اسفسار قبل حجز كورولا 2015

**megaarts** · 12-10-2014 11:10 AM

السلام عليكم ورحمة الله
عندي سؤال لملاك الكورولا الجديدة انا بفكر اتوكل علي الله واشتريها ونزلت فعلا اتفرجت عليها
هيا ما شاء الله تحفة فى التصميم من جوة وبرة بس لاحظت ان خامات الطابلوة من حلوة قوي فهل فعلا بعد الاستخدام الخامات مش كويسة؟؟

وسؤال تاني لو سمحتم
البياع الي كنت معاه في المعرض قلقني منها وقالي ان فيها مشاكل عشان التقفيل التركي وقعد يقنعني بالسيراتو فهل فعلا فيها مشاكل زي ما بيقول ولا دة مجرد كلام عشان يقنعني بالسيراتو ؟؟

وهل يا جماعه الفتيس في مشاكل ولو جبت المانيول هيبقى افضل ؟
ولكم جزيل الشكر

**bassem.naguib** · 12-10-2014 11:18 AM

المشاركة الأصلية كتبت بواسطة megaarts

السلام عليكم ورحمة الله
عندي سؤال لملاك الكورولا الجديدة انا بفكر اتوكل علي الله واشتريها ونزلت فعلا اتفرجت عليها
هيا ما شاء الله تحفة فى التصميم من جوة وبرة بس لاحظت ان خامات الطابلوة من حلوة قوي فهل فعلا بعد الاستخدام الخامات مش كويسة؟؟

وسؤال تاني لو سمحتم
البياع الي كنت معاه في المعرض قلقني منها وقالي ان فيها مشاكل عشان التقفيل التركي وقعد يقنعني بالسيراتو فهل فعلا فيها مشاكل زي ما بيقول ولا دة مجرد كلام عشان يقنعني بالسيراتو ؟؟

وهل يا جماعه الفتيس في مشاكل ولو جبت المانيول هيبقى افضل ؟
ولكم جزيل الشكر

مبدئياً شوف أراء الناس في العربية أيه .. وشوف أنت ميال لأيه .. وأعمل استخارة وتوكل على الله

سيبك من كلام البياعين لسبب بسيط لأنه بيبقى ليه نسبة مكسب أكتر في بيع نوع معين .. وبالتوفيق إن شاء الله .

**sas5** · 12-10-2014 11:33 AM

قل للبياع بونص البيع للسيراتو كام سوف تجده ضعف البونص بتاع تيوتا وبالتالى الاكسب له بيع السيراتو

**Sameh samy** · 12-10-2014 11:49 AM

الكورولا افضل من السيراتو مافيش كلام

**Mohamed.Hany** · 12-10-2014 02:24 PM

بمنتهي البساطة ليه السيراتو موجودة عنده تسليم فوري و بسعر اقل من سعر الوكيل و ليه الكورولا عند نفس المعرض بححز و بتتباع بسعر اعلي اوفر برايس ؟
من الجملة دي تقدر تعرف هو ليه بيقولك سيراتو عشان هو ضامن كدة كدة يبيع كورولا و بسعر اعلي و لكن الاقبال علي السيراتو اقل من الكورولا .

**pharonicking** · 12-10-2014 03:37 PM

الخامات كويسة """ والاوتوماتيك احسن طبعا""

**Hunting_Eagle** · 12-10-2014 03:51 PM

المشاركة الأصلية كتبت بواسطة sameh samy

الكورولا افضل من السيراتو مافيش كلام

ليه ؟

المشاركة الأصلية كتبت بواسطة megaarts

الف شكر يا جماعه علي الردود بس محدش جاوبني بخصوص خامه الطابلة واجزاء البلاستيك الداخلية عموما
وبرضو بخصوص الفتيس الاوتوماتيك ليه مشاكل ولا لأ وهو افضل ولا المانيول من حيث الصيانه

الخامات فعلا سيئة .. وده كان سبب من الاسباب اني ما اشترتش كورلا و اشتريت سيراتو

الخامات في السيراتو مش حلوة اوي لكنها افضل من الكورولا

الفتيس المانيوال اكيد افضل في الصيانة و الاعتمادية .. بس هو حد بيركب مانيوال في الزحمة بتاعة مصر .. و حتى لو اشتريت المانيوال العربية هتبقى مفيهاش كماليات زي الاوتو

**Mohamed.Hany** · 12-10-2014 04:27 PM

المشاركة الأصلية كتبت بواسطة Hunting_Eagle

ليه ؟

الخامات فعلا سيئة .. وده كان سبب من الاسباب اني ما اشترتش كورلا و اشتريت سيراتو

الخامات في السيراتو مش حلوة اوي لكنها افضل من الكورولا

الفتيس المانيوال اكيد افضل في الصيانة و الاعتمادية .. بس هو حد بيركب مانيوال في الزحمة بتاعة مصر .. و حتى لو اشتريت المانيوال العربية هتبقى مفيهاش كماليات زي الاوتو

الخامات مش سيئة يعني مشفناش حاحة شققت و لا حاجة قشرت و لا حاجة اتكسرت .
الفتيس الاوتوماتيك ال cvt عالمي و موفر جدا للبنزين و بدون مشاكل غيار الزيت بتاعه كل 100 الف كم .
بالنسبة بقا ليه الكورولا احسن من السيراتو عشان سيراتو عربية بتزل عوامل الامان كاوبشن زي abs ebd bas airbags و بتدفع فلوس عشان تشتري عوامل امان بعكس الكورولا فيها كل الكلام ده ستاندرد و طبعا غير الثبات الالكتروني vsc+ و نظام المساعدة في التلال hac و نظام المساعدة في الجر trc و نظام ebl كلها مش موجودة في السيراتو حتي الهاي لاين و موجودة ستاندرد في كل فئات الكورولا و طبعا دي كلها عوامل امان اساسية لتويوتا .
و عيب السيراتو القاتل هو الجنط ال 17 اللي منشف ااعفشة و صديقي لسة مغير فردتين جابو باللونة بسبب جنط 17 .
غير طبعا مأساة غلو قطع غيار السيراتو الناااار اللي تخلي سعر الفانوس ب 6500 جنيه و الفاونس الخلفي 5300 جنيه و سعر الرفرف 4000 جنيه الاسعار دي مش بنشوفها حتي في الاوروبي و اسعار الكورولا نصف الاسعار دي او اقل

الموضوع: اسفسار قبل حجز كورولا 2015

LinkBack

أدوات الموضوع

عرض

-

-

-

-

-

المواضيع المتشابهه

مقارنة تفصيلية مبين تويوتا كورولا 2015 و سكودا a7 2015

تويوتا كورولا 2015 ولا رينو فلوانس 2015؟ و ليه؟

رينو فلوانس 2015 ولا تويوتا كورولا 2015؟ و ليه؟

اسفسار عاجل بخصوص النترا 2015

مشكلة في كورولا 2015 رجاء الافادة من خبراء كورولا

الكلمات الدلالية لهذا الموضوع

المفضلات

المفضلات

ضوابط المشاركة