الموضوع: القول الفصل فى اللحم الطرى البقرى ولا الجاموسى

البقــــــــــرى بدون كلام ولو فحـــــل جاموسى صغير بيكون برضة لحمة طيب .

المشاركة الأصلية كتبت بواسطة abdulkhaleq

بص هو انا اكيد ماعرفش بالظبط

لكن اللي فاكره اني كنت سمعت مره ان الجهاز الهضمي للابقار مش مصمم للحبوب وانما للاعشاب بانواعها
وان الحبوب فعلا هي اللي بتخللي اللحم يملى دهون عشان الوزن

وايا كان النظام الغذائي فافضل شئ طبعا بما اننا في جمهورية فقر العربيه
اللي يقدر يربي لنفسه ويدبح كل فتره

واللي مايقدرش ربنا يعينه بقى

عند حضرتك حق فى موضوع الجهاز الهضمى وأنهم لو اتغذوا ع حبوب بكامل هيئتها بتنزل فى الروث *أعزك الله* زى ماهية وبدون طبعا مايتغذى منها بأى شئ ! فطبعا بيدوشها عشان يسهل هضمها .

وبالنسبـــــة للعلف فأسمحلى أقولك فية ناس معلمين فى الموضوع دة ومش هزار وبيربوا ع اصولــــة وفى معالف ..

عشـــان الدبيحة ترمى لحم محترم ومتكونش متليسة دهن ومالهاش طعم بيعملوا للعجول علفتين (علفة سخنــــة وعلفة خضرة)

العلفــــة السخنة دى بتكون عبارة (( دشيشة ذرة وقشر وحت فول + ردة + جولتفيد + مخلفات بذرة القطن والكتـان + مخلفات بنجــــر + رجيع الكون ))

العلفة الخضرة (( البرسيم أو عيدان ذرة أو عرش بطاطا ))


وطبعا كل واحد والخلطة بتاعتة ومدى تركيزها وبعد دة كلة أقدر اقولك اللحمة تتأكل حـــــــــاف