محور التعمير سابقا شارع مصطفي النحاس
من حوالي شهرين تفاجا اهل مدينة نصر بالغاء خطوط تسيير المترو واعمال سفلتة ورصف في منتصف الشارع بدعوي عمل خط سير مستقل لاوتوبيس النقل العام وطبعا اللي عمل الاختراع دة والغير مسبوق في بلاد تركب الافيال فذ معملش حساب الغلابة مرتادي الطريق من الملاكي ومرتع التوكتوك والميكروباص اللي مشاركينا حياتنا اليومية دون ضابط او رابط وبالتالي تسبب المحور الثمين في اعاقات مرورية وحوادث بالكوم نتيجة التقاطعات المستحدثة وان سعادتك علشان تعبر تقاطع لازم يكون ليك 8عيون زي العناكب علشان تعدي لو من المحظوظين في سلام دون خبطة من توكتوك او اتوبيس او ميكروباص غلابة بيعدوا الشارع لركوب او النزول من اتوبيس النقل العام والنكتة ان اتعملت اشارات بعد الانتهاء من الرصف وطبعا حفرواا علشان كابلات الكهرباء ونتج عنها قطوع تكسر اتخن عربية في البلد ايية حكومة وحنكومكم كلكم يل شعب مصر ويسلام علي نهاية المحور العتيد بجهه الحي العاشر موقف ميكروباص وتكاتك وعربيات باعة جائلين وجميع اجناس الارض افارقة وصينيين وبنجلاديشيين وقلة مصريين بيعدوا الشارع ووريني هتمشي بعربيتك ازاي مش اقل من نصف ساعة علشان تمشي 100متر وبرضة الحاجة تكون دعيالك وقاري المعوذتين ومتشاهد وبرضة معاك سندوتش لحمة ولا حاجة علشان تتقوت ياكبدي
مش عارف جاهبذة المرور عملوا المحور العتيد لية ومساوئ انشاؤة اكثر بكتير من مصلحة انشاء محور لخطوط الاتوبيس اللي لو عطل في اي اتجاة وقف المحور تماما انا افهم ان طريق بالعرض دة يتعملواطرق خدمية يمين وشمال علشان القاطنين وحركة السيارات البطيئة للمتاجر في الاتجاههين زي شارع الحجاز وشارع كلية الباتوان حرك الطريق الاساسية في الاتجاهيين تكون متركزة لكثافات حركة السيارات ووسائل النقل والمحور بسم الله ماشاء الله عرضة75-80متر يعني سهل تماما ويسهل المرور لمدينة نصر بالكامل وتتعمل فية دورانات ممتازة في التقاطعات دون تاثير يذكر علي حالة المرور لكن مش قادر افهم ازاي اتوافق علي الكلام اللي لتعمل دة وفين السيد رئيس الحي والمحافظ العتيد وادارة مرور القاهرة وازاي الناس دي وافقت علي الاختراع دة بالطريقة دي
ربنا يتولانا برحمتة لان واضح ان السادة المسؤلين مابيمشوش في شوارعنا العامرة بالمطبات والحفر والنقر والمكبات ناقصة اختراعات لك الله يامصر
