حد يحكم بينا

**أبو يوسف** · 14-10-2014 09:02 AM

الموضوع مش موضوع فلوس بس اكتر منه ان الواحد يكون راجل فى كلامه وميرجعش فى كلامه واحنا كان بينا اتفاق وهو خلفه انا كسبت اية انى اسيب بيتى واركب مواصلات واروحله
بس هو كان انسان مستفزس بطريقته قلت احرق دمه زى ما حرق دمى وبعدين انا كان ممكن اخد اكتر بس انا قولت اخد حاجة رمزية فقط اعلمه بيها ان الراجل كلمة وان لو رجع فى كلامه دة هيكلفة اكتر

**بحار** · 14-10-2014 09:41 AM

شوف حضرتك .. الناس ماعدتش زى الاول .. دلوقت لا أخلاق ولا احساس ولا كلمه تربطهم ويعملو حسابها ..
زمان اللى كان يرجع فى الاتفاق بيقولو عليه عيل وساعات كمان ( 00000) وماحدش كان يرضى على نفسه يتقال علية كده ..
دلوقت الجدع اللى يعرف يخلع ويقلبك فى أى حاجه ..
من عدة سنوات اتفقت على بضاعه من تاجر بنتعامل معاه واديته كلمه ان البضاعه بتاعتى ومادفعتش عربون ولا شئ وبعد ايام قبل النقل السعر نزل ..
مارجعتش فى كلامى رغم فرق المكسب الكبير وعرفته انى عارف الاسعار بس مرتبط بكلمتى وحملت البضاعه واديته فلوسه ..
بعد كام شهر اتكررت الحكايه .. اديته كلمه بس الاسعار زادت ..
ورحت اخد البضاعه لقيته باعها لاول واحد دفع اكتر منى برغم موقفى السابق معاه ..
انا رأيى فى موضوع حضرتك ابعتله شحن بال 10 جنيه ..
واحتسب عند الله مشوارك .. الحركه دى مايكفنيش فيها 1000 جنيه .. وابقى خد بالك من الناس بعد كده .. تحياتى

**mesaharaty** · 14-10-2014 10:16 AM

يا ريتك كنت خصمت منه 50 جنيه مش بس عشرة
الأشكال دى لازم تتعامل معاها بقانونها علشان مايفتكرش نفسه بيستهفنا ويضحك علينا .
ولك ألف

**أبو يوسف** · 14-10-2014 01:42 PM

بصراحة انا مع الراى اللى بيقول ابعتله عشرة جنية رصيد انا استفدت اية من المشوار
هو طلع مش راجل يستحمل الواحد لما بيقع فى مشكلة زى دى محدش بيرحمه انا غلط انى
مخدش منه اكتر من كدة واسف مع اختلافى مع راى الزملاء

**الجنرال** · 14-10-2014 01:53 PM

ولا تبعتله اي حاجة

بس سؤال .. هل هو ادالك المبلغ القليل ده بسبب عيب فى التيلفون مثلا؟ خدش، حاجة مش شغاله؟ حاجة ناقصة؟

يعني هل اعترض على حاجة مثلا فى التيلفون وحس انها عيب (حتى لو انت مش شايف انها عيب) وبناءا عليها ادالك الفلوس ناقصة؟

لو كان ده حصل فانت غلطان .. لان الاتفاق الاول كان قبل ما يعاين السلعة .. بعد المعاية لو لم يعترض يبقى لازم يديلك الفلوس كلها وساعتها انت مش غلطان .. لو اعترض فالمفروض تتفقوا على سعر جديد وساعتها يبقى مش من حقك تاخد فلوس المشوار

ربنا يهدي الجميع

**naser_56** · 14-10-2014 04:11 PM

هو المفروض طالما انك انت البايع متروحش وهو الي يجيلك وعجبه التليفون ياخده معجبهوش بالسلامه وانته مخسرتش حاجه ده العرف

**أبو يوسف** · 14-10-2014 05:53 PM

المشاركة الأصلية كتبت بواسطة الجنرال

ولا تبعتله اي حاجة

بس سؤال .. هل هو ادالك المبلغ القليل ده بسبب عيب فى التيلفون مثلا؟ خدش، حاجة مش شغاله؟ حاجة ناقصة؟

يعني هل اعترض على حاجة مثلا فى التيلفون وحس انها عيب (حتى لو انت مش شايف انها عيب) وبناءا عليها ادالك الفلوس ناقصة؟

لو كان ده حصل فانت غلطان .. لان الاتفاق الاول كان قبل ما يعاين السلعة .. بعد المعاية لو لم يعترض يبقى لازم يديلك الفلوس كلها وساعتها انت مش غلطان .. لو اعترض فالمفروض تتفقوا على سعر جديد وساعتها يبقى مش من حقك تاخد فلوس المشوار

ربنا يهدي الجميع

التليفون مكنش عليه خلاف نهائى الخلاف عن على الفوس مع اننا متفقين قبل ما ارحلوا
وبعدين ياجماعة هو لو انا كان ينفع مثلاً اديلو التليفون من غير السماعة او الشاحن مثلاص , ولو أنا عملت كدة كان هو هيعدى الموضوع ببساطة اكيد كام هيخصم قلوس نظير الحاجات دى

**S O P H O S** · 17-10-2014 10:05 PM

هو الغلطان طبعا
وبالنسبة للمبلغ خرجهم لاي حد او حوله رصيد وانتهي الموضوع

**أبو آسر** · 17-10-2014 11:30 PM

رأيي الشخصي - بغض النظر عن الحكم الشرعي لأني معرفوش - انك عملت الصح وانه يستاهل لأنه ضيع وقتك وجهدك كفاية انه مش هو اللي راحلك لحد عندك وكمان انتوا اتفقتوا انت التزمت باتفاقك وهو اللي أخل بيه يبقى هو اللي يتعاقب والمبلغ التافه ده أقل عقاب ليه
أما جزئية مش مسامحك في الفلوس فلو هو فاكر ان ربنا هيعاقبك انت ويجزيه هو خير الجزاء وانه هو المظلوم فلا تعليق بصراحة !
أنا حصلي أكتر من موقف زي دول أولهم كنت ببيع موبايل نوكيا بس بطاريته كانت بتخلص بسرعة بس مش عيب في البطارية الموبايل هو اللي كان كده لأنه كان نوكيا كومينيكيتور في عزها والناس كانت متعودة على البطارية أم 3 أيام ودي كانت بتقعد يوم بالعافية وهو كان سألني قبل ما ياخده على موضوع البطارية وقلتله بتقعد كذا علشان هو كده قالي بس أنا كده ممكن أغيرها بواحدة جديدة قلتله انت حر بس هو الموبايل سعره كده بالبطارية دي المهم خدت الفلوس ناقصة مبلغ مش فاكر كان 50 جنيه ولا كام هو قالي هبقى أجبهملك بكرة علشان دي الفلوس اللي معايا دلوقتي وكمان لاني كنت نسيت الهاندفري فقلتله هجيبلك الهاندفري وتديني ال50 جنيه ومديتش خوانة ووثقت فيه المهم روحت لقيته باعتلي رسالة بيقولي البطارية الأصلية ب220 جنيه تقريبا والمبلغ اللي معاك ده كده حلو ! بعتله قلتله بس احنا متفقناش على كده وانت رضيت بالجهاز بوضعه الحالي وانا قلتلك البطارية بتاعته كده وادخل على مواصفات الجهاز على النت وهتلاقي الكلام ده ، رد عليا برسالة مفادها انه مش هيدفع الفلوس بعتله قلتله مش مسامحك وتصرفهم على صحتك فتقريبا خاف من الدعوة وطلع ابن حلال فبعتلي الفلوس رصيد بس مع رسالة ملهاش لازمة معناها انه رماهملي على الارض يعني فبعتله 10 جنيه رصيد قلتله وده حساب الهاندفري الناقص ميلزمونيش !
الموقف التاني كنت ببيع آيفون واتفقنا برده على السعر وبعد ما قابلت الراجل اداني الفلوس ناقصين 50 جنيه برده ! قلتله احنا اتفقنا قالي معلش بقى وسامحني وبتاع والحركات القرعة دي ووالله ما معايا غير أجرة السكة والحوارات دي فاديتهوله بس مسامحتوش برده في الفلوس
الأشكال دي للأسف كترت أوي ولازم تتعامل بحزم علشان تتعلم ان وقت الناس مش لعبة وان حركات الفهلوة والأونطة دي متنفعش مع الناس المحترمة