الموضوع: سعر تآسيس شقة بالكهرباء مسحتها 100 متر

لسه مأسس شقة لواحد صاحبي و اخويا اللي عملهاله كهرباء لأنه شغال في التركيبات و البيع
الشقة 170 متر اتكلفت مصنعية حوالي 2200 جنيه و خامات كلها درجة اولي و السويدي للكابلات و الشقة فيها 5 تكييفات بحوالي 4500 جنيه شاملة الاسلاك و المفاتيح الاوتوماتيك بتقفيل اللوحة العمومية من غير تشطيب طبعا

بالنسبة للأخ اللي بيسال في موضوع الانترنت و الراوتر فحضرتك الصح تعمل لوحة مثلا 30في 30 بيتقفل فيها الانترنت و التليفونات و الانتركم لو حبيت و بتسمي لوحة light current و بتوزع منها كل الشقة تليفونات و انترنت و بيبقي جواها كل حاجه من كابلات و راوتر و كل شيء و بتقفل عليهم و مش بيبانو اساسا

الصح كمان في موضوع الانترنت انك تشغل الشقة كلها وايرلس و سيبك من قصة الكابلات نهائي ... راوتر وايرلس + اكسس بوينت في مكان اخر في طرف الشقة لتقوية الشبكة و الربط بينهم كمان وايرلس و تشتري دماغك

اعمال الكهرباء فيها اختراعات كثيرة جدا منها نظام ااضاءة نفس الوحدة من اكثر من مكان + طباعة صور خاصة لك علي الشاسيه الخارجي للمفاتيح + وحدات ذاتية الاضاءة بسينسور في حال تواجدك و بتطفي لوحدها حال عدم تواجدك لفترة .... و هكذا