تم عمل صيانة ال 40000 فانتازيا

**KABOKY_2010** · 13-10-2014 12:37 PM

الحمد لله عملت صيانة ال 40000 كيلو عند ورشة المهندس خالد اسماعيل وتم عمل الاتى
تغير فلتر هواء اصلى :150
تغير فلتر بنزين صينى :230 حتى فى الهاشمية مفيش الاصلى وهو قالى ان نفيش فلتر بنزين غير صينى وهو مضمون وتمام
تغير فلتر تكييف :هو اداهولى ب 50 جنية لانة مكنش عندة وكان عندة واحد جوا نضيف احسن من الى كان معايا قالى هركبلك دة تمشية بية شوية لان الى عندى كان معدوم وحسبهولى ب 50 جنية
طقم بوجيهات اصلى :250
طقم تيل فرامل خلفى :425
للعلم انا سالت على كل قطع الغيار دى فى الهاشمية ولقيت نفس الاسعار بالضبط هى هى
وتم تربيط العفشة وتنظيف البوابة وحطها على الجهاز والحمد لله مطلعتش اى اعطال الحمد لله بس الى ضايقنى فعلا ان حاولات اشغل الكورنل لايت وان الازاز والمريات تقفل بضغطة واحدة بسيطة بدل ما press and hold وان المريات تنزل لتحت وانا برجع بظهرى وبركن بس للاسف مفيش حاجة فيهم اشتغلت قالى العربية مش مجهزة وهو قالى انت وحظك فى الاول فمش عارف بقى اعمل اية
اخد مصنعية فى الاخر :175
والفاتورة كلها عملت :1280

**zaza2020** · 13-10-2014 03:17 PM

مشكور ياباشاااا .. بالتوفيق .. على بركه لله انا داخل برضه على 30 الف ومعرفش هتكلفنى كام لسه ؟؟ ياريت لو حد عنده فكرة فى ال30 الف بنعمل ايه وبنغير ايه وتكلفه هتبقى كام يبقى كتر خيره والف شكر

**m07mad** · 13-10-2014 03:51 PM

حضرتك عملت الصيانه دي عند ميين ؟

**KABOKY_2010** · 14-10-2014 05:25 AM

المهندس خالد اسماعيل .مدينة نصر حى الواحة

**AHMEDJUDDY** · 14-10-2014 09:46 AM

حتي في ارتوك القطاميه فلتر البنزين صيني وده عن تجربه
معرفش ليه ..

**abdallaam** · 16-10-2014 08:03 AM

المشاركة الأصلية كتبت بواسطة ahmedjuddy

حتي في ارتوك القطاميه فلتر البنزين صيني وده عن تجربه
معرفش ليه ..

يا جماعه للعلم هي العربيه اصﻻ بتيجي بفلتر صيني. ﻷن لما جيت اغير الفلتر اول مره لقيته صيني و اللي ركبته كان هو هو صيني برضو.
و شكرا

**شاهين - بنز** · 18-10-2014 12:56 AM

الكورنر لايت لازم التوكيل هو إللي يأكتفهولك
والتوكيل مكنش بيأكتف الكورنر لايت من نفسه لإنها مرتبطة إجباريا بتفعيل بال داي رننج لايت وإنت عارف هنا في مصر لو ماشي الصبح بالداي رننج لايت حتلاقي طوب الأرض بيشاورلك تطفي النور لكن في طريقة في الموضوع أنا ذاكرها لإلغاء الداي رننج لايت والإحتفاظ بالكورنر لايت
وللعلم التوكيل نزلي سوفت وير جديد خلاني أقدر ألغي الداي رننج لايت من الستنجس عادي من غير ماأعمل حركة الإشارات إللي أنا ذاكرها في موضوعي أسفل الرابط
،وده موضوع كنت عامله بالتفصيل عن الكورنر لايت وطريقة إلغاء الداي رننج لايت بعد تفعيل الكونر لايت في التوكيل ، إتفضل

http://www.nilemotors.net/Nile/38218...er-lights.html