بما اني من النوع اللى احيانا مبشوفش المطبات او الحفر وكنت ناوي اسافر شرم بالعربية.. فهل طريق شرم فييه اي مطبات او حفر من اي نوع؟؟؟؟
عرض للطباعة
بما اني من النوع اللى احيانا مبشوفش المطبات او الحفر وكنت ناوي اسافر شرم بالعربية.. فهل طريق شرم فييه اي مطبات او حفر من اي نوع؟؟؟؟
مفهوش مطبات ولا حفر
بس خلى بالك الطريق كلو بعد السويس (بعد النفق) رايح جاي و الطريق كلو ملفات صعبة جدا .. ممكن تغريك وتقول هتجبنى فتحصل مشكلة .. فخد كل الملفات على الهادى
و رحلة سعيدة :)
و لو هتطلع من مدينة نصر امشى الصبح احسن علشان طريق السويس مفهوش لمض و كلة عربيات نقل و ترلات
بص هو طريق شرم بعد النفق حلو مش وحش يعنى مش هتتفاجىء بمطبات فى النص المطبات فى دخلات المدن او القرى الصغيره اللى موجوده وفى الكماين وهتلاقى يفط قبلها
كمان الملفات فى قبلها المطبات الصغيره المتعدده ويفط على يمين الطريق ومتخدش الملفات دى اكتر من 60 او 80 لو عربيتك تقيله ويستحسن لو معاك ناس خدها 50 علشان متتعبهمش
عموما ان شاء الله مش هتتفاجىء بحاجه فى الطريق
بس خد بالك لان مطالع ومنازل النفق وحشه اوى اوى الاسفلت وحش ومتجمع فى النص من العربيات النقل و المطبات رخمه
ربنا يستهرا عليك
واحسن حاجه شوفلك سوبر جت خليك وراه بيمشو 120 او 130 وهينبهك للملفات وهينبهك كمان لما يجى يطلع من عربيه
يعنى لو ادا اشاره شمال ونزل ولحد ما رجع تانى فى اليمين فضل مدى شمال يبقى الطريق فاضى انزل وراه
لكن لو جه فى نص ما بيطلع من عربيه وراح مدى اشاره يمين معناه ان الطريق هيقفل وفى واحد جاى فى المقابل
شكراااااا للرد
هو انا كده كده ماليش في الجري وخواف :) وهتحرك الصبح من مدينة نصر
موضوع الجري ورا اتوبيس فكرته حلو انه بيكشف الطريق وبيحمي من المقابل بس المشكلة اني مش جريء كفاية عشان اشد اول مرة بالسرعة دي
ههههههههههههههه انا شفت صوره التوقيع قلت الراجل ده هيشتمنى فى سره علشان بقله ١٢٠ او ١٣٠
هههههههههه لأ لأ متصدأش الكلام ده :C_laugh[1]: ال200 دي كنت بجيبها كل كام سنة لو الطريق 3 او 4 حارات وطالما مفيش عربية تانية عالطريق وده كان ايام الشباب :guitarplay1:اقتباس:
المشاركة الأصلية كتبت بواسطة Hmatchy
لكن على كلامكم على موضوع الملفات فى الطريق دي هتلاقي اخري 50 :eee:
هههههههههههههه
انا لسه راجع من شرم الطريق جميل والملفات والمنحنيات الخطرة .... صعبة على اللى ماشى بسرعة عالية وفاكر نفسه شوماخر .... لكن طول ما انت واخد الملف والمنحنيات على الهادى ذى ما الاخوة هنا قالوه حتلاقى منحنى عادى جدا وربنا يسلم طريقك .
طيب كتر خيرك انا كده برضو بطمن وان شاء الله خيراقتباس:
المشاركة الأصلية كتبت بواسطة ahmedamgad18
هاهااا
هو حضرتك ناوي تطير علي سرعة كام بالضبط؟
انا ماليش في الطيران بالذات الفيرنا لو طارت يبقى بالسلامة :120105~352:اقتباس:
المشاركة الأصلية كتبت بواسطة eng_amg
انا الفكرة اني احيانا مبشوفش الحفر والمطبات حتى لو على سرعات معقولة ذي 90 او 100 واول مرة امشي الطريق ده
لا أطمن.. الطريق خالي من الحفر والمطبات. لكن طبعا غير مطابق للمواصفات.اقتباس:
المشاركة الأصلية كتبت بواسطة menamakram2003
بمعنى أن ملفاته حادة خصوصا آخر الطريق ناحية شرم الشيخ. الطريق حيغرك تجري في الأول. لكن خد بالك الملفات صعبة في الآخر.
وطبعا ياريت تمشي عليه بالنهار. لأن بالليل لازم تكون عارف الطريق.
وترجع بالسلامة إن شاء الله
مشكوووووور... ااااه ان شاء الله هتحرك وهرجع بالنهار خصوصا اني اساسا بشوف في النهار بالعافية ههههههاقتباس:
المشاركة الأصلية كتبت بواسطة eng_amg
الصراحة الاهل بيقولولي سافر بالاتوبيس بس انا بحس ان العربية اريح جدا في المشاوير دي بالذات لو فيه اطفال وانا جربت سفر الغردقة وكانت تجربة ناجحة جدا