الموضوع: مساعدة في شراء سكوتر

طب انا بنت .. وعايزة اشتري اسكوتر يكون خفيف وسهل بالنسبة لي .. اشتري منين وايه النوع اللي ينفع معايا .. واستخدامي ليه هيكون خفيف ..هروح بيه الشغل واجي بس

انا لسه جايب اسكوتر مستعمل ماركه زنين (زى الهامرز f10) 250 س س
صينى- وكتبت عنه تقرير

بيجو هو صينى بردو
كل الاسكوترز الصينى واحد- 20000 جنيه يجيبو اسكوتر زيرو 150 س س

اكثرهم انتشار ال sym

بعض الحاجات اللى محتاجه تاخدها فى بالك:
1. خوزه ضروريه جدا مش منظره- ادفع 1000 فى خوزه ارخص من خبطه فالدماغ- هى مش هتحمى من الحادثه لكن ممكن تققل الاضرار
2- مكان للركنه امان- وتربطه فى عامود- لو ينفع تجبله غطاء
3- الصيانه المنتظمه كلمه السر لعمر الاسكوتر
4- المطبات والنقر الجامده ممكن تبهدل الجنط- على مهلك
5- ممكن تركبله انزار
6- هات اسكوتر تعرف تجبله قطع غيار بسهوله زى سير- طقم بكر- سيلك بنزين- فرد كاوتش- بلاطه شحن- تيل فرامل
7- الاسكوتر لداخل المدينه سرعات معقوله لحد 80 كم- اكتر من كدا ملهاش لازمه - هتقصف عمره

جزاك الله خيرا على المعلومات الجميلة والمفيدة دي، أنا زيكم بالظبط وياريت لو حد اشتري فعلا ينقل لنا تجربته..لأني بادئ حالا