كنت حتألب بالعربية بسبب الإسكترا
السلام عليكم و رحمة الله و بركاته
سافرت بالعربية فى العيد و معى الأسرة و كنت محمل العربية و فجأة لاقيت مطب غويط بطول حوالى 1.5متر و كنت ماشى على سرعة 90 كيلو على أحد الكبارى الدائرية و المطب حياخد العجلة الشمال ....... فقمت كاسر سنة بحيث إن المطب يجى تحت العربية و ردتها بسرعة جدا ...
لاقيت العربية جت من أقصى الشمال الى أقصى اليمين و هى بتتمرجح و كنت خلاص حخبط فى سور الكوبرى روحت مشعر فرامل بالراحة راحت العربية بدأت فى الثبات مرة أخرى و الحمد لله ...و الفضل لله
تانى حاجة ... و أنا راجع العربية حاسس بيها مش ماشية على الأرض ... كنت حاسس أنها لمسه الأرض
العربية عايمة ..... و الدريكسيون خفيف جدا جدا ... لدرجة أنك تخاف تمر بين عربيتين لتخبط فى إحداهما
فروحت اليوم أضبط زوايا و أشوف العربية من تحت الباشا قالى العربية تمام بس الإسكترا عايزه حشو .
فما هو رأى إخوانى الكرام .... هل هى إسكترا فعلا ..... و هل ينفع الحشو ولا نجيب إستيرا ولا إيه
نأسف للإطالة بس هو ده اللى حصل .