الموضوع: بيع سياره قسط

وعليكم السلام ورحمة الله وبركاته
علشان تقدر تبيع للغير لازم تعمل فك حظر و ده معناه ان حضرتك لازم تسدد باقى الأقساط للبنك الأول و بعد كده تبيع عادى او تعمل تنازل للمشترى عن العربيه بمعرفه البنك و الشيكات تتغير بأسم المشترى الجديد و هو يسدد باقى المبلغ بالتقسيط مع البنك
لو فرضنا ان مشترى عايز العربيه و بيدفع لحضرتك كاش هو كده يبقى خسر الفلوس كلها (لحد ما الأقساط تخلص و ينقل ملكيه العربيه لنفسه) لان العربيه هتفضل بأسم حضرتك و حتى لو حضرتك عملته توكيل بالبيع و الشراء و التجديد و كل هذه الأشياء مش هيعرف ينقل الملكيه لنفسه و التجديد هيكون بأسم حضرتك لحد ما يخلص كل الأقساط و بعد كده يبيع لنفسه, مين هيوافق بكده ؟؟!!

المشاركة الأصلية كتبت بواسطة _ahmed_casper_

شكرا لحضرتك و ردك السريع
الكلام منطقى بس كن نفسى اخد الفلوس كاش علشان اجيب عربيه تانيه

ممكن تاخد قرض من البنك و تسدد به باقى الأقساط و تبيع العربيه كاش و تدفع اقساط القرض شهريا لمده السنه
اعتقد فيه حلول بس اللى اعرفه ان خطوات بيع سياره عليها حظر اللى قلتها لحضرتك
عموما انا ليا صديق كان عنده نفس المشكله بتاعت حضرتك هكلمه و اشوف عمل ايه بالظبط

المشاركة الأصلية كتبت بواسطة _ahmed_casper_

ياريت يا باشا تعرفلى الىى عمله صاحبك
شكرا ليك مره تانيه

العفو, الشكر لله وحده
انا كلمته و هو قالى انه دفع باقى الأقساط و ريح نفسه
سألت واحد اعرفه شغال فـ بنك على امكانيه تحويل الأقساط بأسم المشترى قالى ان ده راجع لنظام البنك نفسه و الموضوع بياخد وقت علشان الأستعلامات بتاعت و غالبا البنك مش هيوافق و سألت على موضوع القرض النقدى فنفس البنك اللى فيه اقساط السياره و تسدد اقساط العربيه منه قالى هيعملوا استعلامات جديده و لو المرتب يسمح هيوافقوا عادى
و اقترح ان الحل الأسهل و الأسرع هو الأتفاق مع المشترى بدفع مبلغ (قيمه الأقساط) و تسديد اقساط العربيه و البيع عادى بعد كده

كمان حاجه ايه الى يضمن للمشترى ان حضرتك هتسدد الاقساط