السلام عليكم يا شباب ، انا محتاج رايكم في انه الأفضل كيا ريو و لا نيسان صني من حيث قوه البودي و العمر الافتراضي للماتور . شكرًا
عرض للطباعة
السلام عليكم يا شباب ، انا محتاج رايكم في انه الأفضل كيا ريو و لا نيسان صني من حيث قوه البودي و العمر الافتراضي للماتور . شكرًا
ريو واشترى راحة بالك ودماغك واعصابك لانها تقريباً بدون مشاكل وتقفيل بلدها
انا كده جبتلك المفيد :) !!!!
لا دى ولا دى الصراحة
ولو مصمم يبقى الصنى
ابعد عن الريو دى خالص دى عربية فاشلة فى كل بنودها وتاريخها باهت وعمرها ما نجحت ابدا
ريو طبعا
ومتسمعش كلام اللى بيفتو
ريو
بدون تحيز وربنا يشهد
ريو بكل أمانة ومتديش ودنك لفتي او لكلام مالوش اساس
و ممكن برتون جين 2 لو عاوز تقل شوية وتحافظ على المستوى في نفس الوقت
الريو من وجهة نظري افضل رغم ان الصني ممكن يكون فيها اوبشنز اكتر لو بتقارن بالريو الفئه الاولى او التانيه (لكن)
لو دخلت على قسم الكيا هتلاقي الشكاوى في الريو بتنحصر في
1- ضيق الكنبه الخلفية بعض الشئ
2- استهلاك الينزين المرتفع عند بعض الناس وده هتلاقيه في الغالب في العربيات الخليجي وهتلاقي من كلام الملاك اللي عندهم المشكله دي انه بيتحل في التوكيل بتحديث السوفت وير
3- العفشه ناشفه شويه وخاصة في العربيات اللي بجنوط 17 (الجنوط الـ 15 المشكله دي اقل كتير)
غير كده مش هتلاقي في شكاوي تانيه تقريباً
لو شفت قسم النيسان هتلاقي شكاوى ملاك النيو صنى كالاتي
1- سوء خامه تيل الفرامل والطنابير (تاكل تيل الفرامل بشكل سريع جداً وبلاقي صوت صفاره مع الفرمله نتيجه أحتكاك التيل بالطنبوره اللي بؤدي لتاكل الطنبوره نفسها اللي هي خامتها اصلاً غير جيده مما يتطلب تغير التيل والطنابير وحتى لو الوكيل غير الحاجات دي اول مره في الضمان المشكله مش بتتحل وبترجع تاني وهتلاقي نفسك بعد كده كل شويه بتغير الحاجات دي على حسابك)
2- مشاكل في ماستر الفرامل اللي الوكيل استدعى بعض العربيات لتغير ماستر الفرامل كنوع من تهدئة غضب ملاك السياره وده بعد ما لقى ان حماية المستهلك هتحول المشكله للنائب العام بعد شكاوي عدد كبير من ملاك السياره وده اللي حصل بعد كده فعلاً انهم اتحولوا للنائب العام
3- الضعف الشديد لبودي وشاسيه السياره اللي بيسبب اضرار جسيمه للعربيه حتى مع الحوادث البسيطه
4- عدم فتح الايرباجز مع حوادث كبيره وده تكرر مع أكتر من عضو هنا وعملوا مواضيع بكده ومصورين السيارات اللي باين منها مدى قوه الحادث ورغم كده الايرباجز مفتحتش منها عربيات اتقلبت كذا مره
5- كان في مشكله في نوع الكاوتشات السيء اللي نازل في العربيه (بس الحمد لله أخيراً المشكله دي اتحلت وغيروا نوع الكاوتش بنوع كويس بريدجستون على ما افتكر)
أعتقد أن كل دي مشاكل كبيره لا يمكن التغاضي عنها
لما تضيف على ده أن اسعار قطع الغيار ارخص في الريو
وخامات المستخدمه في الطابلوه للريو افضل
والتقفيل احسن كتير في الريو (تقفيل كوري بعكس الصني التقفيل المصري)
أعتقد بعد كل ده يبقى اختيار الريو أكتر منطقيه من اختيار الصني
يارب اكون قدرت افيدك وربنا يوفقك للخير ان شاء الله