سؤال عن فوايد الماستر كارد .... :) وسداد الفواتير

**أسامه الحسيني** · 19-10-2014 12:55 PM

مشكلة الماسترد كارت انها سياسه يهود - يخليك تشترى اى حاجه حتى لو مش معاك فلوس - والفوائد شغاله
انا عن نفسي بستخدمها ومخليها يخصم 100% اولا علشان مشتريش حاجه اكبر من امكانياتى ثانيا علشان موضوع الفوائد والربا
لكنها بتريحك من انك مش لازم تشيل فلوس معاك او تروح البنك علشان تسحب فلوس تشتري بيها

**svneleven** · 20-10-2014 04:26 AM

المشاركة الأصلية كتبت بواسطة أسامه الحسيني

مشكلة الماسترد كارت انها سياسه يهود - يخليك تشترى اى حاجه حتى لو مش معاك فلوس - والفوائد شغاله
انا عن نفسي بستخدمها ومخليها يخصم 100% اولا علشان مشتريش حاجه اكبر من امكانياتى ثانيا علشان موضوع الفوائد والربا
لكنها بتريحك من انك مش لازم تشيل فلوس معاك او تروح البنك علشان تسحب فلوس تشتري بيها

المشكلة أن في ناس بتقول أن مجرد أنك كتبت العقد معاهم اللي بينص علي وجود فوايد و غرامات فده في حد ذاته حرام. الواحد مش عارف و الله ايه الصح و ايه الغلط.

**أسامه الحسيني** · 21-10-2014 01:30 PM

المشاركة الأصلية كتبت بواسطة svneleven

المشكلة أن في ناس بتقول أن مجرد أنك كتبت العقد معاهم اللي بينص علي وجود فوايد و غرامات فده في حد ذاته حرام. الواحد مش عارف و الله ايه الصح و ايه الغلط.

متفق معاك ومقتنع انها فيها شبه حرام وربنا يهدينا جميعا لما يحب ويرضي
بس للاسف علشان تشتري حاجه من على النت او تحجز فندق ... الخ لازم يكون معاك ماستر او فيزا
ودا طبعا مش عذر بس انا زى ما بقول لحضرتك بسد كله اول بأول علشان موضوع الفائده دا وربنا ييسر للجميع

**mk3** · 21-10-2014 03:20 PM

المشاركة الأصلية كتبت بواسطة svneleven

المشكلة أن في ناس بتقول أن مجرد أنك كتبت العقد معاهم اللي بينص علي وجود فوايد و غرامات فده في حد ذاته حرام. الواحد مش عارف و الله ايه الصح و ايه الغلط.

ارجو الايضاح لانى بستخدم المدين debit وده بيسحب من حسابى مباشره ومفيش اى فوائد

**svneleven** · 22-10-2014 06:24 AM

المشاركة الأصلية كتبت بواسطة mk3

ارجو الايضاح لانى بستخدم المدين debit وده بيسحب من حسابى مباشره ومفيش اى فوائد

اعتقد ديه ما فيش حد اتكلم عليها لأن حضرتك بتسحب من فلوسك. المهم بردو هيقولك أنت ليه اساسا حاطط فلوسك في بنك ربوي؟ ههههه. و للاسف الكلام كتير بين مؤيد و معارض و الواحد لايص و الله.

**أبو آسر** · 22-10-2014 06:36 AM

خلاصة الكلام بعد بحث والله أعلم
استخراج الفيزا أو الماستر كارد في حد ذاته بدون داعي وضرورة لا يجوز لأن موافقتك على بنود العقد اللي منها تحصيل غرامة على التأخر عن الدفع اللي هي ربا صريح ده في حد ذاته موافقة صريحة بالربا حتى لو في نيتك تسدد قبل الموعد لأن محدش يضمن ظروفه ولأن لا يجوز الاتفاق على ما يخالف الشرع
لكن ...
أحيانا استخراج الفيزا بيكون ضروري بسبب انها داخلة في كل شيء دلوقتي خاصة التعاملات على الإنترنت فهنا الضرورة تقدر بقدرها يعني انت مفتي نفسك تشوف هل فعلا الفيزا ضرورية جدا ليك ولا مجرد رفاهية وفي بدائل تانية
نيجي للبدائل التانية وهي ال debit card وهو انك تطلع بطاقة انترنت مسبقة الدفع بمعنى انك تشحنها الأول بالمبلغ اللي عايز تصرفه وبعدين تصرفه فبالتالي انت مش بتسحب حاجة من البنك وملزم تردها خلال فترة معينة وإلا هيحسب عليك فوائد ، دي انت بتتحكم في مشترياتك اعتبرها حصالة بتحط فيها فلوسك اللي بتملكها فعليا وبعدين تصرفها وقت اللزوم
لذلك لا يجوز لمن يستطيع استخراج البطاقة مسبقة الدفع Debit Card انه يستخدم الفيزا اللي هي عبارة عن مبلغ بتسحبه من البنك في حدود ال Limit بتاع البطاقة وبعدين لازم تسدده قبل يوم 25 من الشهر التالي لسحب المبلغ وإلا يتحسب عليك فوايد اللي هي ربا يعني
والله أعلم