-
حد يحكم بينا
انا كنت عارض تليفون على موقع دوبيزل بـ 350 جنية
المهم فى واحد اتصل بيا واتفقنا على 300 جنيه المهم اتفقنا نتقابل فى المظلات مكان وسط بينه وبينه , وبعد ما روحت لاقيته بيدينى 270 جنيه وبيقولى كدة كويس قولتله على فكرة كدة مصيحش احنا متفقين
فقالى لاً , وأنا كان فى ايدى الفلوس روحت مرجعله الفلوس تانى وخت منها ( 10 جنيه ) وقولتله دى ثمن مشوارى ولانك رجعت فى كلامك , راح هو قالى لو عاوز أكتر خد , قولتله لاً انا خدت حقى بي وو الله العظيم انا ختها منه لانه استفزنى جداً , المهم هو بعتلى رساله على الموبايل ( انا مش مسامحك فى الفلوس , بالشفا )
انا مردتش عليه , بس مش عارف هو انا كدة غلطان ؟
-
فى رأى الشخصى الفلوس دى مش من حقك
كان ممكن التفاوض على المبلغ الباقى بكل هدوء مكانش يبقى كلمتين فى جنابه بكل زوق
-
يعني مش مستاهله
كنت سبته ومشيت
-
حول ليه 10 جنيه رصيد علي رقم موبايلة عشان تريح ضميرك وتريح دماغك ومتعدش تفكر كتير
-
هو فرق المبلغ مش كبير اوى
بس انا شايف ان المسلمون على شروطهم
وهو الغلطان
-
ابعتله 10 جنيه رصيد حتي لو من حقك ال10 ج ديه ابعتها ليه واقول انا سمحته ووتذكر يا اخي ان اخلاق الاسلام هي التسامح خاصة فيما بيننا
-
متبعتش رصيد الافضل انك تتبرع بيها .. هتاخد ثواب انت وهو وربنا يهديه .. وطبعا هو غلطان من البداية وحصلت معايا قبل كدة سبت المشتري ومشيت مع اني كنت رايحله لحد عنده
-
بالعكس انت مش غلطان انت راجل محترم وعملت تصرف سليم 100 % ومع احترامي لكل الناس اللي علقت قبلي انتم رأيكم غلط 100%
ليه ؟
علشان ده تصرف استفزازي شنيع ماينفعش اخلف اتفاق واضيع وقت الناس كده وقت الناس مش ببلاش بغض النظر عن قيمة السلعه الماديه
انا حصلت معايا قبل كده ومجرب الاحساس الاستفزازي ده
-
معلش حضرتك راجل محترم و عملى و كده صح هو مش من حقه شرعا انه يخسرك ربع جنيه يشوفك بقى بخيل يشوفك بقى ماسك فى 10 جنيه و الله انت صح و طلهعم حتى صدقه فى اى صندوق جامع لو استحرمتهم ولا تردهمله المسلمون عند شروطهم و ده مش راجل
-
العقد شريعه المتعاقدين اتفقتو ع المبلغ وهو خلف وعده اوك متديلوش الموبيل
لكن تمن المشوار انت متفقتش معاه ع كده حوله رصيد بيهم زي الاخوه ما قالو ومحدش بيتعلم ببلاش
هحكيلك موقف بس معلش هطول عليك
انا عندى شقه وعايز اشطبها وجبت شركه تشطيبات وديكورات والمهندس
قالى ف التليفون المعاينه ورفع المساحه والتقرير والرسم 200
بعتلى واحد بيفك الخط ومخدش اى حاجه ف البتنجان لا امتار ولا ديولو
وكان متكهرب وعايز يمشى اتصلت بالمهندس قولتله حصل كزا كزا كزا
قالى يا فندم احنا اتفقنا قولتله كده نصب رسمى وانا اقدر مدلوش ولا مليم واكتفه هنا لغايه ما تيجي تفكه
قالى يا باشا وانا مش مسامح ف الفلوس قولتله تصدق بالله ولا انا هسامح فيهم لو خدتهم
لانى مخدتش الى اتفقنا عليه انت بعتلى واحد يعرف الشقه فين وخلصنا
المهم ف الاخر طبعا مدتلوش الفلوس بس عزمت الراجل الغلبان الى بعته ع الغدا
معلش طولت عليكم
Content Relevant URLs by
vBSEO 3.6.0 PL2