عايز اشتري ماكينة لحام قوس كهربي

**ahmed_eng2001** · 10-11-2014 01:46 PM

المشاركة الأصلية كتبت بواسطة yaserbasha2000

و دي تشتغل ازاي علي عداد البيت اللي بيكون 40 امبير

سؤال جيد جدا .....

انا عندى مركب عداد 3 فاز ... و لا اعتقد المشكلة حتكون فى العداد ... المشكلة كانت فى المفتاح الاوتوماتيك الى فى اللوحة ... كنت مركب واحد 40 امبير و كان بيفصل اول ما اشغل الماكينة
استبدلته بواحد 60 امبير و يكون ماركة كويسة ... و شغال كويس مفيش مشاكل ... و حضرتك حتحتاج سلك 2X6 او 2x8 .... يعنى سلك فردتين .. الفردة منهم 6 مم او 8مم .. ده لو حبيت تعمل وصلة كهربا

انا شفت ناس بتاخد من الكوفريه الرئيسى قبل العداد ... بس انا منصحكش بكدة

**بحار** · 10-11-2014 02:05 PM

انا وقفت جنب صانيعى بيعملى لحام وتعديل فى ماكينه عندى تقريبا 6 ساعات وبالليل عنيا التهبت جامد وماعرفتش افتح غير تانى يوم وفضلت طول الليل متعذب ومانمتش .. واتكرر العمل ده بعد فترة واتكررت المشكلة .. ايه سبب المشكلة دى وعلاجها ايه لو حبيت اقف على ايد اللى بيشتغل من غير وجع للعين ..

**7oda** · 10-11-2014 02:09 PM

اشترى وش لحام
زى الراجل الى بيلحم
المفروض الصنايعى كان ينصحك انك متبصش فى اللحام
شكلو بيعزك اوى

https://egypt.dubizzle.com/en/cairo/...75ff4e1d/show/

او ممكن تشترى قطعة الزجاج الى بتبقى فى الوش بتتباع منفصلة
بس اوعى تبص تانى فى اللحام

**بحار** · 10-11-2014 02:19 PM

المشاركة الأصلية كتبت بواسطة 7oda

اشترى وش لحام
زى الراجل الى بيلحم
المفروض الصنايعى كان ينصحك انك متبصش فى اللحام
شكلو بيعزك اوى

https://egypt.dubizzle.com/en/cairo/...75ff4e1d/show/

او ممكن تشترى قطعة الزجاج الى بتبقى فى الوش بتتباع منفصلة
بس اوعى تبص تانى فى اللحام

هوه بصراحه انا اللى كنت عاوز اكون جنبه .. لانى لو التفت بيلحم حاجه غلط .. هوه مش فاهم فى الماكينه ولا شغلها ايه ..
هوه بيلحم اللى اقوله عليه .. شكرا لحضرتك على الرد

**ahmed_eng2001** · 10-11-2014 04:18 PM

المشاركة الأصلية كتبت بواسطة بحار

انا وقفت جنب صانيعى بيعملى لحام وتعديل فى ماكينه عندى تقريبا 6 ساعات وبالليل عنيا التهبت جامد وماعرفتش افتح غير تانى يوم وفضلت طول الليل متعذب ومانمتش .. واتكرر العمل ده بعد فترة واتكررت المشكلة .. ايه سبب المشكلة دى وعلاجها ايه لو حبيت اقف على ايد اللى بيشتغل من غير وجع للعين ..

اعذرنى ... الى حضرتك عملته ده خطير جدا على عينيك و على جلدك على المدى القصير و المدى الطويل ....

لازم حضرتك ترتدى واقى الوجه و العينين .. و الذى يقلل من الاشعة الضارة الناتجة عن عملية اللحام الكهربائى ...

قدر الله و ما شاء فعل .... المرة الجاية ان شاء الله تشترى واقى ... و الغريب فى الامر ان سعره رخيص !!! انا عندى 2 واقى .. واحد ب 15 جنيه ... و واحد تانى ب 400 جنيه .. و ده بيعمل اغماق اوتوماتيكى للرؤية
لو حضرتك عاوز تجيبه حيعجبك جدا ... و لو مش عاوز هات الرخيص الصينى ... فعال جدا و مفيش منه اى مشاكل

فيه اقتراح لحضرتك ....

ممكن تورى الصنايعى ... او تعلمله ... او تعمله بنط مبدأية فى الاماكن الى انت عاوز تلحمها .. ( يعنى تحدد له الشغل ) و تسيبه هو يكمل لحام

**بحار** · 10-11-2014 04:55 PM

المشاركة الأصلية كتبت بواسطة ahmed_eng2001

اعذرنى ... الى حضرتك عملته ده خطير جدا على عينيك و على جلدك على المدى القصير و المدى الطويل ....

لازم حضرتك ترتدى واقى الوجه و العينين .. و الذى يقلل من الاشعة الضارة الناتجة عن عملية اللحام الكهربائى ...

قدر الله و ما شاء فعل .... المرة الجاية ان شاء الله تشترى واقى ... و الغريب فى الامر ان سعره رخيص !!! انا عندى 2 واقى .. واحد ب 15 جنيه ... و واحد تانى ب 400 جنيه .. و ده بيعمل اغماق اوتوماتيكى للرؤية
لو حضرتك عاوز تجيبه حيعجبك جدا ... و لو مش عاوز هات الرخيص الصينى ... فعال جدا و مفيش منه اى مشاكل

فيه اقتراح لحضرتك ....

ممكن تورى الصنايعى ... او تعلمله ... او تعمله بنط مبدأية فى الاماكن الى انت عاوز تلحمها .. ( يعنى تحدد له الشغل ) و تسيبه هو يكمل لحام

ده انا جبت فى اليومين قطرات وعملت وصفات كانت جابت كذا واقى لو اعرف ..
ان شاء الله اجيب واحد واخليه عندى وقت اللزوم .. شكرا لزوقك .

**abokoko** · 10-11-2014 06:30 PM

المشاركة الأصلية كتبت بواسطة بحار

ده انا جبت فى اليومين قطرات وعملت وصفات كانت جابت كذا واقى لو اعرف ..
ان شاء الله اجيب واحد واخليه عندى وقت اللزوم .. شكرا لزوقك .

لما كنت فى الجيش
عسكرى اشتغل لحام وبدون واقى العين
وبالليل لما وجعته عينييه
جابوا له طماطم وكان بيقطعها شرائح ويوضعها على العين
وكان بيغسل عينييه بماء مذاب فيه برشام اسبرين
وكان بيقول ان فى قطرة عين للحالاات دى

**ahmed_eng2001** · 10-11-2014 10:29 PM

المشاركة الأصلية كتبت بواسطة abokoko

لما كنت فى الجيش
عسكرى اشتغل لحام وبدون واقى العين
وبالليل لما وجعته عينييه
جابوا له طماطم وكان بيقطعها شرائح ويوضعها على العين
وكان بيغسل عينييه بماء مذاب فيه برشام اسبرين
وكان بيقول ان فى قطرة عين للحالاات دى

الاشعة الى بتطلع من لحام القوس الكهربى ممكن تعمل عمى مؤقت ... و ممكن تعمل عمى دائم تدريجى و مرورا طبعا باحمرار العين و التهابات متكررة مع افرازات دموع متكررة و ضعف تدريجى فى الابصار ... من اكبر المشاكل فى الصحة المهنية و التى يعانى منها الفنيين

طيب ليه اعرض نفسى او الاخرين لمخاطر كبيرة مع وجود حل بسيط و غير مكلف على الاطلاق
المشكلة الى اكتشفتها ان الصنايعية بيكسلوا كالعادة ... و بيكتفى بنظارة شمس عادية كنظارة وقائية

افكر حضرتك ببعض النصائح الى الصنايعية دائما بيصدعونا بيها ....

اهم من الشغل تظبيط الشغل .... اشتغل نضيف تطلع شغل نضيف ... و للاسف الصنايعية مش ملتزمين بيها

ربنا يحفظنا جميعا