شكرا للتوضيح
بس سؤالين كمان اسعار الكامبات من كام لكم لان انا اول مره اروح
وطبعا عاوز مكان فيه كهربا :d ومش بدور على حاجه فخمه
و هل هناك فيه سنوركلينج ,, يعنى نزلتوا البحر ؟
معلش يا باشا أعذرني, أنا مرحتش حتة في سيناء غير راس سدر وشرم الشيخ وكان بيبقى في فندق فـمعنديش أي فكرة خالص عن الكلام ده....
أنا فاهم الطريق ماشي إزّي لغاية بعد نفاق أحمد حمدي, بس مش فاهم طريق نخل ده يبتدي منين ويوديني فين؟ وده أمان ولا لأ؟ ويمتشي عليه أي وقت ولا الصبح بس؟ عليه خدمات؟ متسفلت كويس ولا هيبهدل العربية؟
لو مش طريق نخل, إيه البدائل التانية؟
عن الكامبات, فاهمني تاني هو أنا بروح وأقول هناك عايز خيمة أبات فيها ولا بعمل إيه بالضبط؟ ومحتاج اخد معايا إيه هناك؟؟؟؟
حتاخد معاك اهم حاجة بطاقتك و رخصك عشان الكماين الكتير
الكامبات محدش حيسألك على حاجة ... بس لو عايز كامب متحضر شوية روح castle beach
الكامبات عشان متتخضش نص اللى فيها بيشربوا مخدرات وفي حالهم تماما و جايين يفصلوا برضوا عن العالم بس بالمخدرات
الجو هادى جدا وممكن ميعجبش حد بيحب الهيصة و الظيطة
قدام الكامبات في مكتب سفارى و فسح
لازم عربية ودة شئ اساسى و الكامبات اماان امان امااااااااااااان كان في ناس بيغمى عليهم وعربياتهم دايرة وبيصحوا الصبح كل شئ كما هو
محدش يجرأ يسرق حاجة من كامب بتاع البدو دة يتقتل
الطريق حلو بالنهار و طريق نخل مقفول بالليل من بعد المغرب
لازم عربية تكون مضمونة عشان غالبا حتبقي ماشي لوحدك تماما كل ربع ساعة وانت سايق ممكن تقابل عربية ومفيش حد بيقف لحد طبعا
انا سافرت بالليل كنا عربيتين مع بعض و لقينا طريق نخل مقفول و اخدنا طريق شرم الدولى
ايوة حتخش الكامب وتقول عايزز كامب ابات فية
انت مش داخل فندق :) غالبا صاحب الكامب حيبقي عامل دماغ وملوش في الرغي والكلام الكتير
انسي موضوع الفندق دة خالص :) نوهائي
توضيح بسيط بعد اذنك يا باشا ان المحافظة اللي حضرتك كنت فيها دي جنوب سينا مش الشمال هييجي واحد يسألني فارق معاك الموضوع اوي اقوله طبعا لاني بعاني منه بما اني من هناك وكل ما حد يسألني يقولي فين جنوب سينا دي
وبالنسبة للاخوة اللي بتسأل على الطريق فالطريق من بعد النفق ومرورا بجميع مدن الجنوب طريق مستقيم يعني بتاخد الطريق وتمشي في وشك ماعدا سانت كاترين بتيجي قبل الطور ب60 كيلو وتاخد شمال وتكمل في وشك برضو :d
واه في ريست في كل مدينة يعنى كل 100 كيلو تقريبا هتلاقي كافتيريات ومطاعم وناس عايشة مش صحرا وجمال زي ما نص الشعب فاكر :d
هى فعلا جنوب سيناء انا اللى لغبطنى الخريطة افتكرت ان فوق كدة يبقي وسط او شمال سيناء
دى الخريطة يا جماعة عشان حاسس ان الناس لحد دلوقتى مش فاهمة السكة
http://nileup.com/up/uploads/nilemotors_14158080871.png
احنا كنا المفروض ناخد طريق نخل الخط الاحمر اللى انا رسمة لحد طابا وبعدين ننزل على طول علي راس شيطان
طبعا طلع مقفول بالليل فمشينا ع طريق شرم الدولى اللى انا رسمة بالاخضر
وطبعا فرق مسافة كبيييير جدا
http://nileup.com/up/uploads/nilemotors_14158083701.png
لو سمحت الجو هناك في يناير ظروفه ايه .... مناسب للبحر و لا برد؟؟؟
لا اكيد برد
هنجرب ان شاء الله ,, انا بعشق السواقة والرحلات البرى .. تشكر يا ريس
تصدق وتوءمن بالله انا لازم اطلع الرحله دى