عرض للطباعة
السلام عليكم ورحمة الله وبركاته
تحذير يا جماعة اللى بتستخدم طريق السويس والمتجه لشيراتون من طريق الصاعقة وبعدين الاوتوستراد.
قبل شركة ارامكس بحوالى 300-400 متر عملوا مطب مع نفسهم فى مكان غبى جدا وهو بعد ملف واللى داخل عليه مبيلحقش يشوف الواقف وعادة اللى بيمشى فى الحتة ديه بيدخل عليها بسرعة فيوميا اكتر من حادث بسبب المطب ده.
ارجوكوا قولوا للى تعرفوه لعلكوا تكونوا سبب فى منع حادث.وحسبى الله ونعم الوكيل.
ولو حد يعرف المفروض ابلغ مين على المطب ده يقولى,يعنى الطرق والكبارى ولا الحى.؟
السلام عليكم.
:bump1:الواحد مبقاش عارف يعمل ايه من كوكتيل المطبات اللي علي كل شكل ولون في مصر
لسه واخده بسرعتي من اسبوع عشان حته ضلمه و طول عمري بمشي فيها و حافظها بس تقول ايه في بلد ملهاش صاحب
كل المطبات غبية و غير مدروسة و عشوائية و بتجيب مصايب و بلاوى
جزاك الله كل خير انا عارف الطريق دة فيه كام مطب على كام حفرة وربنا يسترها
أكيد عملوه عشان عربيات أرامكس اللي بتتمختر قدام المبني بتاعهم ودايما واخدين حارة من الشارع
هيه ناقصة مطبات -- لا حول ولا قوة إلا بالله
اللي اغبي من المطبات اللي بيشوفوها و مش بيشغلوا انتظار للي وراهم و احيانا بتكون مطبات ثلاثية لو لبستها تنزل عند بيتكم الناس دي ربنا هيرزقها بدبابة تمشي وراهم :tank: و دول اللي يتبلغ عنهم مش المطب
ربنا يسترها على الجميع بس فعلا المطب ده فى مكان غبى جدا وحوادث كتير بسببه وهما ولا هما هنا وكل اللى هامهم عربياتهم وازاى تخش وتخرج الشركة من غير عطلة ومش مشكلة الناس وارواحهم وممتلكاتهم.
جزاك الله خيرا
بلغ شرطة النجده فورا وهما هايبلغوا الحي وكرر البلاغ اكتر من مره كل يوم لو متشالش
ماتسكتوش على التسيب والجريمه دي ياجماعه ماتسيبوش حقكم وحق بلدكم
واياكم.اقتباس:
المشاركة الأصلية كتبت بواسطة pukka
تمام.اقتباس:
المشاركة الأصلية كتبت بواسطة memo_p910
ربنا ييسر الامور ويتصلح حال البلد وناسها.اقتباس:
المشاركة الأصلية كتبت بواسطة memo_p910
لا حول ولا قوة الا بالله ....هو الواحد هايلاقيها منين ولا منين ..دي مابقتش الحقيقة سواقة في مصر ..دي عبارة عن مغامرة كأنها في لعبة بس حقيقية..
الف شكر ليك علي تنويهك
شكرا على التحذير
وربنا يستر طريقك و طريقنا
عارفه وكنت هالبسه لولا ستر ربنا وفرامل العربيه مطب كلمه غبي دي قليله عليه وشكرا على التحذير
ربنا يسترها على الجميع بامره.
وكلمت المرور قالولى كلم الحى وكلمت الحى وبصراحة ناس محترمين.عرفوا مكان المطب فين بالظبط وهيبلغوا الطرق والكبارى لان لو فعلا المطب عامل مشاكل وعشوائى يبقى هيعملوا محضر للى عملوا(هيعرفوا ازاى مش عارف).المهم انهم ممكن يعملوا مطب صناعى ويتدهن ويافطات ارشادية للتحذير لو الطريق فعلا محتاج مطب.
الاهم اننى لما بقوله المطب بعد ملف جاله ذهول . ومفيش يفط ولا تحذيرات.
ربنا يسهل الامور ويتحركوا بسرعة وكفاية خساير بقى للناس ومعاهم رقمى وفى انتظار مكالمة .
ارجو من الاعضاء الافاضل يبلغوا اللى بيمشى على الطريق ده لان فعلا مشاكل المطب ده كتير.
انا عارف المطب ده بس بعدي دايما وبيبقى الشارع زحمه بسببه واعتقد بتوع ارامكس هما اللي عاملينه
وليه لان البلد سايبه واللي عايز يعمل حاجه يعملها
وعامة موضوع المطبات ده اخر استهتار انا كنت راجع من اسكندرية ولبست كمية مطبات زي الفل
مفيش اي تحذيرات للمطبات + ان مفيش عندها اي اضاءة اصلا
بس ااقول ايه اذا كان اللوحات الارشادية للاتجاهات مش موجوده وعليك انك تمشي معتمد على حدسك او حظك او هبلك
كرهت البلد دي ونفسي تولع بجاز يمكن ينصلح حالها ولو اني اشك
ربنا يكرمك عالتنبيه والافادة
ربنا يصلح حال البلد وناسها وتبدا الناس تفكر لغيرها ولنفسها.