تجربه قياده مرسيدس actros لمسافة 4كم

**Ahmed Saad** · 14-10-2014 10:03 AM

طبعا زي العنوان مابيقول دي تجربتي لقيادة مرسيدس اكتروس تريلا حلوه كده ودي كانت أول مره اركب فيها نقل تقيل
وبعيدا عن أسباب ركوب السياره طبعا في الاول العربيه عايز ادورها ومش عارف قعدت نص ساعه على ماكتشفت السويتش اللي بيوصل الكهربا للعربيه ومكانه كان في العربيه من ورا عند البطاريات
ودي طبعا يعرفها بتوع النقل التقيل ولاكني زي ماقولت اول.
مره اركب نقل تقيل المهم فتحت السويتش وطلعت الكابينه وطبعا الكابينه كأن الواحد قاعد في اوضه كبيره وفيها سرير ورا السواق وتلاجه بتشتغل مع التكييف تابلوه كبير جدا وحاجه فخيمه المهم دورت العربيه علشان تسخن وتشحن هوا للفرامل مبدأيا كده العربيه دي طريقتها غريبه في السواقه
العربيه اوتوماتيك بس بدبرياج يعني فتيسها عباره عن عصايه في الكونسول اللي جنب كرسي السائق وهيا طبعا مش عصايه بالحجم الطبيعي ولاكن عامله زي رأس الفتيس الاوتو بتاع الفانتازيا كده ومفيهوش حارات هوا استبترونيك +و- وفيه زرار من الجنب المهم عايز تطلع بالعربيه تدوس دبرياج وتدي +وانت دايس على الزرار تاخد غيار وتمشي زي المانيوال عادي
والعربيه دي فيها 16 غيار 8 سريع و8 بطئ المهم اتحركت بيها وطبعا الباور فيها ملاكي ولا الهوا والمرايات حلوه وجايبه أبعاد العربيه مظبوط
في الاول الواحد كان حاسس باختلاف وحاسس اني سايق من الدور التاني المهم مع التحرك العربيه سحبها جامد وجرايه جدا على الرغم انهاكانت تانك وقود بس فاضي وعرفت ازاي السواقين بيجرو بيها على الطريق
وفعلا العربيه رهيبه وثابته جدا موتور ممتاز والعربيه اللي سقتها كانت عامله 976500كم يعني قربت تكسر المليون كيلو والموتور ولا اي حاجه وتحس انه زيرو وطبعا ده العادي من عربيه زي دي
وفي الآخر كانت تجربه ممتعه جدا والواحد حس احساس لما تبقى راكب عربيه عاليه ووحش على الطريق وعذرا على الاطاله

تم اضافه صوره توضيحيه للمركبه بواسطه الاداره 1