ياريت يا جماعه اللى معاه العربيه ديه وشايف انها تستحق المبلغ بتاعها ده ولا لا ولا افكر فى حاجه كورى احسن لانى انا عندى عقده من مشاكل العربيات فلو جيبتها و ظهر فيها عيب هتجيلى عقده منها ومش هركبها فياريت تنصوحونى اجيبها ولا لا
عرض للطباعة
ياريت يا جماعه اللى معاه العربيه ديه وشايف انها تستحق المبلغ بتاعها ده ولا لا ولا افكر فى حاجه كورى احسن لانى انا عندى عقده من مشاكل العربيات فلو جيبتها و ظهر فيها عيب هتجيلى عقده منها ومش هركبها فياريت تنصوحونى اجيبها ولا لا
الكمال لله وحده و مفيش حاجه من صنع البشر بلا عيوب او مشاكل
بص كل العربيات انت و حظك
هيا مش هتكون احسن من الكورلا و الفولكس اللى ظهر فيهم عيوب خطيره واتسحبت عربيات بالالاف
لكن هيا صفقه كويسه بالسعر ده وزيها زى اى عربيه راعيها تراعيك
ده كلام فوق السليم كمان وشكرا لردوك يا باشا
فى حاجه بقى هسالك عليها انا اتصلت بواحد كان عايز يبيع العربيه ديه وقولتله انا مش هشترى العربيه منك علشان انا هشتريها جديده وقولتله عايز تبيعها ليه المهم انه مش هيبيعها علشان فيها عيب ولا حاجه بس قالى على حاجه غريبه شويه قالى ان فى واحد صحابه فى بافاريا شغال هناك قاله اول ما تشترى العربيه قبل ما تمشى بيها حتى غيرلها جلب المقصات سالته ليه كده قالى هو قالى انها الجلب بتاعتها النازله بيها وحشه ولازم تتغير على طول قولى بقى المعلومه ديه اخبارها ايه بالنسبالك
كنت هشتريها زيرو ولكن انا من المنيا وصعب عليا اروح التوكيل للصيانة .. وكمان الشعار بتاع بريليانس ماعجبنيش
بص العربية مع الوالد وعن تجربة شخصية اقدر اقولك انها فى رأى من أحسن السيارات التى تم انتاجها فى الصين
سعر إعادة البيع كويس جدا
اوبشنز كتير وخامات تابلوه كويسه على عكس الصينى المتعارف عليه
ياريت لو تقدر تشوف السيارة على الواقع وتركبها وتشوف بنفسك
وبالتوفيق باذن الله