بمناسبه تخفيض الجيتا....موضوع للعلم بالشئ عن توكيل فولكس

**esp** · 12-10-2014 03:21 PM

للعلم بالشئ مش اكتر....توكيل فولكس ده موظف موظفين اغبيه جدا في قسم التسويق....ليه؟ الحقيقه المره ان في جيتا و جولف ب مواتير ١٦٠٠ (البتقبل ٩١-٩٥ و الجولف بتنزل ب١١٠ حصان زي الفي الa7 و الجيتا نازله ب١٠٥ حصان زي الفي الابيزا) و معاهم الفتيس العادي الست السرعات و سعرهم طبعا اكيد ارخص من المواتير التربو و الفتيس الملعون بس التوكيل مبيستوردش العربيات دي و ماسك دماغه على التربو و الdsg...خايف يتقال ان في مشاكل في العربيات فابيغيروا الموتور و الفتيس (مع العلم ان ال١٦٠٠ و الفتيس القديم انسب لبلدنا علشان البنزين و الزحمه صحيح هما مش متعه في السواقه زي التربو و لكن في نظري افضل من المنافسين.....بدون ادنى تفكير لو فولكس مصر استوردوا العربيات دي هيرجع للعصر الدهبي بتاعهم (٢٠٠٥-٢٠٠٩) قبل فضيحه الdsg و tsi خصوصا ان العربيات الاسيوي بقى السعر متقارب جدا بينها و بين فولكس....يعني لما تبقى عربيات اسيويه ب ١٩٠-٢١٠ الف و تلاقي الجيتا التربو بتتباع ب١٩٩ و الجولف ب٢٢٠ ده معناه ان العربيات دي لو منزلتس تربو سعرها هيبقى ارخص من المنافسين!!!!

اخر حاجه قبل ما حد يهاجم و يقولي انا بفتي و العربيات دي مش موجوده....يراجع موقع فولكس روسيا
تحياتي للجميع

**mnashat77** · 12-10-2014 04:58 PM

كلاام مظبووطً،،ياريت فعلا ينزلوها بالفتيس والماتور القديم وهيبقي عليها طلب كتييير جدااا

**Mohamedjetta** · 12-10-2014 05:56 PM

ياااااريت هيضربو السوق علي الكورولا و الاوبل و الهيونداي والكيا

**Mohamedjetta** · 12-10-2014 05:58 PM

بس متنساش ان المواتير دي ضعيفه جدا ومش بترضي كل الناس

**esp** · 12-10-2014 09:56 PM

في رأي ان المواتير دي منافسه للسيارات الاسيوي و متنساش ان الموتور ١١٠ حصان ده جيل جديد تماما عن القبله و لم يتم تجربته حتى الان....و كما وضحت هما مش بنفس متعه التربو و الdsg و لكن هم الانسب لظروف البلد

**Hosam_Optrawy** · 12-10-2014 10:06 PM

موجوده فعلا في روسيا 105 حصان 153 نيوتن اوتو 6 سرعات

ياريت تنزل وسعرها يرخص عن كدا ، ومش فارقه قوة الموتور الجيتا اللى قبلها كانت 102 حصان 148 نيوتن و 8 صمام

**madmant** · 12-10-2014 11:15 PM

في خبر بيقول ان فولكس بتطور فتيس جديد 10 نقلات حاينزل في الباسات 2015

**Mohamedjetta** · 13-10-2014 12:32 AM

مش كفايه ابو سبع نقلات ... يطلعلنا ابو عشر نقلات
ده لو عملو الفتيس الجديد اللي عباره عن عشر نقلات كل واحد يخلي كلاتشاته في عربيته d: و اللي يقولك هات كلتشتك سلف قطعه d: خد انت بس :)

**Mohamedjetta** · 13-10-2014 12:35 AM

المشاركة الأصلية كتبت بواسطة ahmed saad

تقول ايه بقى في العند والجهل وفي الآخر الحركه الشجاعة من توكيل اسكودا اللي نزلو ال a7 ال1600 بدل ال tsi هتعملها فولكس أن اجلا أمعاجلا نظرا لتراجع المبيعات الرهيب يعني مش ككفايه مش عاملين رواج للاودي في مصر لا وكمان الفولكس هتضيع وكلامك صح مليون الميه الجيتا والجولف لو نزلو بموتور 1600 هيبقو تمام وهيتربعوا على عرش المبيعات لأنهم زي ماقولت هينافسو فئات كتيره ده غير ان المصريين من زمان عشاق لبراند فولكس فاجن أيام ماكان صح وسمعه الفتيس خوفت الناس من الفولكس الجديد لدرجه اني معايا باسات موديل 2000 وكل اللي يشوفها يقوللي العربيه دي برقبه الجديد وبيقوللي السبب الفتيس بتاعها فياريت التوكيل يظبط الدنيا علشان ينافسوا وأما الفولكس فاجن هتحصل الفيات في مصر

اه ولله يا استاذ احمد فولكس القديم لا يعوض ابدا
اخويا كان عنده جولف 4 و كانت تحفه واعتمادية وافتكر لما باعها كانت ماشية 300 الف و دي بالنسبالي احسن من الجيتا اللي عندنا بمرااااااحل

-

الموضوع: بمناسبه تخفيض الجيتا....موضوع للعلم بالشئ عن توكيل فولكس

LinkBack

أدوات الموضوع

عرض

-

-

-

-

-

المواضيع المتشابهه

سؤال للعلم بالشئ

اية موضوع 36% تخفيض جمارك دة ؟

توكيل كيا بالسعودية عمل تخفيض ٢٥٪ على كل العربيات

تخفيض خيالى على فولكس سوران

الكلمات الدلالية لهذا الموضوع

المفضلات

المفضلات

ضوابط المشاركة