهوندا زي باقي الشعب ؟؟
وشكرا
بص لو دخلت هوندا في المقارنة يبقي سيفيك وش و فكك من اللي يقولك شكلها مش حلو ...مميزاتها تفوق نقطة شكلها ديه بكتير ... السوبارو مش عارف أقول ايه عنها بالظبط بس هي كشكل هجومي و شبابي و في نفس الوقت مش جذاب !!!
-ثباتها حلو أوي و أنا مجربه لحد 180
-العزل إلي حد ما معقول
-العفشة لا ناعمة و لا ناشفة أوي بس بتديك أداء مرضير(علي حسب حضرتك بتقارنها بايه)
-أسعار قطع غيارها غالية و مش متوفرة كتير برة التوكيل
-السوبارو أقل من الكورولا و مميزة عنها أكتر و لكن لو أنا هختار هضطر أجيب سيفيك أو كورولا عشان عند إعادة البيع ماخسرش كتير (ثقافة شعب عقيم الفكر!!!)
في النهاية أتمني أكون قدرت أساعدك و ربنا يوفقك في اختيارك
كلام حضرتك كله صح ما عدا حتة قطع غيار غالية : صيانة الهوندا و التويوتا بالتوكيل اغلى من السوبارو و عن تجربة . قطع غيار هوندا و تويوتا الأصلية من التوكيل اغلى مرة و نصف من سعر بتاعة السوبارواقتباس:
المشاركة الأصلية كتبت بواسطة eng.mark
تغيير تيل فرامل بالتوكيل لل 3 : شامل تركيب و ضريبة
سوبارو = 720 مودبلات 2014 520 موديلات قبل 2014
تويوتا = 840 موديلات 2014 720 موديلات 2010
هوندا = 850 موديلات 2014 600 موديلات قبل 2011
و باقى الأسعار السوبارو ارخص : و عمر القطعة الافتراضى فالسوبارو اطول و ده بيديك توفير على المدى الطويل
مشكلتنا بمصر لما نيجى نقارن بنقارن القطعة الغيار الأصلية اللى ليها ضمان بقطعة غيار استيراد مش مضمون مصدرها و معليهاش ضمان .
ما هو طول ما احنا ماشيين على نفس الثقافة عمرها ما هتتغير ده غير الي بيشتري زيرو كده كده خسران في السعر الا اذا كان هياعد العربية اربع ولا خمس سنين و ساعتها مش هتفرق و كل عربية ليها الركيب بتاعها