الاستثمار والحصول على الجنسيه فى السويد

**أبو آسر** · 13-10-2014 04:53 PM

متابع
وإن كنت أعتقد أن الموضوع مش بالسهولة المعروضة بالمقال هنا أبدا وزي ما قال الإخوة "مكنش حد غلب" !

**7oda** · 13-10-2014 05:09 PM

المشاركة الأصلية كتبت بواسطة medo_2060

ومغيش سكه غير الدراسه بامانه الواحد ملوش مزاج يرجع لجو المذاكره دا تاني بعد ما بعدت عنه واشتغلت

مادام بتفكر كده يبقى احسنلك متجيش

الهجرة اصبحت علاقة منفعة متبادلة
فكر انت ممكن تدى بلد المهجر ايه
هتديها فلوس يبقى لازم تكون مستثمر كبير
هتديها علم
هتديها قوة بشرية
للاسف دول اوربا مش محتاجه ايد عملة زى الستينات
هما محتاجين
مهندسين
دكترة
او ممرضين لكبار السن

**horas3000** · 13-10-2014 05:25 PM

المشاركة الأصلية كتبت بواسطة medo_2060

ا.احمد كمال و ا.شريف
من وجهه نظركم ايه احسن طريق من الاخر لواحد عايز يسافر اوروبا بعيد عن الاستثمار ودفع مبالغ كبيره في السفر

و الله يا باشا علمي علمك
بس موضوع التعليم ده هو اللي ماشي فعلا زي ما الرجاله قالوا
لانك غالبا بتنخرط هناك و تفهم الحياه ماشيه ازاي
و لو كان في طريقه سهله مكانش حد قعد في مصر

**prof2013** · 13-10-2014 06:36 PM

50 الف جنيه بس ؟ يابلاش خدوا 100 وسفروني ههههه
ياجدعان السويد عندهم عجز في عدد الشباب وبناتهم طبعا لا يعلى عليهم في الجمال
اللي عايز يسافر وياخد الجنسيه يتجوز واحده من هناك ومنها تحل ازمتهم في الجواز lol

**Bassem Youssef** · 13-10-2014 07:54 PM

المشاركة الأصلية كتبت بواسطة medo_2060

ا.احمد كمال و ا.شريف
من وجهه نظركم ايه احسن طريق من الاخر لواحد عايز يسافر اوروبا بعيد عن الاستثمار ودفع مبالغ كبيره في السفر

مفيش حاجه اسمها تسافر اوروبا من غير ما تبقي مستثمر او رايح تدرس و دي محتاجه زكيبه فلوس لوحدها (اتحاد اوروبي) او طبعا سياحه و لازم يكون معاك زكيبه فلوس في البنك (اتحاد اوروبي)

دول اوروبا الشرقيه اللي بره الاتحاد الاوروبي فيزهم سهله الي حد ما بس برضه لازم تكون عارف انت رايح تعمل ايه و معاك لغه

**Secret-Man** · 13-10-2014 09:08 PM

والله ياجماعه ما على الرسول الا البلاغ وحطتلكم كل وسائل الاتصال بالشركه وبالراجل شخصيا تقدرو تتواصلو معاه وتعرفو التفاصيل اكتر انا غير مسئول عن شيىء غير نقل المقال للافاده فقط

ربنا يوفقكم جميعا

**zorg** · 14-10-2014 01:56 AM

المشاركة الأصلية كتبت بواسطة prof2013

50 الف جنيه بس ؟ يابلاش خدوا 100 وسفروني ههههه
ياجدعان السويد عندهم عجز في عدد الشباب وبناتهم طبعا لا يعلى عليهم في الجمال
اللي عايز يسافر وياخد الجنسيه يتجوز واحده من هناك ومنها تحل ازمتهم في الجواز lol

فيه معلومات خاطئة ان طالما دولة عدد سكانها قليليين هترضى تاخد الشباب عادى وده خطأ
لاسباب كتير منها ان فى هجرة داخل الاتحاد الاوروبى نفسه وخصوصا ان بقى كانه دولة واحدة الموضوع عامل زى مصر و الخليج كده فى دول فى التحادالاوروبى عندها بطالة فالناس بتروح منها تشتغل فى الدول التانية اللى عندها استقرار - ده غير انه للاسف المصريين مبقوش قادرين على منافسة العمالة الهندية و الاسيوية
وفوق ده كله فى بعض الدول عدد سكانها قليل واقتصادها على قدهم وفى بعض الاحيان بيكون عدد السكان قليل لان البلد مبتحبش الاجانب

**abou-yahia** · 14-10-2014 09:30 AM

هو الواحد يتعلم سويدي فين

-

الموضوع: الاستثمار والحصول على الجنسيه فى السويد

LinkBack

أدوات الموضوع

عرض

-

-

-

-

المواضيع المتشابهه

اين تصنع الفولفو اس 60 ؟ هل فى السويد!!!!!!

لكل المهتمين بحرق الدهون والحصول علي جسم متناسق

سكانيا ...... عملاق النقل من السويد

ادي ابني الجنسيه المصريه ولا لا؟؟

الكلمات الدلالية لهذا الموضوع

المفضلات

المفضلات

ضوابط المشاركة