الموضوع: النيو كارينز وطرفي النقيض اين انتم؟؟؟

بصراحة أنا شايف إن مقارنة سيارة من فئة الـMPV مع سيارة سيدان لا يجوز أصلا

فئة السيارات الـMPV بتركز أساسا على المكان الواسع والراحة لعدد كبير من الأشخاص.. بالإضافة لمكان تخزين واسع.. وكل ده في حجم عربية متوسطة..

ده معناه إنك ممكن تستخدمها في استخدامات كتير.. وهو ده بالضبط المطلوب منها بدليل إن الفئة إسمها المركبات متعددة الأغراض Multi-Purpose Vehicle


من الخصائص الطبيعية للـMPV.. نقدر نعرف إن العربية مش مطلوب منها تسارع عالي.. لكن مطلوب منها أداء مكيف ممتاز
مش مطلوب منها ثبات عالي في المنعطفات.. لكن مطلوب منها راحة الناس اللي راكبة

العربية مطلوب منها حاجات كتير في الفئة دي وأعتقد إن الكارينز الجديدة وفرتها وبكل نجاح.

وأنا عموما هقتبس من ردي في الموضوع بتاع المقارنة ده أقول إن العربيات اللي المفروض الكارينز تتقارن بيهم هما كالتالي:

رينو سينيك
بيجو 3008
بيجو 5008
سيتروين C4 بيكاسو
تويوتا أفانزا
نيسان ليفينا
سوزوكي إرتيجا
هوندا FR-V
سيات ألتيا


غير كده.. لا تجوز المقارنة



...

المشاركة الأصلية كتبت بواسطة mr.moustafa

فعلا ازاي اصلا تقارن كارينز بكروز ؟؟؟؟
ده قصر ذيل زي ما بيقولوا
لأن الكروز تقارن بالسيراتو و طبعا في معظم الاحوال السيراتو تفوز

قصر ديل اية بس يافندم اللي بتقولة

انا كان معايا الكارينز القديمة و سقت الجديدة و اقولك القديمة احسن بمراحل

قارنتها بالكروز لان دول اللي كانوا تحت رجلي

حتقارن الكروز بالسيراتو السيراتو تتفوق بس في التسارع و وسع داخلي بسيط

وكمان انا قلت في الموضوع بتاعي عدة نقط و علامات استفهام كبيرة محدش جاوب عليها

ولو حقارن النيو كارينز بفئاتها فهي في ديل القايمة بكل جدارة كل فئاتها اعلي منها ماعدا الافانزا لانها مش عربية اصلا.


لو عايز تتكلم علي الكروز قصاد السيراتو يالا بينا

وانا قلتلك تسارع موتور ووسع داخلي بسيط وبس

ثبات نعومة عفشة تقفيل عزل امان للكروز

يا فندم انا كان معايا القديمة 3 سنين كاملين

واقدر اقولك

ان كارتفاع عن الارض و نعومة عفشة ووسع داخلي كمساحات للارجل للقديمة

غير ارتفاع السقف من جوة عامل جوة العربية عامل نفسي كبير للوسع الداخل


لما بتكلم على عربية mpv يبقي حتكلم عن راحة الاسرة و نعومة العربية في الطرق المتبهدلة ذى بتاعتنا وارتفاعها عن الارض عشان المطبات


لو انا متحامل عليها ... تقدر تحطها في مقارنة بين ال بيجو 3008 مثلا ؟ تقدر تقارنها بالهوندا crv ?! تقدر تقارن بينها و ال 5008 و البيكاسو ؟!

العربية كسيارة عائلية لم تقدم اى جديد عن القديمة بالعكس downgrade

عفشة اقل (تورشن بيم) قصاد القديمة مالتي لينك رائع

ارتفاع عن الارض اقل ب سنتي ميتر كامل

مساحة ارجل اضيق يكتيير عشان الكنبة التالتة

انشف على الطريق من القديمة بكتير كمان بسبب تصميم العفشة و الSetup بتاعة ومقاس الكاوتش ال 205 على 55 قصاد القديمة ال 205 على 60


اخدت اية زيادة لسيارة عائلية ؟ مفيش

اخدت اية زيادة كسيارة ركوب : كماليات زيادة وتصميم احلي

ولو انت بتدور على عربية في شريحة سعرها على الكماليات والتصميم ففي اختيارات احلي كتير منها

لو بتدور على سيارة عائلة فأحب اقولك ان الكارينز القديمة الخليجي الهاى لاين احسن كتيييييييييير وبسعر اقل 50 الف جنية مثلا


وانا مش من النوع اللى متعصب لماركة انا الحمد لله بغير كل 3 سنين وعارف عيوب و مميزات كل عربية بجبها والحمد لله ... ولو انا متعصب مكنتش عملت موضوع انتقد فية المساعدين الخلفي لعربيتى الزيرو و تغيرهم كنت حقول دى عربية محصلتش واحسن من المرسيدس

ليا تعليق على موضوع التورشن بيم والملتي لينك..

أنا متفق تماما مع كل اللي بيقول إن الملتي لينك أفضل في الثبات .. وإنه لحد دلوقتي يعتبر أعلى شيء بالنسبة لأنظمة التعليق الخلفية بالذات...

بس هل معنى ده إنه مالوش عيوب؟؟

مين قال كده؟؟ كل حاجة في الدنيا ليها مميزات وعيوب ممكن أهميتها تقل أو تزيد حسب الاستخدام المقصود..

طيب إيه عيوب الملتي لينك؟؟

هو عيب أساسي واحد من وجهة نظري.. إنه بيستهلك مساحة كبيرة.. وبالذات في الاتجاه الرأسي..

لو فكرت فيها بالشكل ده.. هتلاقي إن فعلا أفضل اختيار لعربية mpv يبقى التورشن بيم.. علشان تقدر تاخد أكبر مساحة مسطحة ممكنة في منطقة التحميل وركوب العائلة


علشان كده بنقول إن الغرض من الاستخدام هو الأساس اللي بنقارن بيه بين السيارات.



...