الموضوع: رسونى على بر .. اخد انهى طريق

واضح ان المشاركات دي قبل ما الطريق الدائري الاقليمي يكتمل لحد بلبيس.

بص تعال من المنصورة للزقازيق .. و خد طريق بلبيس و من بلبيس خد الدائري الاقليمي هو شغال من شهرين تقريبا.

خلي بالك كمان في طريق جديد جوه الزقازيق هيطلعك من قبل موقف المنصورة على القاهرة الصحراوي بدل ما تدخل جوه الزقازيق .. قبل ما توصل موقف المنصورة اللي في الزقازيق هتدخل يمين طريق الغشام و تخلصه و تمشي يمين طريق جديد هيطلعك عند الجامعة .. تاخد طريق الأحرار هتطلع على القاهرة الصحراوي من بره بره .. أحسن لك كتير عشان جاي من المنصورة.

المشاركة الأصلية كتبت بواسطة kar!m

أولا أحييك انك بتستخدم جوجل .. انت كده بتفهم .. أنا كتير جدا جدا أقابل ناس في الشارع وتلاقيه معاه موبايل حديث جدا .. و يسألني شارع كذا فين و أطلع موبايلي و أقول له.

هو فعلا الطريق اللي جوجل رسمهولك كويس بس الوصلة دي عليها نقل كتير .. بس هي بطيئة عموما .. هو انت لو أخدت بالك هو موازي لطريق غشام .. بس طريق غشام أنضف شوية .. و هيطلعك برضه على جامعة الزقازيق .. بس الحته دي مش باينه على الماب عشان الطريق جديد .. عموما خليك في بتاع جوجل.

بص انت ملكش دعوة بالعاشر ووادي حجول خالص .. انت هتاخد طريق جديد تماما .. يمكن عشان كده ناس كتير مش عارفينه .. الطريق خلصان من شهرين تقريبا ..وواحد قريبي لسه جاي منه من العين السخنة للزقازيق بعد العيد يعني الاسبوع اللي فات .. و قال لي شغال تمام.

الدائري الاقليمي من بلبيس هينزلك على طريق العين السخنة .. ملكش دعوة بالعاشر ولا وادي حجول خالص .. و تحت أمرك في أي وقت.

كلام مظبوط
وانا راجع من الغردقة رجعت من على الدائرى الاقليمى واخر الطريق قبل بوابات الخروج من طريق القاهرة - بلبيس الصحرواى بإتجاه بلبيس
هتخرج من البوابات هتلاقى نفسك على اول طريق بلبيس
وفى كوبرى بيتعمل قبل بوابات الخروج من طريق القاهرة - بلبيس الصحراوى والمفروض الكوبرى ده هينزلك على طريق بلبيس مباشرة دون المرور على طريق القاهرة - بلبيس الصحراوى