عرض للطباعة
السلام عليكم ورحمة الله
قررت انزل بورسعيد لشراء بعض قطع الغيار لسيارتي (ديهاتسو تريوس 2000)
فمحتاج مساعدة من رجال بورسعيد الافاضل اعضاء المنتدى او اصحاب الخبرة في السفر والتعامل هناك
ولدي بعض الاستفسارات:
اروح فين بالضبط؟
الاجازة الاسبوعية امتي الجمعة ولا الأحد؟
في الغالب المحال التجارية الخاصة بقطع الغيار في بورسعيد بتفتح امتي الصبح؟
هل في حد من رجال بورسعيد ممكن يسالي عن مكان وجود الاكسدام الامامي للعربية وسعره؟
خالص الشكر مقدماً
أنا مش من بورسعيد و لكني أزور بورسعيد بشكل متكرر و خصوصا محلات الاستيراد
المحلات موجودة في منطقة اسمها عمارات بنك الإسكان بجوار مقر حي الضواحي
حضرتك لو هتسافر اتوبيس لبورسعيد اي تاكسي هيوصلك هناك بسهولة و ب ٥ جنيه اجره و انت كارمه كمان
اعتقد انهم شغالين طوال الأسبوع مفيش اجازة و بيفتحوا من ١٠ صباحا و بيقفلوا قبل المغرب بشوية بسيطة
حضرتك هتروح هناك و هتلف علي المحلات و تسمع أسعار من اكتر من محل و طبعا هتشوف و تعاين اللي انت عايزه
بالتوفيق
شكرا علي الرد الوافياقتباس:
المشاركة الأصلية كتبت بواسطة mostafabakry
سؤال تاني بعد اذنك
ايه اخبار الفصال ؟؟
لازم افاصل يعني وهم متعبين ولا ايه النظام؟؟
الجمعة اجازة رسمى هناك .
بيخلصوا بعد العصر على طول .
الناس فى الشارع ارخص بكتير من المحلات فى بعض القطع بس لازم تبقي فاهم انت بتشترى ايه لأن عندهم كل حاجة تنفع لأى حاجة.
فاصل ولا يهمك .
لف كتير ودور بأيدك ومتخفش من الشحم والزيت .
بعد ما تخلص اطلع على سوق السمك نقى وسوى هناك وبعد كده اطلع على الكونيش عيش حياتك يا معلم وبعد ما تخلص اطلب شيشة وكوبية شاى بالنعناع .
وترجع بالسلامة ان شاء الله
شكرا يا باشا علي المعلومات والارشادات الجميلة دياقتباس:
المشاركة الأصلية كتبت بواسطة mo.kareem
بس لاني مرحتش هناك قبل كده! تقصد بايه الناس اللي في الشارع - فارشين علي الرصيف يعني؟
ودول حلاقي عندهم اكسدامات وكده؟
تحياتي
اه فارشين فى الشارع
انت ونصيبك ، ممكن تلاقى بس بنسبة كبيرة لاء ههههههههههه