الموضوع: تقرير عن رحلتى لراس شيطان وطابا بالصور مميزات وعيوب

يا سلام يا كبيير الصراحة متعة والله الواحد مبسوط وهوا بيقرأ الموضوع تحس فعلا بالجو الرائع .
اماكن خرافية ومناظر ولا اروع . متعة المناظر الطبيعة + متعة القيادة = معنى السعادة .
تسلم على التقرير الجميل وربنا يبارك فيك ويكفيك شر الطريق . تحياتي :)

حمد الله على السفر ؛ وتقرير ممتاز ... انا لسه راجع من رحلة شبه كده بس الشبه فى الطريق فقط ؛ وطريق شرم الشيخ
اخدت زوجتى وابنتى وطلعنا على شرم الشيخ بسيارتى ... طبعا الموضوع اخد منى تفكير كبير ما بين احجز السوبر جيت او اذهب بسيارتى ... طبعا اخدت آراء اصدقائى منهم من احبطنى جدا وقالى اوعى تروح بسيارتك ومش امان والكلام ده وقليل منهم فقط مش شجعنى .... وانا بعد استخارة توكلت على الله وذهبت بالسيارة وبجد انا اتمتعت بطريق شرم والجبال والبحر بجد كانت متعة لى ... والمتعة الاكبر انى تغلبت على خوفى من السفر مسافة كبيرة واعطتنى ثقة كبيرة فى نفسى وسيارتى .... بعض المعلومات احب ان اوضحها للزملاء هنا بعد اذن طبعا (ashouhdy)

1- عمل صيانة لسيارتك قبل بمدة عشان لو فيها حاجة تظهر قبل السفر .
2- اهم حاجة فى صيانة السيارة الكاوتش - دورة التبريد - السيور - زيت الموتور - التكييف
3- منحنيات الطريق صعبة فى مناطق ابو زنيمة وقبل شرم

طبعا انا كان اخرى فى الجرى 140 اكثر من كده مجبتش ومعظم الطريق كان 120 الى 130

اللى يروح يخلى باله وهو طالع من شرم عشان الرادااااار وبيتلككه على الاخر انا الرادار نشنى 150 جنيه مخالفة
وبيقولى انك اتصورت على 110 سرعة حلفتله انى لم ازيد السرعة على 100 اساسا وانا كنت شايف الرادار طبعا الكلام لم ينفع معهم الحمد لله عدت الرحلة على خير ..

واى حد عنده استفسار عن الطريق انا تحت امره
ومشكور على التقرير الجميل ده