السلام عليكم
الاخوة الاعضاء
برجاء المساعدة عايز اشتري عربية ومحتار بين لوجان 2010 وميجان 2005 وانه الافضل من ناحية
- استهلاك البنزين
- قطع الغيار
- الثبات علي الطريق
وهكذا ولو فيه اي ملحوظه اخري برجاء الافادة.
وشكرا,
عرض للطباعة
السلام عليكم
الاخوة الاعضاء
برجاء المساعدة عايز اشتري عربية ومحتار بين لوجان 2010 وميجان 2005 وانه الافضل من ناحية
- استهلاك البنزين
- قطع الغيار
- الثبات علي الطريق
وهكذا ولو فيه اي ملحوظه اخري برجاء الافادة.
وشكرا,
كل النقط ده مالهاش اي لزمه مقابل حالة العربيه
اللوجان فئه اقل و 2010 يعني تقريبا مانوال
الميجان افضل في كل شيء والثبات لايقارن باللوجان
استهلاك البنزين وقطع الغيار تقريبا زي بعض وممكن الميجان اغلى شويه بس مش فرق كبير
لو مافيش قدامك ميجان بحاله ممتازه يبقى هات لوجان طبعا
الميجان ما بتسحبش بنزين كتير
الميجان ممتازه فى سحب البنزين ولا تقارن باللوجان
ميجان 2005 ابعد ابعد ابعد عنها كلها مشاكل وتم تفاديها في موديلات حديثة 2007 وما بعد
لوجان صيانة سهلة ... مش معقدة زي الميجان ... عربية 8 صباب 90 حصان اقل استهلاك بنزين في فئة مواتير 1600 ... قطع غيار موجودة
ميجان ثبات افضل ... تكنولوجيا زيادة بس مع قدم موديل العربية هيبقي فيها مشاكل زيادة خاصة موديل 2005
كانت معايا اللوجان
استهلاكها للبنزين اقل من الميجان
صيانتها سهله مافيهاش تعقيد قليله الاعطال
عفشتها بسيطه وبتستحمل
..........
الميجان افضل فى باقى الحاجات
قطع غيار مرميه فى كل حته جديد واستيراد بعكس اللوجان اللى مش هتلاقى استيراد منها كتير
نعومه وراحه وثبات لا يقارن باللوجان نهائيآ
وماتور هادى وقوى ومالوش صوت زي بتاع اللوجان
طبعآ الشكل الخارجى لا مقارنه
والوسع الداخلى للكابينه لا مقارنه
والشنطه تعتبر واحد نفس الوسع
التقفيل برضو لا مقارنه
خامات انضف وافضل وكماليات واوبشن
وهو فى الحقيقه انا شايف انه مينفعش المقارنه بينهم اطلاقآ
اللوجان هتتظلم من هنا للسنه الجايه
الميجان فئه اعلى بكتير
معلش بأه سيبك من كلام الناس العجيب دهاقتباس:
اشكرك يا صديقي علي الرد
كنت عايز اعرف استهلاك البنزين قد ايه بالنسبه للاثنين لان فيه ناس بتقولي الميجان بتسحب بنزين كتير وناس بتقول اللوجان موفرة في البنزين وبالنسبه للعفشة بتاعتهم بتنتهي بسرعة هل الكلام دا صحيح ؟
وشكرا.
انا معايا ميجان 2006 واخويا معاه لوجان 2013 وانا سقت الاتنين لما قلت ياشبعت
اللوجان اللي مع اخويا اوتو 16 صباب استهلاك البنزين بالظبط زي الميجان نفس اللي بيكتبه الكمبيوتر للاتنين ممكن تكون الميجان اعلى حاجه بسيطه جدا نتيجه فرق الوزن وكمان اللوجان زيرو لكن اكيد اللوجان المانوال ال 8 صباب استهلاك اقل طبعا
لكن عموما استهلاك الميجان زي اي عربيه من فئتها واقل بكتير من السيراتو والصني الشكل القديم اللي بيحرقو بنزين بالعبط
بخصوص عفشة الميجان انا لسه مغيره بسهوله وتكلفتها كانت معقوله جدا وطبعا انعم بكتير من اللوجان وبعد ماغيرت العفشه مافيش مقارنه مع اللوجان اصلا والعفشه عاوزه بس حد بيفهم فيها لكن مش بالتعقيد اللي هتحتاج توكيل يعني لا خالص كانت اسهل مشكله قابلتني في العربيه كانت العفشه
مش فاهم قصدك ان الميجان استهلاك اقل وللا ايه بس عموما اللوجان اقل طبعا لكن اللوجان الاوتو مش فارقه كتير وعن تجربهاقتباس:
الميجان ممتازه فى سحب البنزين ولا تقارن باللوجان
كلامك صح بس فكرة 2005 ده مع احترامي ليك لااقتباس:
ميجان 2005 ابعد ابعد ابعد عنها كلها مشاكل وتم تفاديها في موديلات حديثة 2007 وما بعد
لوجان صيانة سهلة ... مش معقدة زي الميجان ... عربية 8 صباب 90 حصان اقل استهلاك بنزين في فئة مواتير 1600 ... قطع غيار موجودة
ميجان ثبات افضل ... تكنولوجيا زيادة بس مع قدم موديل العربية هيبقي فيها مشاكل زيادة خاصة موديل 2005
لان المشاكل اللي حصلت في 2005 معظمها اتصلحت بعد كده في 2006 لما تم تفاديها في موديلات 2006 زي ترس الديفيزر وعلبة الفيوزات ومعظم العربيات غيرتهم في الضمان ومش ممكن بعد السنين ده هتكون في عربيه مغيرتهمش واللي هيفرق حاليا هو الحاله يعنني لو 2005 ومحافظ على صيانات في التوكيل تبقى برقبة 2008 متهانه عند الميكانيكيه
الكلام ده فيه الخلاصه هي فعلا الميجان لاتقارن ياللوجان بس انا بقولهالك حالة العربيه هي اللي هتفرق وعلى قد الفرق بين سواقة الميجان واللوجان وان الميجان تكيب في كل حاجه بس انا بحب اسوق لوجان اخويا عشان زيرو والعربيه ناعمه جدا وبما انك بتدور على 2005 او لوجان 2010 يبقى اكيد تقصد سعر في حدود 55000 واعتقد مش هتلاقي ميجان بالسعر ده تكون حاله حلوهاقتباس:
كانت معايا اللوجان
استهلاكها للبنزين اقل من الميجان
صيانتها سهله مافيهاش تعقيد قليله الاعطال
عفشتها بسيطه وبتستحمل
..........
الميجان افضل فى باقى الحاجات
قطع غيار مرميه فى كل حته جديد واستيراد بعكس اللوجان اللى مش هتلاقى استيراد منها كتير
نعومه وراحه وثبات لا يقارن باللوجان نهائيآ
وماتور هادى وقوى ومالوش صوت زي بتاع اللوجان
طبعآ الشكل الخارجى لا مقارنه
والوسع الداخلى للكابينه لا مقارنه
والشنطه تعتبر واحد نفس الوسع
التقفيل برضو لا مقارنه
خامات انضف وافضل وكماليات واوبشن
وهو فى الحقيقه انا شايف انه مينفعش المقارنه بينهم اطلاقآ
اللوجان هتتظلم من هنا للسنه الجايه
الميجان فئه اعلى بكتير
بمناسبة وسع الشنطه هي فعلا تقريبا نفس الوسع لان شنطه اللوجان اصلا واسعه بغباء مقارنة بحجم العربيه وفئتها لكن شنطة الميجان على مساعدين وده بيديها وسع افضل لما تملاها بتقفل بسهوله من غير عوائق وده كانت من احلى المميزات فيها والسخيف ان الفلوانس مانزلتش كده
بلاشك الميجان ركوبه افضل وهي فعلا لاتقارن باللوجان (اللي هي برضه عربيه معقوله جدا جدا)
ولكن في (5 سنين فرق)
دول بيفرقوا في عمر البني ادم مابالك بالميكانيكا ؟
مش هقدر اقوللك الميجان الا لو لقيت حاله نادره بمعنى الكلمه, او تكون مستعد عالاقل في الاول تكشف على كل جزء فيها وتغير حبة حاجات مش قليله
ولو الميجان ارجوك اكشف في التوكيل
مفيش مجال للمقارنة . حالة العربية هى الاساس فى الحكم وبالتوفيق