بالرغم من أن أسلوب كلامك غير لائق ..بس أحب أوضح لك ان انت أو غيرك ما احتكرتوش الوطنية وماخدتوش توكيل من البلد عشان تقول اللى مش عاجبه البلد يروح فى أى حتة ... وياريت النقاش يبقى محترم بدون ألفاظ زى اللى انت كاتبها.
عرض للطباعة
مفيش حاجه اسمها اللى مش عاجباه البلد يروح يشوفله بلد تانيه
دى لاهى بلدك ولا بلد غيرك علشان تقول الكلام ده
و من حق اى حد انه يقول رأيه فى اى حاجه
هيا دى مصر فى كل قطاع فيها
مفيش فايده
كلامي اللاذع مش موجه لحضرتك.... كلامي موجه للطالب اللي أهله معرفوش يربوه وبيخرب وبيحرق الممتلكات العامة والخاصة
اللي مش عاجبه البلد وعاوز يقعد حقه هو حر بس يقعد بأدبه واحترامه على راسنا من فوق.... ولو مش عاوز يقعد حقه برضو وعلى راسنا من فوق
وفي ناس كتير عاجباها البلد انما لو جتلها فرصة كويسة برة بتسافر وده لا يقلل في وطنيتهم أي شيء
وأنا ياما اتعاملت مع أجانب كتير (أمريكان وأوروبيين) بلادهم وحالهم مكانش عاجبهم وعاوزين يروحوا لبلد أو شغل أفضل وده حقهم وده عادي موجود في أي حتة
انما اللي يكسر ويخرب ويحرق لأ يبقى ده عنصر فاسد في المجتمع لازم تطهير البلد منه
ومش تبقى البلد صارفة عليه تعليم مجاني من الضرايب والدعم اللي أنا وانت بندفعها من جيبنا وفي الأخر يخرب ويحرق
أنا وغيرى لايمكن نرضى بالحرق والتخريب ... وضد أى ارهاب وفوضى
لكن خد بالك حضرتك ان ده مش مبرر لقبول اجراءات ظاهرها الرحمة وباطنها العذاب
القبول بالاعتداء على الطلاب وانتهاكهم واعتقالهم من بيوتهم فى الفجر لو تم قبوله وتمريره حايمتد للجميع تدريجيا
واطلاق يد شركات الحراسة الخاصة بقيادة تايكونات الداخلية والمخابرات السابقين فى البلد لن يتوقف عند الجامعات ..بل سيتوغل بطبيعة هذه الشركات ....وأخشى كثيرا أن تتحول مصر الى ملعب كبير لهذه الشركات المخربة وليست الأمنية المنبثقة من رحم بلاك ووترز وغيرها
وحضرتك طبعا أكيد عارف ايه هى بلاك ووترز
اللى بيتكلم عن جامعات برة يجى يشوف الجامعات برة الجامعات على الشارع اصلا و فيه جامعات كتير ممكن اى حد يدخل عادى و الجامعة زى الفل .. عمر ما كانت شركة امن هى اللى هتنظم الدنيا ..
و اللى عمال يتهم الطلاب و خلاص يا ريت يرجع كده و يشوف ايه اصل المشاكل اللى فى الجامعات كلها .. ما هو لما الشرطة و الجيش تقتحم الجامعة و تضرب الطلاب جوه يبقى ناقص ايه بعد كده !
و على فكرة انا مش مع تخريب اى شىء لأن فى الاخر احنا اللى بندفع فلوسه كشعب .. يعنى كأننا بنكسر الممتلكات بتاعتنا بس لازم نبص ايه سبب المشكلة من الاساس
!!
http://www.pixentral.com/pics/1g8V2F...dnViHwVW61.jpg
شايفين الفكر الصهيوني
هو ده بقي فكر الاخوان واتباعهم .... الصدام مع الدولة ومؤسساتها علشان يبان للعالم انها دولة قمعية "فكر يهود"وكله باسم الثورة
عاشت ثورة الخراب....الثورة مستمرة ليعم الخراب ارجاء الأمة
اللهم عليك بكل من يسعي لخراب هذه الأمة وهذا الوطن عن قصد او عن غير قصد
بلاش الواحد يقول رائيه عشان مندخلش في السياسة ويقولو طالما انت ضد سياسة الدولة وطريقة فض المظاهرات يبقي انت اخوان وخاين وعميل لامريكا واسرائيل