الموضوع: كنت حتألب بالعربية بسبب الإسكترا

المشاركة الأصلية كتبت بواسطة حسن محمود احمد

كل عام وانت بخير

و أنت بألف خير يا شيخ حسن

وحمدالله علي سلامتك انت والاسرة

الله يسلمك من كل سوء

هو انت روحت عند مين عفشجي من كلامك انا فهمت انك روحت عند حماده بالسيوف

لاء أنا روحت لدكتور العفشة زى ما بسمع ..... ( على ) اللى فى ش 30 اللى أمام الأمن المركزى فى سيدى بشر

وبالنسبة للحشو بيكون عبارة عن جلبة بلاستيك لونها ابيض والاصلي ب 15 جنيه من عند شاكر بالسيوف

ما هو أنا قولتلو ممكن تكون عاوزة حشو ....... قاللى لاء الإسكترا رايحة ....مش عارف هل هو عايز يغيرها علشان يفتح شغل ولا هى فعلا كده ....... أنا لسه ما عملتش حاجة

المشاركة الأصلية كتبت بواسطة yyy

بالنسبة للمصنعية لية مصنعية تغيير مساعدين امامى ومصنعية تغيير اسكترا ماهى مصنعية واحدة وخلاص ولا هو فاكر نفسة توكيل

ما هما بيقولوا عليه دكتور العفشة .... حضرتك لو رحتلوا بكشف على العربية و بعدين يكتبلك ورقة باللى فيها ( روشته يعنى ) و بعدين يكتبلك ورقة تانيه بالمصنعية ... دكتور بقى

المشاركة الأصلية كتبت بواسطة aw2100

مصنعية غاليه قوى
من الأخر 120 جنية امامى وخلفى
وهو ماغيرش البطاحات؟؟؟
ومبروك على العفشة الجديدة

و الله يا أستاذ وليد هو ده اللى حصل و علشان كده أنا سبته و مشيت ما غيرتش حاجة ....لسه ما عملت العربية و قلت أخد رأيكم هنا فى المنتدى الأول

فلو حد عنده صنايعى كويس نروحلو و أيضا لو فيه حد عنده إستعمال نظيف نجيب منه واحده إستعمال لو لزم الأمر

أيضا شكرا لكم جميعا إخوانى الكرام على مروركم الطيب و تعاونكم

تم بحمد الله تغيير الإسكترا بواحدة إستعمال

أخدت المكيكانيكى اللى جبن البيت معايا و رحنا عند حوالى 5 محلات لقطع غيار الإستعمال و كل اللى شفناهم كانوا مبوشين ..... و فى الأخر روحنا عند محل عدس فى سيدى بشر فى الإسكندرية و هى أول إسكترا شفناها عنده كانت تمام التمام و كاوتشاتها متقفلة تقفيلة المصنع و حالتها كويسة جدا .

جبناها ب 400 جنيه و المصنعية 100 و فيهم حق لف الرجل معايا حوالى ساعتين .

اليوم حروح أظبط زوايا و أشحم العربية و نشوف النتيجة .إن شاء الله

شكر خاص جدا لعم صبحى و الشيخ حسن اللى دايما كانوا بيتبعوا معايا على التليفون و مسابونيش لحد ما غيرتها
جزاهم الله عنا كل الخير فى الدنيا و الأخرة