رسونى على بر .. اخد انهى طريق

**mhoreya** · 14-10-2014 02:41 AM

انا يا جماعة من المنصورة عاوز اسافر السخنة كام يوم كده اغير جو و كنت محتار اروح من انهى طريق المنصورة القاهرة الدائرى اتجاه المطار او الهرم ( الاتجاهين نفس المسافة تقريبا ) ... ولا اخد طريق المنصورة الزقازيق الدائرى الاقليمى وادى حجول العين السخنة .. طريق الزقازيق اقصر حوالى 30 كيلو بس ممشتش عليه قبل كده ( معايا gps فى العربية )
كنت عملت موضوع اسال فى قسم طرق السفر و رد عليا العضو المحترم mohamed_selim
بس حبيت اعرف اراء تانية و اخد مساعدتكم
http://www.nilemotors.net/Nile/444403-a.html

**محمد عز** · 14-10-2014 08:50 AM

ده متوقف انت رايح فين فى السخنة

لو انت رايح السخنة من ناحية السويس

او انت رايح السخنة من بعد مينا العين السخنة واستيلا

**mhoreya** · 14-10-2014 05:47 PM

المشاركة الأصلية كتبت بواسطة محمد عز

ده متوقف انت رايح فين فى السخنة

لو انت رايح السخنة من ناحية السويس

او انت رايح السخنة من بعد مينا العين السخنة واستيلا

انا رايح ستيلا دى مارى

**kar!m** · 14-10-2014 06:06 PM

هو المنصورة - الزقازيق الاقليمي اشتغل؟
أنا شايفه واصل من العين السخنة لحد بلبيس و بعد كده الطريق مش كامل.
يعني اللي بييجي من العين السخنة للزقازيق .. بياخد الدائري الاقليمي من طريق العين السخنة و يعدي على طريق السويس و طريق اسماعيلية الصحراوي و ينزل من الدائري الاقليمي قبل كارتة بلبيس ب 500 متر و يكمل للزقازيق.

**محمد عز** · 14-10-2014 09:21 PM

الطريق الدائرى الاقليمى اللى بيعدى فوق طريق القاهرة السويس لسه مخلصش لحد علمى

يبقى الأفضل تاخد الدائرى -القاطمية -العين السخنة

**kar!m** · 14-10-2014 09:27 PM

المشاركة الأصلية كتبت بواسطة محمد عز

الطريق الدائرى الاقليمى اللى بيعدى فوق طريق القاهرة السويس لسه مخلصش لحد علمى

يبقى الأفضل تاخد الدائرى -القاطمية -العين السخنة

لأ شغال لحد بلبيس .. واحد قريبي لسه جاي من عليه الاسبوع اللي فات.

**ehab_mansour** · 14-10-2014 10:20 PM

اولا طريق الزقازيق المنصورة سييء جدا مقارنة بطريق المنصورة بنها
ثانيا لو انت معندكش مشكلة مع اولا يبقي تاخد الطريق للزقازيق ثم بلبيس و لو الدائري الاقليمي خلص لهناك يبقي تاخده هو افضل بمراحل طبعا و اروق و اسرع لحد طريق السخنه القاهرة و منها للسخنة
و لو الدائري الاقليمي مش شغال من بلبيس يبقي تاخد طريق الروبيكي من عند تقاطع الطائرة علي طريق بلبيس القاهرة حتي طريق الاسماعيلية الصحراوي و منه تكمل الدائري الاقليمي

اما لو أولا تفرق معاك يبقي تاخد الطريق المعتاد المنصورة - بنها - القاهرة ثم دائري الاتجاه اللي يعجبك لأنه مش هتفرق كتير (رغم اني احبذ دائري السلام عن اتجاه المعادي ) و منه تنزل طريق السخنه القاهرة

مهم جدا تقول هتسافر امتا (يعني الساعه كام بالضبط ) لأن كل الطرق دي بتختلف تماما خلال اوقات النهار و كل اتجاه له اولوية في اوقات تختلف عن اتجاهات اخري و اوقات اخري حسب كثافة التحرك اتجاه المناطق الصناعية صباحا و العكس مساءا

و بالتوفيق و تروح و ترجع بالسلامة ان شاء الله

**AHMED12345678** · 15-10-2014 01:27 AM

الدائرى الاقليمى طبعا
انا رحت الغردقة ورجعت من على الدائرى الاقليمى وبصراحة طريق فوق الوصف
بس خلى بالك لان ممكن تلاقى العربيات النقل الى شغاله فى الطريق جايه مخالف فى وشك
وكمان خلى بالك من الكارتات الى فى الطريق بتاعه الجيش علشان هى عبارة عن حواجز مش بوابات تحصيل رسوم والطريق بيضيق عندها لحارة واحدة
وطبعا الطريق لم يتم افتتاحه بشكل رسمى بس الى عايز يمشى عليه بيمشى

**mhoreya** · 15-10-2014 04:14 PM

شكرا يا جماعة على ردودكم و مساعتتكم بس انا و الله لسه محتار .. كنت بدور على المنتدى هنا لقيت رود قديمة على سؤالى هاخودهالكو كوبى بيست
هتطلع كانك رايح الزقازيق
ومن الزقازيق كانك رايح العاشر من رمضان( 45 كيلو)
ومن العاشر من رمضان (متدخلش المدينة) طول علطول على مدينة بدر ( 22 كيلو من العاشر من رمضان)
فى اخر طريق مدينة بدر هتلاقى نفسك هتقطع طريق القاهرة السويس الصحراوى
وقدامك فى الناحية التانية طريق وادى حجول (هتدفع كارتة 5ج للملاكى) وهو طريق جبلى بتاع الجيش خلى بالك وانت ماشى علية (24 كيلو)
فى اخر طريق وادى حجول دى هتلاقى طريق القطامية العين السخنة فوق منك
هتعدى من تحت منة اجبارى وتاخد شمال وتطلع علية وبعدها ب 60 كيلو هتلاقى نفسك فى السخنة

هتطلع من الزقازيق كانك رايح العاشر من رمضان
بس مش هتخش العاشر
هتمشى علطول وتعدى من تحت الكوبرى بتاع التالتة الصناعية وعلطول فى وشك كانك رايح مدينة بدر
هتلاقى طريق السويس مصر الصحرواى فى وشك فى نهاية الطريق (اجمالى المسافة 26 كيلومن العاشر لنهاية الوصلة دى)
وفى الناحية التانية قدامك الطريق بتاع وادى حجول اللى بيطلعك على طريق القطامية العين السخنة
هتاخد اليوترن وتخش الطريق دة و الكرتة 5ج وطولة 27 كيلو وفى نهايتة هتلاقى طريق القطامية العين السخن ومن هناك كل حاجة سهلة لانك هتبقى على الطريق الرسمى بتاع العين السخنة
ملحوظة الطريق دة يعتبر خطر شوية كلة منحنيات ومطالع ومنازل رخمة قوى وكلة نقل تقيل وفردة واحدة ومتمشيش علية بالليل الا لو كنت سواق محترف لكنة امن جدا جدا عشان هوة طريق جيش
.............
الطريق دة ( طريق وادى حجول) هيوفر عليك لفة طويلة قوى بس عايز واحد صاحى وهو سايق

انا عاوز افهم حاجة بقى .. طريق وادى جحول ده هعدى عليه و لا الدائرى الاقليمى هيغنى عنه و اتوكل على الله من طريق الزقازيق و لا اروح من طريق بنها
و لو رحت من طريق بنها اخد وصلة الهرم و لا وصلة السلام ( هكون على الدائرى على الساعة 11 الصبح تقريبا )

-

الموضوع: رسونى على بر .. اخد انهى طريق

LinkBack

أدوات الموضوع

عرض

-

-

-

-

المواضيع المتشابهه

تفضل تمشى فى ايهما ؟؟؟ طريق قصير ومكسر ولا طريق طويل ومتسفلت

محتار اشترى انهى نوع و انهى مقاس

انهى موتور احسن و انهى عمره اطول

طريق منيا القمح - الزقازيق.... طريق الموت ....

أفضل طريق من المنصورة الي واحة عمر علي طريق القاهرة اسكندرية الصحراوي

الكلمات الدلالية لهذا الموضوع

المفضلات

المفضلات

ضوابط المشاركة