انا فى غاية الحرج بسبب ان اضحية السنة دى كانت ناشفه بعد السوى على عكس السنة اللى فاتت كانت لحمه ملبن طرية جدا مع العلم ان العجلين 350 كيلو ...انهى اطرى البقرى ولا الجاموسى
عرض للطباعة
انا فى غاية الحرج بسبب ان اضحية السنة دى كانت ناشفه بعد السوى على عكس السنة اللى فاتت كانت لحمه ملبن طرية جدا مع العلم ان العجلين 350 كيلو ...انهى اطرى البقرى ولا الجاموسى
اكيد طبعا البقرى
عادى يا باشا اغلب لحم الاضحيه بيكون كدا مش مشكله اوى اهم حاجه ان ربنا يتقبل ان شاء الله وكل عام وانت بخير
قطعيه اللحمه يعني من انهي جزء من الدبيحه
كل حته وليها طريقه اكل وسوي
متاخدش حته من الفخده وتسلقها وتقول خدت وقت في السوي وبنشد
اللحمه الجاموسي عموما اطعم من البقري
لاكن يعيبها انها كثيفه عن البقري
عملا ذي كيلو النحاس او الرصاص وكيلو الحديد
الاتنين كيلو لاكن بالعين يتهيالك ان كميه اللحمه القري وزنها اثقل من الجاموسي
اغلب الجاموسي اللي في السوق بيكون عجوز عشان بيدبح في اخر انتاجه نتي البان و تكاثر او ذكور جر و حرت وتكاثر برضه :)
البتلوا بيكون جاموسي في اغلبه وبيكون دكره
ده عشان الجاموسي بياخد وقت في تكوين العظم وده بيخلي المزارع يفقد اللبن اللي ممكن يتباع
فبيخلصوا منه بالذبح
تحياتي
متابع
لانى قفلت من اللحمه زى الفراخ بالظبط لو شفت فراخ قدامى مبقدرش ابص لها
وقربت من الاحساس ده مع اللحمه بسبب انها بقت شبه الكاوتش بدون طعم
ياريت تقولوا افضل حاجه ايه ومن اى جزء اللى ينفع للسلق
بالنسبة لجزئية الطعم ياشباب
الأكل اللي بتاكله الدبيحه عليه عامل كبير جدا في طعم وقوام اللحم
وبما ان احنا في مصر
فالمربيين بيأكلوا البهايم اي زباله وقبل مواعيد المواسم بشهرين بيأكلوها كويس عشان توزن
كنت سمعت قبل كده ان البقر المفروض ماياكلش حبوب وانما عشب اخضر (زي البرسيم), وان الحبوب دي بترمي دهون
اللي يقدر يعمل كده وعنده مكان كل فتره ياريت, وصدقوني هتلاقوا فرق
لحمه الرقبه - و الموز عموما حلوه في السلق والخضار
طبعااقتباس:
المشاركة الأصلية كتبت بواسطة abdulkhaleq
بص هيه لازم تاكل علفه مش صنف واحد
وبيفرق من شتاء لصيف
وحسب العمر
بتفرق في العلفه ومكوناتها
اللحم البقرى اطعم واطرى من اللحم الجاموسى بكثير وعمر الاضحيه وتغذيتها بيفرقوا
اقتباس:
المشاركة الأصلية كتبت بواسطة abou-yahia
بص هو انا اكيد ماعرفش بالظبط
لكن اللي فاكره اني كنت سمعت مره ان الجهاز الهضمي للابقار مش مصمم للحبوب وانما للاعشاب بانواعها
وان الحبوب فعلا هي اللي بتخللي اللحم يملى دهون عشان الوزن
وايا كان النظام الغذائي فافضل شئ طبعا بما اننا في جمهورية فقر العربيه
اللي يقدر يربي لنفسه ويدبح كل فتره
واللي مايقدرش ربنا يعينه بقى :Zb_sor1[1]:
المرعى بتاع المواشي بيأثر كتير في طعم اللحم و جودته
و دا اللي بيخليك تحس بفرق بيت اللحوم
السنة دي انا خليت ابن خالتي في البلد يعلف خروف لمدة سنه, بياكله برسيم و حشيش و درة و نادرا لما ياكل علف .لما اكلت من لحمة الخروف دا معرفتش اكل اي لحم خروف تاني لاني شامم فيه ريحة غريبة.
كمان سن الماشية بيأثر جدا في طعمها, و كمان التطعيمات اللي بتاخدها او لو اصيبت بأي مرض ولو كانت حملت وولدت قبل كدا وهكذا
فيه خبايا كتير و للاسف فيه ازمة ضمير بشكل عام في مصر. فممكن تتخيل اللي بيحصل من وراك لانك في الاخر بتشوف البهيمة مرة او مرتين قبل الدبح مش قدامك كل يوم.
البقــــــــــرى بدون كلام ولو فحـــــل جاموسى صغير بيكون برضة لحمة طيب .
عند حضرتك حق فى موضوع الجهاز الهضمى وأنهم لو اتغذوا ع حبوب بكامل هيئتها بتنزل فى الروث *أعزك الله* زى ماهية وبدون طبعا مايتغذى منها بأى شئ ! فطبعا بيدوشها عشان يسهل هضمها .اقتباس:
المشاركة الأصلية كتبت بواسطة abdulkhaleq
وبالنسبـــــة للعلف فأسمحلى أقولك فية ناس معلمين فى الموضوع دة ومش هزار وبيربوا ع اصولــــة وفى معالف ..
عشـــان الدبيحة ترمى لحم محترم ومتكونش متليسة دهن ومالهاش طعم بيعملوا للعجول علفتين (علفة سخنــــة وعلفة خضرة)
العلفــــة السخنة دى بتكون عبارة (( دشيشة ذرة وقشر وحت فول + ردة + جولتفيد + مخلفات بذرة القطن والكتـان + مخلفات بنجــــر + رجيع الكون ))
العلفة الخضرة (( البرسيم أو عيدان ذرة أو عرش بطاطا ))
وطبعا كل واحد والخلطة بتاعتة ومدى تركيزها وبعد دة كلة أقدر اقولك اللحمة تتأكل حـــــــــاف :bump1:
لا بقرى ولا جاموسى
اللحمه الضانى بعدها متاكلش لحمه
اقتباس:
المشاركة الأصلية كتبت بواسطة BuNsH_FoX
بعد الموضوع ده ياشباب والمعلومات اللي اخدتها منكم شكلي هبدأ اربي لنفسي بقى :10D5C8w1107:
شباب اللي حابب يقرا الكلام ده من ويكيبيديا للاستزاده بخصوص اللحم الاورجانيك والعادي
واللينك كاملاقتباس:
As organic cattle approach market weight, there are two feeding methods that producers most commonly use to deliver beef products to their customers: Grass-Fed and Grain-Fed. In the grass-fed program, the cattle continue to eat certified organic grass right up to the time of slaughtering. The USDA is currently developing guidelines to define the term Grass-Fed, and it is expected to call for an all grass diet of at least 95%. Strictly grass-fed cattle tend to be leaner than grain-fed. Grain finishing produces cattle with a higher percentage of fat. All grains must be certified organic to ensure the integrity of the program.
Organic beef - Wikipedia, the free encyclopedia
موضوع اللحمة ده حاجة صعبة اوي وانا منفض دماغي منها جداً لانها متشعبة جداً
اللحمة ليها مليون مصدر جاموسي وبقري وضاني وجديان وجملي
غير بقى الكبير والصغير (كندوز وبتلو ) والقطعيات وش فخدة وعرق فلتو وموزة وكباب حلة وقطعيات للبفتيك وقطعيات طبيخ
بصراحة حاولت اجيب اخر الموضوع وفتح مني
وخصوصاً زي ما بتقولوا لما ادخل اغراض التربية في الموضوع لحم مواشي الالبان غير لحم التسمين ولحم التغذية العلف غير لحم التغذية الطازة
وجع قلب
الخلاصة بقى في مصدر الشراء يكون حد ثقة وتحددله طلبك ولو امين ومحترم هيديني طلبي بالظبط بدون غش بس مقابل كده اكيد هتدفع مبالغ محترمة