غطاء التنك عندى كان مفتوح على البحرى
اللوك بتاعه مش شغال
يعنى لو حد عايز يفتح غطا التنك عادى جدآ يفتحه ويعمل اللى هو عايزه سواء السنتر مفتوح ولا مقفول
المهم بصيت جوه الغطا لاقيت صوباع رفيع المفروض ان هو ده اللى بيتحرك للأمام ويقفل الغطا
للأسف الصباع ده مش شغال
عملت كالأتى :
نزلت بصيت فوق العجله لاقيت الصوباع فوق ومربوط بصموله
http://im57.gulfup.com/Lwqkiq.jpg
جبت مفتاح بلدى 17 وفكيته سهل جدآ
بعد ما فكيته
فتحت الشنطه ودخلت ايدى من ورا الفرش
http://im57.gulfup.com/WH3rmF.jpg
وطلعته بسهوله
http://im57.gulfup.com/nLNIZh.jpg
فكيت الفيشه
http://im57.gulfup.com/vRfeyD.jpg
وبدأت بقى اعمله عمليه جراحيه
فتحت بطنه زي ما انتو شايفين
http://im57.gulfup.com/GCrAuU.jpg
وحطيت على التروس شحم وزيت وجربته بأيدى وبقى زي السكينه فى الحلاوه
http://im57.gulfup.com/RS1osB.jpg
وقفلته تانى
بس لازم ناخد بالنا كويس عشان نقفله صح
http://im57.gulfup.com/yxVlk2.jpg
هنرجعه تانى للشنطه ورا الفرش
http://im57.gulfup.com/d8B0oW.jpg
هنلاقى الخرم اللى فى الصوره ده هندخل الصوباع فيه
طبعآ مش هيمسك سيبه
وانزل بص فوق العجله وامسك الصوباع ودخل الصموله بتاعته تانى واربطها زي كده
http://im57.gulfup.com/SLkMEO.jpg
مش لازم تربط جامد اوى عشان متكسرش الجهاز
............................
الخطوه الاخيره
هتقفل الشنطه
وهتقفل ابواب العربيه كلها
وهتمسك الكارت فى ايدك وتقفل وتفتح السنتر وتبص على الصوباع
كده مفتوح
http://im57.gulfup.com/4ZoAtq.jpg
كده مقفول
http://im51.gulfup.com/om5UmL.jpg
شغال تمام ؟
هنفتح السنتر
ونقفل الغطا ونجرب
http://im51.gulfup.com/pRXmpa.jpg
والنتيجه الحمد لله اشتغل وبقى تمام
اللى بيبوظ اللوك ده ان التروس بتبقى نشفت وعايزه تتشحم جوه الجهاز
الموضوع كله ميخدش نص ساعه
بس حبيت انقل التجربه خطوه بخطوه عشان لو حد عنده نفس المشكله
وبالتوفيق