الاتنين هايلاين وياريت مع توضيح سبب الاختيار معاش هتعبكم
عرض للطباعة
الاتنين هايلاين وياريت مع توضيح سبب الاختيار معاش هتعبكم
انا كنت في نفس الخيار بالظبط من فترة وتم تفضيل البيجو في الأخر
قوه الموتور في صالح البيجو موتور تربو مقابل موتور 110 حصان في الأسكودا
العفشه في البيجو مالتي لينك مقابل تورشن بيم في الأسكودا .
ثبات البيجو الحمد لله من ملاكها محدش اشتكي منه مقابل ان في ناش بتشتكي من الثبات في الأسكودا بعد 170 ك
العفئشة اريح في البيجو مقابل ان الأسكودا فيها دبه واضحه في الطرق الغير مستويه والمكسرة وبتكون ملحوظه .
فتيس البيجو فيه تناغم بدون مشاكل مع الماتور التربو الموجود عليها
طبعا التسارع والسرعه القصوي في صالح البيجو .
الشكل الخارجي طبعا اذواق ولكني اميل للبيجو لأحساسي بالفخامة وطبعا لأنها فئه اعلي من الأسكودا .
التقفيل الداخلي الأثنين ممتازين .
قطع الغيار ارخص نسبيا في البيجو ولكن في مجمل العربيه الأثنين قريبن من بعض والفارق لن يكون فارق في قرار الشراء ( مرايه كهرباء البيجو 1200 جم مقابل 3500 للأسكودا من غير تعتيم وبالتعتيم 6500 جم ، المساعد في البيجو 500 مقابل 950 في الأسكودا - سير الكاتينه في البيجو جنزير - والفلاتر وباقي السيور ارخص من الأسكودا - الفوانيس العاديهفي صالح الأسكودا لكن مش بفرق ملحوظ ولكن مش فاكر سعر فانوس الزينون )
الأوبشن معتقدش ان في فارق لأن الأثنين ما شاء الله فيهم كل حاجة ما عدا الركن التلقائي مش موجود في الأثنين واعتقد ان الأسكودا مفهاش حساس اضاءة ولكن البيجو تزيد تكيف رباعي التحكم لكل راكب علي حده ( محدش بيستعملوا ) وفرامل يد كهربائيه .
الأسكودا تزيد فتحه سقف بانوراما مقابل فتحه عاديه في البيجو
وانا كنا خلاص كنت هحجز البيجو بس عرفت ان في فيس ليفت متوقع ينزل علي اول السنه فتم التراجع عن قرار البيجو وتم حجز الأسكودا ولكن خلاص تم فتح باب الحجز في توكيل بيجو للشكل الجديد واعتقد ان ممكن يبقي في تسليمات علي منتصف شهر 11 ان شاء الله .
الشكل الداخلي الأثنين حلوين ويفرق بس انطباعك الشخصي وراحتك النفسيه .
طبعا اعادة البيع في صالح الأسكودا - ولكن لو هتحتفظ بالعربيه شويه يبقي تركب ئل نفسك فيه ايا كان قرارك .
وبالتوفيق ان شاء الله في اختيارك .
شكرا لرد حضرتك السريع ولذوقك
ده تقرير عن العربيه و عندك كمان تقرير متثبت فوق
http://www.nilemotors.net/Nile/442656-a.html
في نفس الحيرة بالضبط عقلي مع بيجو ( بالارقام والتجارب والمقارانات) وقلبي مع اوكتافيا (لاني امتلك بالفعل a4)
البيجو عشان الهورس باور :) 156 حصان تحت رجلك .
بصراحة مش عارف أقول ايه بس المقارنة أصلا غلط من الأول ...البيجو أقوي أوسع أريح و كمالياتها أكتر و فئة كمان أعلي ... البيجو الجديدة هتبقي تربو 162 حصان (مش 156 عشان اللي فاهم غلط و هو اتظبط بعد 2013) مقابل 110 حصان في السكودا ...البيجو شكلها أحلي (بدون مبالغة و بدون قول أذواق) ... البيجو ثباتها وهمي و خرافي و السكودا كمان ثباتها كويس بس أفضل البيجو ...البيجو أوسع داخليا و وسائل الأمان تمام قوي !!!
نصيحة صغيرة ...لو رسيت إنك هتجيب البيجو يبقي اختار اللون أبيض لؤلؤي أو أسود لأنهم أحلي لونين فيها !!!
ملحوظة صغيرة : البيجو هتخسر فيها عند إعادة البيع بس بصراحة اللي معاه البيجو مستحيل يفرط فيها ... ماتفكر طيب في أوبل انسيجنيا عشان تبقي ركبت ألماني و فئة عالية و فرق السعر مش كبير (البيجو ب 271000 و الأوبل هاي لاين ب 275000 و التوب ب 296000) و الأوبل بصراحة مالقتش حد خالص اشتكي منها
كلام 163 حصان . هيا 156 . ودا عشان التربو وعشان اصلن الماتور يقدر يجمع كل الاحصنة دي مش اقل من بنزين 95 .
حاجه صغيره البيجو تقريبا ٦ ايرباج مقابل ٢ في الاسكودا اما باقي وسائل الأمان تقريبا واحده
بيجو 508 فيس لفت الجديده .........165 حصان
كاميرا خلفيه
هو اكيد البيجو افضل زي ما حضراتكم بتقولوا بس برضه في فرق سعر كبير بينهم . يعني مثلا انا - في حدود امكانياتي الماديه - باقارن الفئة المتوسطه في السكودااللي ب 214 الف بالبيز لاين في البيجو اللي ب 245الف بزياده 31 الف جنيه و اقل من كماليات السكودا اللي ب 214 في الكاسيت التاتش و الباركنج سنسور و حاجات تانيه صغيره اوى بس مش فاكرها دلوقتي . يعني المفروض تتقارن فعلياً بالفئه المتوسطة في البيجو اللي ب 263 الف بزيادة 49 الف عن السكودا . علما بان الفئة دي مش في بالي خالص .
فهل الفرق في الجودة- و اللي كلنا متفقين انه لصالح البيجو - يساوي فرق السعر ده (31 الف + كماليات زياده ) ولا لأ ؟
باشا كل كلامك للاسف غلط
انا دخلت ال Vin بتاع عربيتي على موقع بيجو نفسها لقيتهم قايلين على عربيتي تحديدا ١٦٣ حصان مش اشتغالة توكيل
و العربيه شغاله و بتجمع احصنه و بتشد مع المرسيدس E300 بالبنزين ٩٢ و بالمناسبه نسبة انضغاط الموتور زي نسبة انضغاط السيفيك و مفيش اي تصقيف نهائي حتى لو على مطلع جراج جامد و العربيه على التاني و انا عارف بقول ايه عشان كان معايا باسات تربو و كانت بتصقف بال ٩٥ اصلا
صدقني الفروقات مش صغيره
كفايه اختلاف قوة الموتور وعزم الدوران وقلة الانبعاثات والمساحه الداخليه والتعليق المنفصل المتعدد الوصلات
شوف الفيديو ده واحكم بنفسك
2015 Peugeot 508 First Look : Mallorca, Spain - YouTube
عذرا ......تقارن 508 بالمرسيدس الفئه e ... والبي ام الفئه الخامسه
انا كنت بالفعل حجزت الفانتازيا من ٤ سنين عند سمير ريان و خلاص رايح الصبح اجيب الفلوس من البنك عشان استلمها فلقيت المدير بتاعي بيركن الفنتازيا بتاعته في جراج الشغل فطلبت منه اسوقها و يطلع جنبي واحد من السواقين يدوب اول عشر دقايق لقيت نفسي برجعها للجراج و عملت تليفون لموزع هوندا و خدت الفلوس ورحت اشتريت السيفيك بدون تفكير
أنا ما سوقتش اوكتافيا قبل كدة بس كنت فاكرها زي الباسات وشكلاها من برة فخم ...إيه اللي معجبكشي فيها وخصوصا لما تقارنها بالسيفك ...أنا سوقت كل موديلات السيفيك تقريبا وعارفهم كلهم وفعلا السيفك ناعما وركوبه دلع بالرغم من إعتراضي علي بعد الأشياء فيها (عيوب عموما في الياباني كله )
مع احترامي للجميع
طبعا البيجو عربية لا خلاف عليها وكاتجوري اعلي من الاوكتافيا
لكني فضلت عليها الاوكتافيا لاقتناعي بها التام
انا كنت فى نفس حيرتك
ولو عايز راى قلبي بيقول بيجو
وعقلي قالى اوكتافيا
ومعايا الاوكتافيا الحمد لله ما شاء الله عليها
بس حلوة مع مين مع فئتها كورولا واسترا
مش بيجو ٥٠٨ المقارنه دى لو فنيه بحته يبقي بنظلم الاوكتافيا لان فرق فئه عن فئه يفرق فى ااقل مسمار فى العربيه
عايز سوبر كار يبقي بيجو وليها معامله خاصه جدا علشان متتبهدلش بسرعه كعادة الفرنساوى
عايز حاجه تمشي مع الواقع والشوارع والبنزين السيء يبقي اوكتافيا