ده منظر عام دراسي جديد ؟؟؟؟

**محمد يوسف** · 14-10-2014 10:01 AM

المشاركة الأصلية كتبت بواسطة curbis

لأ سوريا والعراق أحسن طبعا عالأقل مفيش حكم عسكر هناك والدنيا زي الفل

سوريا مثلا بيحكمها رئيس مدني كان دكتور سنان ومن جيل الشباب كمان (بشار الأسد)... والعراق برضو اللي رئيسها محامي ورئيس وزرائها ووزير دفاعها وداخليتها مهندس مدني

اللي مش عاجبه البلد ومش عاوز يتعلم ممكن يروح هناك بدل التعليم والقرف والمصاريف ويحارب مع داعش مثلا.... كل حاجة موجودة عاوز فلوس؟ خلاص هاجم أي مدينة واسرق البنوك والمصارف بتاعتها.... عاوز شقة وعربية؟ خدلك أي شقة أو عربية بتاعة أي واحد من اللاجئين اللي سابو البلد وهربوا... عاوز نسوان؟ موجود برضو روح سوق النخاسة هتلاقي سبايا الأكراد واليزيديين برخص التراب

وفي الأخر تيحي مقاتلة أمريكية تضربه صاروخ في قفاه والبشرية كلها ترتاح منه

بالرغم من أن أسلوب كلامك غير لائق ..بس أحب أوضح لك ان انت أو غيرك ما احتكرتوش الوطنية وماخدتوش توكيل من البلد عشان تقول اللى مش عاجبه البلد يروح فى أى حتة ... وياريت النقاش يبقى محترم بدون ألفاظ زى اللى انت كاتبها.

**محمد يوسف** · 14-10-2014 10:02 AM

المشاركة الأصلية كتبت بواسطة ehabouf

الحمد لله ان احنا مش زي سوريا والا العراق والا اليمن والا ليبيا والا السودان
الف حمد وشكر ليك يا رب

الحمدلله على كل شىء..السراء والضراء

**exelence** · 14-10-2014 11:40 AM

مفيش حاجه اسمها اللى مش عاجباه البلد يروح يشوفله بلد تانيه
دى لاهى بلدك ولا بلد غيرك علشان تقول الكلام ده
و من حق اى حد انه يقول رأيه فى اى حاجه

**YahiaAshraf** · 14-10-2014 12:26 PM

المشاركة الأصلية كتبت بواسطة curbis

إيه المشكلة لما الطلبة تتفتش يعني؟ طيب مانتا بتتفتش وانت داخل سيتي ستارز برضو فرقت في إيه؟

والجامعة للي عاوز يتعلم بس... اللي عاوز يتظاهر ويخرب يقعد في البيت.... انما أنا مش تكون البلد بتصرف عليه عشان يتعلم تعليم مجاني وفي الاخر يكسر ويخرب

ماهو لو كان التعليم بفلوس وأبوه دافع دم قلبه عشان يدخل الجامعة زي برة مكنش كسر وحرق وخرب

كلام مظبوط جدا جدا

أنا فى جامعة خاصة ومبشوفش المهازل دى

وكمان مفيش تفتيش للطلبة يعنى بيبقى معايا الكارنيه الممغنط بحطه على الجهاز بحيث يسمحلى انى اعدى من البوابات الالكترونية بدون تدخل أفراد الأمن نهائى

**hossam_elwani** · 14-10-2014 01:30 PM

هيا دى مصر فى كل قطاع فيها

مفيش فايده

**محمد يوسف** · 14-10-2014 02:01 PM

المشاركة الأصلية كتبت بواسطة curbis

كلامي اللاذع مش موجه لحضرتك.... كلامي موجه للطالب اللي أهله معرفوش يربوه وبيخرب وبيحرق الممتلكات العامة والخاصة

اللي مش عاجبه البلد وعاوز يقعد حقه هو حر بس يقعد بأدبه واحترامه على راسنا من فوق.... ولو مش عاوز يقعد حقه برضو وعلى راسنا من فوق

وفي ناس كتير عاجباها البلد انما لو جتلها فرصة كويسة برة بتسافر وده لا يقلل في وطنيتهم أي شيء

وأنا ياما اتعاملت مع أجانب كتير (أمريكان وأوروبيين) بلادهم وحالهم مكانش عاجبهم وعاوزين يروحوا لبلد أو شغل أفضل وده حقهم وده عادي موجود في أي حتة

انما اللي يكسر ويخرب ويحرق لأ يبقى ده عنصر فاسد في المجتمع لازم تطهير البلد منه

ومش تبقى البلد صارفة عليه تعليم مجاني من الضرايب والدعم اللي أنا وانت بندفعها من جيبنا وفي الأخر يخرب ويحرق

أنا وغيرى لايمكن نرضى بالحرق والتخريب ... وضد أى ارهاب وفوضى

لكن خد بالك حضرتك ان ده مش مبرر لقبول اجراءات ظاهرها الرحمة وباطنها العذاب

القبول بالاعتداء على الطلاب وانتهاكهم واعتقالهم من بيوتهم فى الفجر لو تم قبوله وتمريره حايمتد للجميع تدريجيا

واطلاق يد شركات الحراسة الخاصة بقيادة تايكونات الداخلية والمخابرات السابقين فى البلد لن يتوقف عند الجامعات ..بل سيتوغل بطبيعة هذه الشركات ....وأخشى كثيرا أن تتحول مصر الى ملعب كبير لهذه الشركات المخربة وليست الأمنية المنبثقة من رحم بلاك ووترز وغيرها

وحضرتك طبعا أكيد عارف ايه هى بلاك ووترز

**Mohab.Nabil** · 14-10-2014 07:54 PM

اللى بيتكلم عن جامعات برة يجى يشوف الجامعات برة الجامعات على الشارع اصلا و فيه جامعات كتير ممكن اى حد يدخل عادى و الجامعة زى الفل .. عمر ما كانت شركة امن هى اللى هتنظم الدنيا ..

و اللى عمال يتهم الطلاب و خلاص يا ريت يرجع كده و يشوف ايه اصل المشاكل اللى فى الجامعات كلها .. ما هو لما الشرطة و الجيش تقتحم الجامعة و تضرب الطلاب جوه يبقى ناقص ايه بعد كده !

و على فكرة انا مش مع تخريب اى شىء لأن فى الاخر احنا اللى بندفع فلوسه كشعب .. يعنى كأننا بنكسر الممتلكات بتاعتنا بس لازم نبص ايه سبب المشكلة من الاساس
!!

**qkash.com** · 14-10-2014 08:58 PM

المشاركة الأصلية كتبت بواسطة karim alaa

شايفين الفكر الصهيوني
هو ده بقي فكر الاخوان واتباعهم .... الصدام مع الدولة ومؤسساتها علشان يبان للعالم انها دولة قمعية "فكر يهود"وكله باسم الثورة
عاشت ثورة الخراب....الثورة مستمرة ليعم الخراب ارجاء الأمة
اللهم عليك بكل من يسعي لخراب هذه الأمة وهذا الوطن عن قصد او عن غير قصد