العربية جابت ربع امامي بالموتور وايرباجات
مثبت السرعة في الجيتا 2010 علق وكل ما يدوس فرامل لا تستجيب والسرعة تعلي تاني
خلي بالكم من مثبت السرعة ارجوكم
عرض للطباعة
العربية جابت ربع امامي بالموتور وايرباجات
مثبت السرعة في الجيتا 2010 علق وكل ما يدوس فرامل لا تستجيب والسرعة تعلي تاني
خلي بالكم من مثبت السرعة ارجوكم
قدر الله وما شاء فعل
ويقوم بالف سلامه وفداه اى حاجه ف الدنيا
لا حول ولا قوة إلا بالله
الحمدلله انها جات على كده
وان شاء الله يقومه بالسلامه
Sent from my note3 using Forum Runner
ربنا يعوض عليه ده لو فى بلد محترمة كان خد تعويض محترم على العيب القاتل ده
ربك الستار
المفروض انى لما ادوس على دواسة الفرامل مثبت السرعة يفصل و و بتحكم فى العربية بنزين و فرامل عادى
ان من راى تطلب للجنة فحص و تعمل قضية
وربك المستعان
إرفع قضيه على الشركه ياصاحبي .. في مصر وألمانيا .. هتاخد حقك بإذن الله ..
الف سلامه وعلى فكره الموضوع دا حصل كتير
[url=http://tamayouze.com/?p=9399&cpage=20]فيديو : تدخل الشرطة لإنقاذ إماراتي بعد تعطل مثبت السرعة في سيارة لاندكروزر
طيب وليه مفصلش نقلة الفتيس او بطل العربية لما حس إن المثبت علق ؟!
أنا بستغرب جدا من الكلام على مثبت السرعة إنه علق...بس أكيد لازم الطريق يكون ماشى شوية إنما لو كانت الفرامل مفاجئة أكيد هيلبس لأنه مش هيلحق يفصل نقلة أو يبطل العربية
ربنا يعافينا يا رب ويعوض عليه
الف سلامة فداه الف عربية
لسه قاري الموضوع ده
شخص يحكي مواجهته للموت بسبب تعطل مثبت السرعة - نايل موتورز
يترى هيجى يوم نوصل لكدة في مصر معتقدش لاننا مش في بلد محترمة
الحمد لله انها جت على أد كده
قدر الله وما شاء فعل
الحمد لله انه نجي
الف سلامه عليه و ربنا يعوض عليه
بس غريبه العيب ده في الجيتا
اول مره اسمع عن حاله زي دي
اللي اعرفه انه عيب في تويوتا و ظهر في الخليج و بيتم علاجه من التوكيلات
قدر الله وما شاء فعل الحمد لله ان حضررتك سليم بس حاول تاخد حقك
الحمد لله الذي لا يحمد علي مكروة سواة
السيارة لصديق و عطل بها مثبت السرعة
ألف سلامة عليه و فعلاً الموضوع أتكرر أكتر من مرة فى الخليج مع أكتر من ماركة
يعني الناس متشغلوش ولا تشغلوا وهي و نصيبهااقتباس:
المشاركة الأصلية كتبت بواسطة ahmed a.maksoud
انا بعد اللي حصلوا دة مش متخيل لو كان ظبطة علي سرع
اكبر وباظ كان حيحصل اية
لا حول ولا قوة الا بالله
دايما لكل تتطور عيوب طالما بأيد بشرية
قدر الله وماشاء فعل
متهيألي لو كان طفى العربية كان ممكن يفصل مثبت السرعة لأنه مرتبط بالكمبيوتر الخاص بالسيارة
كان بطل العربيه او نقل على ال n الموضوع غريب واول مره اسمع عنو
سبحان الله كل ما الانسان اتقدم في التكنولوجية كل ماكنت الصعوبات توجه
مافيش احلي من عربيات زمان متانة سلاسة في الميكانيكة تكنولوجية قليلة =عدم اعطال
بس بتخيل لو كان كلم الشرطة زي الراجل الاماراتي الي في الخبر الي عرضة الزميل وقال لهم العربية مثبت السرعة عطل
كانة هيقولة لة الله يسهلك ولما يعمل حدثة كبيرة كانه هيقولة محاولة شخص اخواني في عرقلة سير الطريق وشلل الحركة المرورية ولكن كنا بالمرصاد
ألف سلامة عليه
بس أنا مستغرب جدا جدا إنه مجاش على باله إنه يمور عال n لما المثبت علق أو حتى كان يبطل العربية
زي ماقال .أ أحمد فهمي
ساعه القدر كل حاجة بتتشلاقتباس:
المشاركة الأصلية كتبت بواسطة شاهين - بنز
اكيد مع الخضة التفكير اتشل. دي لحظات بنضرب فيها فرامل ياجماعة مش طريق فاضي وبيجرب يقف.
طب علي كدة الراجل الاماراتي دة لو الموضوع بسيط كدة والشرطة مأمنة طريقة لية محطش عال n او طفي العربية
الحادثة بتحصل في ثانية
مع احترامي للجميع
كل شوية اقرا موضوع عن عربية مثبت السرعة فيها علق وفضل يجري والشرطه توسعله فالطريق وطيارات هيليكوبتر تجري وراه ومش عارف يقف وشغل افلام اجنبي
لو مور الفتيس او جابه على n مش هيفصل حركة الموتور ؟
لو بطل العربية كلها مش هتقف ؟؟؟
هو الكلام ده فيه حاجه غلط ؟؟؟؟؟؟؟؟؟
تفسيري والله اعلماقتباس:
المشاركة الأصلية كتبت بواسطة K_E
العربيات القديمة كان الفتيس الاوتوماتيك عبارة عن واير ميكانيكي بيتحكم في النقلات۔ انما العربيات الجديدة عصاية الفتيس عبارة عن سويتش كهرباء بيبعت اشارة لكمبيوتر العربية والكمبيوتر هو اللي بيتحكم في النقلة۔
وكذلك الامر بالنسبة لدواسة البنزين۔
العربيات اللي فيها push start مبتبطلش غير لما تحط الفتيس على ال P
مما سبق لو كمبيوتر العربية لاي سبب من الاسباب بطل يقبل اي اوامر من ال input ports اثناء تشغيل مثبت السرعة هيحصل الاتي:
- مهما تغير في الفتيس مش حيغير النقلة۔
- العربية مش حتبطل لانها مش على ال P.
- لما تدوس فرامل مش حيفصل مثبت السرعة
ربنا يسلمه من كل سوء الف سلامة عليه .
المشكلة دي وارد حدوثها في اي عربية قضاء وقدر .
نرجع ونقول المانول مافيش احسن منه هوا متعب وممل بس بتتحكم اكتر في العربية .
وربنا يسترها معانا ويكفينا شر الطريق قولوا اميين .
الف سلامة عليك ياباشا كنت شفت فيديو محاكاة لعطل مثبت السرعة والحل في الحالة دي تدوس فرملة جامدة وباذن الله العربية هتقف
في حالة تسارع السيارة الغير مسيطر عليه لأي سبب :-
1- اضغط ضغطة قوية ثابته على دواسة الفرامل بدون ان ترفع قدمك من على الدواسة
2- ضع ناقل الحركة على ال n
3- شغل اشارات التنبيه والاضواء
4- لا تكرر الضغط والرفع من على دواسة الفرامل فقد يؤدي ذلك للمزيد من التسارع
5- كرر وضع الفتيس على n و d يمكن التعليق يفك
السيارات الحديثة فوق 2012 تم تزويد خاصية ال brake override وهي ان الفرامل تبطل التسارع من المحرك
كما في الفيديو التالي
How to Stop Your Car During Sudden Acceleration - YouTube
كان في فيديو من حكومة السعودية بتقول تعمل اية لما يحصل كدة
ربنا يعوض عليك
الموضوع بيمثل علامة تعجب كبيره هو الخطاء وارد بس بعيد عن مثبت السرعه عدا لو كان هناك تدخل بشري ولعب فى ضفيرة العربيه انا معظم عربياتى كان فيها مثبت سرعه واشتريت نيسان صنى من سنه وركبت فيها مثبت سرعه فمصر ومش اصلى شغل وايرات ومتور اللى ولف بتبيعو ومحصلش فى اي مشكله وقصة الحكومه والطيارات فضت الطريق للراجل ده اسمو تهريج يعنى مش عارف يبطل العربيه ؟؟؟ او يجيب على ال N ويدوس فرامل ويقف على جنب؟؟ انا مره فى فيكترا اوتوماتك وانا نازل من كوبري بدال البنزين علق فى الدواسه وفلحظه جبت n منغير تفكير القصه وارده والموضوع اقدار بس قصة طيارات وبوليس يأمن ده اسمو تهريج
قدر الله ماشاء فعل المفروض يرفع قضية على التوكيل