Mazda 3 2015 vs Ford Focus 2014

السلام عليكم اعضاء المنتدى الكرام

انا محتار بين العربيتين انا كنت مقتنع تماما بالفورد كسياره شبابيه و موتو و عفشه قويه و فيها اي حاجه الواحد بيحلم بيها

بس لما روحت اشوف العربيه فى الوكيل الفئه اللي ب 207 تقريبا لقيت العربيت من جوه ضيقه جدا و اللى لفت نظري اكتر الخامات السيئه

تقريبا كل حاجه فى العربيه فبر او بلاستيك انا اتصدمت من الخامات بصراحه عربيه ب 200 الف و كدا حتى الفرش مش جلد

و من الواضح انهم شايلين كل الكماليات للسياره التيانيوم اللى تمنها 252 الف و مش متوفره من اساسه و لازم تيجي سبيشيل اوردر

طبعا لا غبار على موتو العربيه و الفتيس 6 نقلات و الساوند سيستم القوي و مساحه الشنطه معقوله و الثبات الوهمي

بس برضو عفشه المازدا على حسب علمي وانا كان عندي مازدا 3 2009 كويسه جدا و ثابته بس لو هدي الفورد 10/10 فى الثبات ممكن ادي المازدا 8 من 10

انا مكنتش شوفت المازدا او بمعنى اصح كنت متجاهلها كنت عايز اركب الماني مش ياباني او كوري بس قريت البروشور و ذهلت

اي نعم في فرق فى الفلوس مازدا 220 اعلى فئه بس تقريبا كل حاجه فى العربيه جلد كروم كاربون فايبر و دي خامات مش موجوده في اي عربيه في الفئه دي

الموتو طبعا اضعف 105 حصان و الفورد 125 و الفتيس 4 نقلات بس نفس الفتيس القديم للمازدا بس في مميزات كتيره

شاشه تاتش مع ماوس للتحكم و سمعت ان ممكن تتحكم بالصوت مش عارف موجود في مصر ولا لا التقفيل من جوه فخم جدا

مساحه الشنطه لسه متأكدتش منها بس العربيه ابعادها اتحسنت وسعوها من جوه و وجود كاميرا خلفيه مع الباركنج دا مش موجود فى الفورد

مصابيح اماميه زينون و ليد في المصابيح الخلفيه مش موجوده فى الفورد برضو اكيد في اختلافات تانيه انا معرفهاش

ياريت اللى عنده اي معلومات تانيه يفيدني انا معرفش لسه كل حاجه و محتار ارجو الافاده بموضوعيه بدون اي تحيز

العربية نازلة عند سمارت كار وسونستا وكل واحد عنده كماليات مختلفة عن التاني
غبور عنده جميع الكماليات الي في العربية ما عدا النافيجيتور - عند سونستا بس
عربية غبور فيها جنوط وليد امامي وخلفي وزينون متحرك وحساس مطر واضاءة وسنسور خلفي وكاميرا خلفية وفاميه ومراية تعتيم وسمارت كي وستارت انجن وفرش جلد وفتحة سقف والشاشة والماوس والبروجيكتور ومثبت سرعة ومالتي وعداد سرعة ديجتال وجهاز انذار وسبويلر وساوند سيستم بوس وكرسي السواق كهرباء وانظمة الفرامل التلاتة والعربية دي سعرها 217 الف
العربية الي عند سمارت كار تنقص عن غبور الفرش الجلد والبروجيكتور والسبويلر والفاميه وعداد السرعة الديجتال والكرسي الكهربا وسعرها تقريبا 210
الي عند سونستا عربيتين في واحدة تنقص عن سمارت كار الزينون والسمارت كي وواحدة تنقص السنسور الخلفي وتزيد النافيجيتور وسعرهم 200 و207 تقريبا
عيوب العربية شايفها ان الكنبة ضيقة شوية رغم ان قاعدة العجل كبيرة 270 بس يمكن علشان العفشة المالتي
وطبعا الماتور والفتيس

اقتباس:

---

المشاركة الأصلية كتبت بواسطة wael .h

العربية نازلة عند سمارت كار وسونستا وكل واحد عنده كماليات مختلفة عن التاني
غبور عنده جميع الكماليات الي في العربية ما عدا النافيجيتور - عند سونستا بس
عربية غبور فيها جنوط وليد امامي وخلفي وزينون متحرك وحساس مطر واضاءة وسنسور خلفي وكاميرا خلفية وفاميه ومراية تعتيم وسمارت كي وستارت انجن وفرش جلد وفتحة سقف والشاشة والماوس والبروجيكتور ومثبت سرعة ومالتي وعداد سرعة ديجتال وجهاز انذار وسبويلر وساوند سيستم بوس وكرسي السواق كهرباء وانظمة الفرامل التلاتة والعربية دي سعرها 217 الف
العربية الي عند سمارت كار تنقص عن غبور الفرش الجلد والبروجيكتور والسبويلر والفاميه وعداد السرعة الديجتال والكرسي الكهربا وسعرها تقريبا 210
الي عند سونستا عربيتين في واحدة تنقص عن سمارت كار الزينون والسمارت كي وواحدة تنقص السنسور الخلفي وتزيد النافيجيتور وسعرهم 200 و207 تقريبا
عيوب العربية شايفها ان الكنبة ضيقة شوية رغم ان قاعدة العجل كبيرة 270 بس يمكن علشان العفشة المالتي
وطبعا الماتور والفتيس

---

البروجيكتور دا وظيفته ايه بالزبط انا معرفش عنه حاجه و متوافر في اي موديل

اقتباس:

---

المشاركة الأصلية كتبت بواسطة lovemessenger

البروجيكتور دا وظيفته ايه بالزبط انا معرفش عنه حاجه و متوافر في اي موديل

---

( h u d )
Head up display
عبارة عن شاشة فوق لوحة العدادت بتفتح لفوق مع تشغيل الموتور وبتعرض السرعة والاتجاهات
وفايدتها انك تتابع السرعة من غير ما تنزل عينك لتحت في العداد
وممكن تتحكم في مستوي البيانات فيها عن طريق الماوس والشاشة الرئيسية
ودا موجود في الهايلاين بتاعة غبور

بصراحة عايز تركب عربية يبقى الفورد فوكس

انما عايز كماليات ويعني عربية متوسطة في الاداء يبقى المازدا

انما الفورد تتفوق بفارق ملحوظ على المازدا بغض النظر عن الكماليات دي عيوب توكيل وليس السيارة

لكن ميكانيكياً الفورد فوكس افضل من المازدا مش بس كده لأ وصناعة وجودة واداء وكل حاجة

يبقى عندك الكماليات أو الأداء !!!!!!!!!!!!

اختار الفورد والله أعلم :)

كعربيه أختار الفوكس ، الموتور والفتيس هما روح العربيه ، وأعتقد الفرق في الوسع مش كبير المازدا ضيقه برضه في الكنبه

الفئه دى فى الفوكس حسب أخر تخفيض ب 198 مش 207

اعتقد ان المازدا كسيارة يابانية تمتاز بالاعتمادية وقلة الاعطال وتوافر قطع الغيار نسبيا عن الفورد

هما الاتنين عربيات كويسه
والاتنين عيوبهم متشابهه لحد كبير زي عدم الانتشار واسعار قطع الغيار وتوفرها
لكن أنا شايف ان المازدا الجديده فيها عيب هو بسيط بس يضايق وهو ان الشبكه الاماميه للعربيه كبيره اوي لدرجه تخلي ان مفيش مكان لتعليق نمر السياره
وطبعاً ده بيخلي المرور يعلق النمر على الشبكه نفسها بشكل سخيف اوي وبيبوظ شكل العربيه تماماً
هو صحيح عيب ممكن ناس كتير تشوفه بسيط بس بالنسبه ليا انا غير مقبول لان شكل العربيه بيبوظ

وبعدين معلومه كده على الماشي ممكن حضرتك تتاكد منها ولو طلعت صحيحه ممكن تغير اتجاه تفكيرك شويه لو حبيت وهي ان سعر الجيتا عليه تخفيض 29.000 جنيه فلو صح الموضوع ده فممكن تبص عليها وخاصة انك عاوز تركب الماني (بس في الحاله دي اتاكد ان الفتيس عادي مش dsg عشان مشاكل الـ dsg اللي الناس بتتكلم عليها)

ولو بتدور على الصالون الواسع والاداء - موتور وفتيس - والاعتمادية والاقتصادية خد الكورولا

اقتباس:

---

المشاركة الأصلية كتبت بواسطة mhkorayem

هما الاتنين عربيات كويسه
والاتنين عيوبهم متشابهه لحد كبير زي عدم الانتشار واسعار قطع الغيار وتوفرها
لكن أنا شايف ان المازدا الجديده فيها عيب هو بسيط بس يضايق وهو ان الشبكه الاماميه للعربيه كبيره اوي لدرجه تخلي ان مفيش مكان لتعليق نمر السياره
وطبعاً ده بيخلي المرور يعلق النمر على الشبكه نفسها بشكل سخيف اوي وبيبوظ شكل العربيه تماماً
هو صحيح عيب ممكن ناس كتير تشوفه بسيط بس بالنسبه ليا انا غير مقبول لان شكل العربيه بيبوظ

وبعدين معلومه كده على الماشي ممكن حضرتك تتاكد منها ولو طلعت صحيحه ممكن تغير اتجاه تفكيرك شويه لو حبيت وهي ان سعر الجيتا عليه تخفيض 29.000 جنيه فلو صح الموضوع ده فممكن تبص عليها وخاصة انك عاوز تركب الماني (بس في الحاله دي اتاكد ان الفتيس عادي مش dsg عشان مشاكل الـ dsg اللي الناس بتتكلم عليها)

---

عندك حق في موضوع الشبكة والنمر بس المشكلة ان العربية نازلة كدة ومكان النمر فعلا جوة الشبكة ولو حبيت تحط النمر على الجنب زي الشارك هتلاقي رشاشات الفوانيس
بالنسبة للجيتا اعتقد ان الموتور tsi مشكلة تانية والبديل اوكتافيا الجديدة 1600 mpi وفتيس 6 سرعات

طيب ممكن مقارنة الكورولا 190000 مع الفورد 197000
أنا شايف الفرق في وسع الصالون و الشنطة و فرق الحصان الفورد 121 و التويوتا 122 و التعليق لصالح الفورد و الفورد ال 197000 تتقارن مع التويوتا الهاي لاين
على فكرة أنا معايا تويوتا و عايز أغير فمحتار بين التويوتا و الفورد بس الكفة بتميل لصالح الفورد

لو الاختيار مابين ال2 دول فقط ,, مش هتردد لحظة انى اختار الفوكس

اقتباس:

---

المشاركة الأصلية كتبت بواسطة 2code

بصراحة عايز تركب عربية يبقى الفورد فوكس

انما عايز كماليات ويعني عربية متوسطة في الاداء يبقى المازدا

انما الفورد تتفوق بفارق ملحوظ على المازدا بغض النظر عن الكماليات دي عيوب توكيل وليس السيارة

لكن ميكانيكياً الفورد فوكس افضل من المازدا مش بس كده لأ وصناعة وجودة واداء وكل حاجة

يبقى عندك الكماليات أو الأداء !!!!!!!!!!!!

اختار الفورد والله أعلم :)

---

العربيه الفورد حلوه جدا وانا من محبيين الفورد بس انا صدمت من سوء الخامات يعني العربيه دي متسواش الثمن دا

موتو و عفشه و امان على راسي بس دي مش خامات عربيه ب 200 الف شايلين كل حاجه للتيتانيوم بمعنى كل حاجه

العربيه مفيش فيها من جوه حته جلد واحده و لا اي حاجه تدي فخامه للعربيه انا هدفع 200 الف عشان كل حاجه

مش بشتري عفشه و موتور بس انا عايز كمان رفاهيه لو في حلول تانيه او عربيات تانيه احسن من الاتنين ياريت تيفيدوني ا

اقتباس:

---

المشاركة الأصلية كتبت بواسطة mhkorayem

هما الاتنين عربيات كويسه
والاتنين عيوبهم متشابهه لحد كبير زي عدم الانتشار واسعار قطع الغيار وتوفرها
لكن أنا شايف ان المازدا الجديده فيها عيب هو بسيط بس يضايق وهو ان الشبكه الاماميه للعربيه كبيره اوي لدرجه تخلي ان مفيش مكان لتعليق نمر السياره
وطبعاً ده بيخلي المرور يعلق النمر على الشبكه نفسها بشكل سخيف اوي وبيبوظ شكل العربيه تماماً
هو صحيح عيب ممكن ناس كتير تشوفه بسيط بس بالنسبه ليا انا غير مقبول لان شكل العربيه بيبوظ

وبعدين معلومه كده على الماشي ممكن حضرتك تتاكد منها ولو طلعت صحيحه ممكن تغير اتجاه تفكيرك شويه لو حبيت وهي ان سعر الجيتا عليه تخفيض 29.000 جنيه فلو صح الموضوع ده فممكن تبص عليها وخاصة انك عاوز تركب الماني (بس في الحاله دي اتاكد ان الفتيس عادي مش dsg عشان مشاكل الـ dsg اللي الناس بتتكلم عليها)

---

انا كرهت فولكس بسبب مشاكل الجيتا و الباسات لسه واحد صاحبي جايب باسات زيرو وفتيسها ضرب

اقتباس:

---

المشاركة الأصلية كتبت بواسطة hosam_optrawy

كعربيه أختار الفوكس ، الموتور والفتيس هما روح العربيه ، وأعتقد الفرق في الوسع مش كبير المازدا ضيقه برضه في الكنبه

الفئه دى فى الفوكس حسب أخر تخفيض ب 198 مش 207

---

فعلا انا سمعت بموضوع التخفيض دا انا ركبت الفورد مش عارف حسيت حتى في كرسي القياده مش مرتاح

مش عارف دا بسبب سوء خامات الكرسي الاسفنج مش مريح خالص و الفرش قماس ملمسه مش لطيف

و الراكب اللى جمب السواق يعني لو عايز يحطط رجل على رجل مثلا لازم يرجع الكرسي للاخر عشان التابلوه تقريبا نايم على حجره

الناس ممكن تفهم اني ببخس فى العربيه الفورد بس انا كنت رايح اشتريها كاش و اتصدمت ان العربيه دي بالثمن دا

مش قادر اقولها بس مضطر يعني لو عربيه كوري مش هيبقى الخامات فيها وحشه كدا

اقتباس:

---

المشاركة الأصلية كتبت بواسطة lovemessenger

فعلا انا سمعت بموضوع التخفيض دا انا ركبت الفورد مش عارف حسيت حتى في كرسي القياده مش مرتاح

مش عارف دا بسبب سوء خامات الكرسي الاسفنج مش مريح خالص و الفرش قماس ملمسه مش لطيف

و الراكب اللى جمب السواق يعني لو عايز يحطط رجل على رجل مثلا لازم يرجع الكرسي للاخر عشان التابلوه تقريبا نايم على حجره

الناس ممكن تفهم اني ببخس فى العربيه الفورد بس انا كنت رايح اشتريها كاش و اتصدمت ان العربيه دي بالثمن دا

مش قادر اقولها بس مضطر يعني لو عربيه كوري مش هيبقى الخامات فيها وحشه كدا

---

قول ياباشا ولا يهمك :)

طيب شوفت الأوبل أسترا ؟ أعتقد هي أقرب حاجه للعربيتين دول

من سردك ومن ردودك انت الاقرب لك كده الهوندا لو متقبلها
ك
خامات محترمة
وراحة ووسع
وموتور وفتيس

انا شايف انك مش هتشترى الفورد الا .....

واختيارك للمازدا3 من اساسه خطأ

ما تصعبش الموضوع على نفسك

ميزة الفورد فوكس حاجتين .. موتور أقوى و فتيس أفضل (وان كان في ناس بتعيب فيه)

بس خلاص

الباقي كله يا اما بالتساوي مع مازدا 3 يا اما مازدا 3 تتفوق

الفئة التوب لاين من مازدا 3 هتلاقي فيها كل حاجة .. safety .. stability .. مواصفات ..

ده غير ال build quality اللي مش هتلاقيها لا في الفوكاس و لا في غيرها في نفس السعر

و بما انك كان عندك mazda 3 قبل كده .. فانت اكيد ادرى واحد بأداء الموتور و الفتيس

اقتباس:

---

المشاركة الأصلية كتبت بواسطة 2CODE

انما الفورد تتفوق بفارق ملحوظ على المازدا بغض النظر عن الكماليات دي عيوب توكيل وليس السيارة

لكن ميكانيكياً الفورد فوكس افضل من المازدا مش بس كده لأ وصناعة وجودة واداء وكل حاجة

---

ازاي بفارق ملحوظ ؟

مع تفوق موتور الفوكاس بس اعتقد ان الاتنين من 0 - 100 بتتكلم من 10 ل 11 ثانية .. مش فرق رهيب يعني

ال stability وال driving fun .. هي دي الحاجات اساسا اللي مازدا بتبيع علشانها زيها زي الفوكس بالظبط

و بعدين الراجل بيتكلم عن البلاستيك اللي مغطى الفوكاس .. تبقى بردو الفوكاس تتفوق في الجودة على المازدا ؟!

شوية تعليقات على الماشي
١ الفورد فوكس خاماتها الداخلية مش وحشه بالعكس الفبر و البلاستيك اللي في المقصورة بلاستيك ناعم و طري و تقفيله هايل اللي عايز يتكلم فعلا عن سوء الخامات قدامه متسع كبير في العربيات الكوري و اليباني التركي ( الكورولا و السيفيك) يقدر يقول شعر في رداءة الخامات و سوء التقفيل اما اذا كان كل اللي مضايق حضرتك هو عدم وجود فرش جلد في الفئة اللي حضرتك شوفتها فنصيحة صادقة فعلا و الله و مين غير استهزاء بلاش تركب فورد لانك مش حتبقى مستريح فيها و في بدائل تانية خليجي مليانه جلد جوه المقصورة و بسعر مقارب و يمكن احسن من الفورد فوكس
٢ عمر ما كانت الفورد فوكس عربية فخامة و دلع العربية مشهورة بالعملية الشديدة و قوة الاداء و الاحتمال و اللي بيركب فورد بيركبها علشان كده الفخامة طول عمرها موجودة في الالماني الاعلى و الاغلى زي الاودي و الفولكس ثم ال BMW و المرسيدس ، الوكيل بتاع فورد بيستهبل و بيشيل حاجات مهمة في العربية بس عمر الفوكس ما كانت عربية فخمة
٣ ثبات المازدا الجديدة لا يمكن ان يقارن بالثبات المعروف عن الاجيال السابقة من المازدا ٣ و ذلك لان الجيل الحالي هو اول جيل لا يتم الاستعانه في بنائه الشاسية المطور من فورد و فولفو معا و اللذي كان يمنح المازدا ٣ اداء و ثبات مقارب للفوكس من الجيل الاقدم
٤ غبور ضيع المازدا عندما قرر تسويقها بالمتور و الفتيس القديم و اللذي يمنحها اظاء مقارب في التسارع لعربيات الفئة الاقل (sub compact) و ليس الاداء الموازي للسيارات من نفس الفئة المازدا ٣ بال Sky active tech في الماتور و الفتيس كانت ستكتسح كل سيارات هذه الفئة مجموعة مع الاداء الراقي للمقصورة الداخلية اما على الوضع الحالي فصعب ان تظل محتفظة بمكان المازدا ٣ القديمة و خصوصا في ظل المنافسة الشرسة في هذه الفئة تحديدا

بتهيألي تدخل معاهم ف المقارنه ال هوندا الهاي لاين
ف نفس الفئه السعريه
شوفها بردوا بنفسك واحكم عليها واعمل تيست درايف
الهوندا ليها مزاجها الخاص

تحياتى

[QUOTE=ibrahiiimooo;3875783971
٣ ثبات المازدا الجديدة لا يمكن ان يقارن بالثبات المعروف عن الاجيال السابقة من المازدا ٣ و ذلك لان الجيل الحالي هو اول جيل لا يتم الاستعانه في بنائه الشاسية المطور من فورد و فولفو معا و اللذي كان يمنح المازدا ٣ اداء و ثبات مقارب للفوكس من الجيل الاقدم
ا[/QUOTE]

انا سمعت ان العفشه الجديده للمازدا 3 حلوه جدا و ناس كتير بتشكر فيها على مستوى العالم على حسب ماسمعت

مساعدين امامي mcpherson و خلفي Multilink لو في مشكله ممكن توضحها اكتر انا كان عندي المازدا ال 2009 عفشتها حلوه جدا

بس مشكلتها الوحيده انها واطيه و ممكن احك في مطلب لو واحد مليان قاعد معايا فى العربيه و بتتهبد جامد وانا نازل من المطبات لو نزلت بسرعه شويه

على ما اعتقد الموديل الجديد اعلى شويه من شيب 2009 و العفشه اتحسنت دا على حسب التقييمات انا مش خبير اوي فى الحاجات دي

موضوع جميل :)

ليا تعليق بسيط بس
فورد ايه اللي خاماتها وحشه
انا شوفتها ف معرض الفييستا اللي هيا فئه اقل خامات عاليه اوي ةتقفيل جميل جدا جدا كفايه انها الماني
وحرام تدفع مبلغ زي ده وتاخد موتور تعبان جدا بالنسبه للفئه السعريه دي

اقتباس:

---

المشاركة الأصلية كتبت بواسطة ahmed.elashy

ليا تعليق بسيط بس
فورد ايه اللي خاماتها وحشه
انا شوفتها ف معرض الفييستا اللي هيا فئه اقل خامات عاليه اوي ةتقفيل جميل جدا جدا كفايه انها الماني
وحرام تدفع مبلغ زي ده وتاخد موتور تعبان جدا بالنسبه للفئه السعريه دي

---

انا ماتكلمتش عن التقفيل بقول الخامات رديئه جدا مفيش اي حليه جوه العربيه كل شئ فبر او بلاستيك و مش ناعم

فرش السياره ملمسه خشن و الكرسي غير مريح بالمره هي الفكره كــ كل ان انا مش دافع 200 الف في مكنه و عفشه

لازم كانو يهتمو شويه بالعربيه من جوه حاول تعدي على مركز فورد و شوف البروشور تقريبا كل حاجه فى التجهيزات الداخليه فى التيتانيوم بس

انا حسيت انهم عايزين الناس كلها يشترو اعلى فئه ( اللي هي غير متاحه اصلا ) و يبعدوهم عن الفئات الاقل

ياريت تشاركو فى الموضوع دا الخاص بألوان المازدا الجديده

http://www.nilemotors.net/Nile/44453...post3875785328

حضرتك من الواضح مجال للمادة أكتر من أي عربية النهاردة شوفت الفورد فوكس و عملت test drive أكثر من رائعة و التابلوه مش فقير للدرجادي فيه جلد و ناوي أجيبهالك إن شاء الله