الموضوع: تقرير عن رحلتى لراس شيطان وطابا بالصور مميزات وعيوب

المشاركة الأصلية كتبت بواسطة ashouhdy

ذى ما هو بغباوتة :) بالعكس دة اتنيل اكتر




حجز ؟!

سعادتك انزل على طول حتلاقي اماكن .. الحتت دى مش بتخلص

بالنسبة للطريق ما انا شارحة بالتفصيل :) اية اللى تايهه منك

الطريق امان و الحمد لله بس عربية جديدة او حالتها 100 100 عشان لو عطلت بيك في النص انت كدة بخ :)

تجهيزات

بنزينك / منفاخ عجل بالكهربا / شوية فيوزات و لمض احتياطى / الاستبن يبقي تمام / كوريك / حبل عشان تقطر بية اى حاجة لا قدر الله

معلش يا باشا أعذرني, أنا مرحتش حتة في سيناء غير راس سدر وشرم الشيخ وكان بيبقى في فندق فـمعنديش أي فكرة خالص عن الكلام ده....
أنا فاهم الطريق ماشي إزّي لغاية بعد نفاق أحمد حمدي, بس مش فاهم طريق نخل ده يبتدي منين ويوديني فين؟ وده أمان ولا لأ؟ ويمتشي عليه أي وقت ولا الصبح بس؟ عليه خدمات؟ متسفلت كويس ولا هيبهدل العربية؟
لو مش طريق نخل, إيه البدائل التانية؟

عن الكامبات, فاهمني تاني هو أنا بروح وأقول هناك عايز خيمة أبات فيها ولا بعمل إيه بالضبط؟ ومحتاج اخد معايا إيه هناك؟؟؟؟

توضيح بسيط بعد اذنك يا باشا ان المحافظة اللي حضرتك كنت فيها دي جنوب سينا مش الشمال هييجي واحد يسألني فارق معاك الموضوع اوي اقوله طبعا لاني بعاني منه بما اني من هناك وكل ما حد يسألني يقولي فين جنوب سينا دي

وبالنسبة للاخوة اللي بتسأل على الطريق فالطريق من بعد النفق ومرورا بجميع مدن الجنوب طريق مستقيم يعني بتاخد الطريق وتمشي في وشك ماعدا سانت كاترين بتيجي قبل الطور ب60 كيلو وتاخد شمال وتكمل في وشك برضو :d

واه في ريست في كل مدينة يعنى كل 100 كيلو تقريبا هتلاقي كافتيريات ومطاعم وناس عايشة مش صحرا وجمال زي ما نص الشعب فاكر :d