يا جماعة عايز اعرف اسعار قطع غيار ليون ٢٠١٤ كام و اسعار الصيانات بردو كام
انا سمعت كلام كده والله اعلم ان مثلا سعر المرايه في الابيزا ٢٥٠٠ !! طبعاً سعر مبالغ فيه جداااااااً
يا ريت الإفادة و شكراً
عرض للطباعة
يا جماعة عايز اعرف اسعار قطع غيار ليون ٢٠١٤ كام و اسعار الصيانات بردو كام
انا سمعت كلام كده والله اعلم ان مثلا سعر المرايه في الابيزا ٢٥٠٠ !! طبعاً سعر مبالغ فيه جداااااااً
يا ريت الإفادة و شكراً
اى عربية بتنزل جديدة بتكون قطع غيارها فى التوكيل بس
وبالتالى لازم تبقى غالية
وفى خلال سنة التجار بتبدأ تستورد قطع الغيار وبتبقى موجودة برة التوكيل وبالتالى السعر بيقل
وفى خلال سنة كمان بتبدأ تنزل قطع الغيار الأصلى والصينى وبالتالى الاسعار بتقل تانى
دى قاعدة فى كل العربيات سواء ألمانى او يابانى او كورى او حتى صينى
العربيات دي بتتركب رينج ال 5 سنوات مش بتحتاج اي حاجه غير الصيانات الدورية فقط ... فلاتر و تيل فرامل و بوجيهات و سيور و خلاص و دي متوفرة و مافيهاش اي مشاكل بقيت قطع غيارها مش بتحتاجها غير في ظروف خاصة و لو سالت عليها في التوكيل و قارنتها بغيرها هتلاقيها نفس الرينج زي الكوري و الصيني و كله مع الفرق الشاسع بينها و بين غيرها في التصميم و التكنولوجيا و الخامات
اما موضوع اسمع و بيقولو فده مش مضبوط ... ناوي عليها انزل اسأل بجد في التوكيل و قارن و شوف الفروق بجد
يا باشا متشكر جداً للإفادة، انا بصراحة بقالي فترة متردد و عمال كل شوية محتار اجيب ايه و مؤخراً كنت باتفرج علي الفيات بونتو و عائلة السيات، بصراحة تقفيل السيات و الخامات و الامكانيات عاجبني اكتر بس كنت خايف من موضوع اسعار قطع الغيار ده
انا هاعمل استخارة و اللي فيه الخير يقدمه ربنا ان شاء الله
روح اعمل test drive وشوف كل حاجة عالطبيعة واسال عالى انت عايزه
الناس هناك لطاف جدا