عرض للطباعة
السلام عليكم و رحمة الله و بركاته
ربنا اكرمنى و اشتريت تويوتا ياريس 1500 سيدان و بعد صيانة ال1000 كم و المهندس قال تمام روحت و ركنتها و بعد يومين جيت ادورها لقيتها فاصلة خالص حتى نور انذار الأيموبلابزر مش شغال الكهرباء فاصلة تماما.
فيه مشكلتين :
1- التوكيل مابيردوش على التليفونات خالص و مش عارف اوصل لحد فى الصيانة
2- العربية طبعا فى وضع التعشيق على ال p ,و طبعا علشان أقطرها مشكلة تانية
اثابكم الله ايه الحل و شكرا جزيلا لكم
جرب شغل اي نور ... يعني نور الكبينة او الانتظار ولو مش شغالين تبقي بطارية نيمة
افتح الكبوت و تشك علي سلك البطارية...
لو تمام خلي اي حد يعمل وصلة و هتدور باذن الله
تقريبا انت نسيت لمبه شغالة في العربية فالبطارية فضيت.
اكيد البطارية فضيت ممكن تجيب حد بتاع بطاريات يكشف على البطارية ويعمل الازم
نمرة 2 للعم يوجد فتحة في الفتيس ممكن تدخل مفك فيها وتفك التعشيق ودا لو فيها مشكله كبيرة ومحتاج تقطرها وبالتوفيق - دور على الجروب بتاعنا على الفيس ياريس 2015 وشكرا
متابع وخير ان شاء الله
اعتقد انك نسيت حاجه شغاله وغالبا هتكون لمبة الصالون حد من الصيانه ظبطها على انها تبقى شغاله علطول مش مع الباب
ان شاء الله مشكلة بطارية
شكرا جزيلا لحضراتكم و الحقيقة فعلا كانت لمبت الصالون متسابة منورة و الحمد لله مجرد توصيلة من بطارية عربية العربية دارت و الكهربائى شيك عليها و طلعت سليمة والحمد لله تانى .
و شكرا جزيلا للمرة التانية
الحمد لله إنها طلعت حاجه بسيطه وربنا يباركلك فيها
الحمد لله جت سليمة
طيب الحمدلله جات سليمة خضتني يا راجل :)