الموضوع: اسعار بعض قطع غيار شاريد 89 و90 و91 و92

أ / شريف
انا هشتري شاريد مانويل وكنت عاوز اعرف ايه الحاجات اللي اجربها واتأكد منها في العربية وانا بشوفها عشان خايف البس في عربية تعبانة تكرهني في حياتي
انا اصل كنت هشتري 128 بس لاقيت حضرتك بتشكر في الموديل دة وكنت عاوز استفيد من خبرتك

المشاركة الأصلية كتبت بواسطة karimkemo

أ / شريف
انا هشتري شاريد مانويل وكنت عاوز اعرف ايه الحاجات اللي اجربها واتأكد منها في العربية وانا بشوفها عشان خايف البس في عربية تعبانة تكرهني في حياتي
انا اصل كنت هشتري 128 بس لاقيت حضرتك بتشكر في الموديل دة وكنت عاوز استفيد من خبرتك

شكراً استاذ / كريم على الثقة ..
العربية دي شيء ثاني غير الفيات تماماً بس لازم تكون عربية بيتي يعني ما يكونش الصنايعي المصري لعب فيها كتير لأن الياباني عربية عزيزة مش عاوزة لعب كتير .. يعني يكون الفتيس 5غيار غير المارشدير ، وكبس الموتور يكون بحالة جيدة يعني ما بيدخنش دخنة زقاء أو رمادي من الشكمان (ما بتاكلش زيت يعني) ، والكربراتير يكون كويس يعني ما بيعملش دخنة سواء من الشكمان .. شاسيه العربية من تحت والقوايم والابواب وخصوصاً باب الشنطة .. التابلوه وفرش الأبواب مهم جداً يكون بحالة جيدة .. وابعد عن أي عربية معمول فيها تعديل .. يعني مغير موتور 1300 بدل الـ 1000 (يوجد منها 1300 فابريكة من بلادها بس غالباً بيكون في السيدان مش الهاتش باك) وعموماً الموتور الـ1000 سي سي رائع في استهلاك البانزين وقوي بالقدر الكافي بس مايكونش خفيف ، وأول ما ربنا يكرمك بعربية كويسه ، غير الزيت وفلتر الزيت والبنزين والهواء وسير الكاتينه (وبلية الشداد لو محتاجة تغيير) ، وأي شيء تحتاجة في العربية أنا في الخدمة .. وشكراُ لمرورك الكريم أ / كريم :)

بصراحة مجهود تشكر عليه استاذ شريف
انا معايا شاريد 93 2باب 1000 cc ومغلبانى موتورها خفيف وكنت ناوى انزل بيها بورسعيد اجيب موتور 1300 بالتكييف واغير المساعدين الخلفى والكبوت . ممكن اعرف نصايحك خاصة فى موضوع تسقيط موتو اعلى من 1000 cc
جزاك الله خيرا

ذكر الاخ ميدو أنه قام بتركيب اكصدام ماروتى بدلا من الاكصدام المحطم بتاع الشاريد 1983 وهو مناسب لها وماشى حاله حسب قوله بس مش مظبوط اوى من الجناب ونرجو ان يزودنا بالمزيد عن هذه التجربة مشكورا
http://www.nilemotors.net/Nile/47407...post3875995381

https://www.youtube.com/watch?v=N822pXyj5To

https://www.youtube.com/watch?v=EJo9RndNj9k

انا لسة شارية عربية شاريد موديل تسعين من غير التكييف عايزة تكييف بس رشة جوه للاسف علي قد فلوسي بقه جبتها ١٥ الف بس قلقانة من حاجات فيها بتسخن بسرعةراجوكوا الديهاتسو حاجة جديدة بالنسبالي لاني كان معايا تمانية وعشرين بس عندي مشكلة العفشة عايزة تتغير الكوبلن بيتقطق وعايزة اربة بس ناعمة وسريعة اعمل ايه اجيب كل الحاجات منين

المشاركة الأصلية كتبت بواسطة sherif2003ab

السلام عليكم .. يا جماعة أنا انضميت مؤخراً لمالكي هذة السيارة الرائعة جداً من وجهة نظري في حدود سعرها .. أنا معايا شاريد هاتش باك موديل 92 ، 1000 cc ثلاثة سلندر مكيفة تكييف ثلاجة بقالها معايا سنة مشيت بيها 45 ألف كيلو متر .. سفر وداخل المدينة زي الفل
وعندي خبرة كافية بدون مبالغة في فك وتركيب واصلاح كافة أعطالها وأماكن بيع قطع غيارها وحلول أي مشكلة فيها مع العلم اني محاسب في توكيل بوش لقطع غيار السيارات
.. لسة مغيرلها فتيس مانيوال 5غيار غير المرشدير اشتريته من الوكالة زي الفل فبريكة وناعم ومحترم جداً عمل 700جنيه وركبته بايدي ، في حين ان فتيس الفيورا اللي كانت معايا قبلها ثمنة 1500جنيه !
جوز كبالن أمامي خارجي تايواني بالكوتش والشحم 250جنيه
غيرت الرادياتير بتاعها واشتريت رادياتير ألومينيوم أصلي بتاع النترا 2006 عريض جديد زيرو عمل 480جنيه مخلي العربية الحرارة لا تتجاوز الربع حتى مع التكييف في عز الحر .. بيركب بدون أي تعديل أو مشاكل مجرد تطويل الخرطوم الكاوتش اللي رايح على كوعة المياه ..
طقم اصلاح الكربراتير كامل ياباني أصلي هو هو بتاع تويوتا كرولا 80 عامل 75جنيه بكل الجوانات والبيكات وابرة العوامة والرداخ وكل شيء وبفكه وأركبه وانظفة بايدي .
بليةة العجل الامامي تايواني محترمة عاملة 70جنيه
طقم تيل فرامل امامي تايواني نظيف جداً 70جنيه
سير دينو وسير تكييف كوري الواحد بـ 15جنيه
سير كاتينة ياباني أصلي 75جنيه
مارش استيراد 200جنيه
ديسك واسطوانة وبلية دايكون ياباني محترم 500جنيه ، ديسك واسطوانة فاليو كوري محترم برضه 350جنيه بدون البلية ..
علبة دريكسيون تايواني جديدة 480جنيه
طقم بيض بارات اسكاترا 180جنيه
صليبة عمود دريكسيون استيراد 120 جنيه

أي حد يا جماعة عاوز أي مساعدة لا يتردد في السؤال وأنا في الخدمة