حادث قدام عيني على 120 ...الدائري الملعون...احذروا

**Mangog** · 30-10-2014 11:28 AM

انا كنت هاعمل حادثة على بقعة زيت من كام يوم برضه على سرعة 50 مابالك باللى ماشى على 100

وانا داخل على البقعة كان فيه عربيتين اصلا طالعين على الرصيف و لما جيت اشد فرامل لقيت العربية بتحشرج كأن العفشة فيها حاجة اتكسرت

ربنا سترها ان سواق المقطورة اللى كان ورايا كان فايق لانى لما وقفت ونزلت من العربية و لقيته داخل عليا بالحضن شوفت فيلم فاينال ديستنيشن بيعيني هما كام سنتى بس بيني و بينه و كانت العربية هتبقى حتة عجينة

الموضوع بقى منتشر قوى - ربنا يرحمنا و يسترها معانا و يهدي اللى بيعمل كده او ياخده و يريح الناس من شره

**salah656** · 30-10-2014 01:48 PM

الف حمدالله على السلامة الموضوع ده حصل معايا وبنفس التفاصيل وعلى الدائرى ايضا ولكن بعد نفق السلام فى اتجاه المرج وكنت فى اخر ايام رمضان والطريق ممكن يتقال علية زحمة ولكن ماشر على 80 وواخد الحارة الشمال وطالع من النفق شوفت نقل واقف فى الحارة الشمال على بعد 500 م وبحاول اخد اليمين وعلى سرعة لا تتعدى 60 /70 لاقيت العربية بتلف بالظبط زى عربات الملاهى وكان ورايا 3 عربيات حدث مهاهم نفس الموضوع المفاجأة ان العربية النقل واللى كان نازل منها الزيت السواق شاف الحادثة وبعدها جري بالعربية حسبنا الله ونعم الوكيل والحمد لله كل التلفيات فى العربيات كانت بسيطة بالنسبة للحصل

**bekatcho** · 31-10-2014 03:09 AM

حصلت مرتين معايا
مرة من حوالى 8 سنين فى نفق كارفور على الدائرى كنا بعربية صحبى ايام الجامعة وكان فى زيت العربية عومت ولبست فى الخرسانة جامد وصرفت مبلغ وقدرة
ومن 3 سنين او سنتين على الاتوستراد نحية حلوان والحمدلله سيطرت على العربيات انا والى حواليا وماحصلش حادث

**semi** · 01-11-2014 02:28 PM

انا كنت هناك وشوفت الحادثة وكان الطريق واقف تماماً بس انا كنت على الناحية التانية
والحمد لله انا كنت قبلها بساعتين ماشي من نفس المكان ده وللاسف النفق ده وانت داخله سرعتك مش بتكون اقل من 100
لان الطريق مساعد وواسع جدا وللاسف كان الوقت ساعتها متأخر لما شوفت الحادثة دي كان على الساعه 12 بالليل
يعني مليون في المية لازم هتكون ماشي على سرعة كبيرة
انا مش عارف احمل الحادثة مسئولية مين بس الموضوع اتكرر واي حد ممكن يحصله كده انا كنت قريب من المكان
وكاتب الموضوع كان على بعد ثواني من الحادثة
مين المسئول عن حاجه زي كده على الاقل اقبضوا عليهم في مرة
لازم دوريات تعدي على الطرق دي زي بقية العالم ما بتعمل
انا مبقتش اشوف عربية نجدة واحدة ماشية في الشارع ده اهمال

**Mohamed.Raafat** · 01-11-2014 06:25 PM

للأسف يا جماعة الموضوع ده بيكون مقصود و للأسف برضه الأمن ما بيلحقش يعمل حاجة لأن اللى بيرمي الزيت بيهرب عالطول
مانقدرش نقول غير حسبي الله و نعم الوكيل في اللى بيعمل كده

**Nfs Rivals** · 16-10-2015 08:44 PM

المشاركة الأصلية كتبت بواسطة ahmedelrayan

حسبى الله ونعم الوكيل نفسى يكون فيه عندنا عربيات شرطة مهمتها انها تتابع الطريق بصورة دورية

عفوا ﻻننا مش في بلد محترمة.. زى بقية دول العالم الثانى.. بﻻش اقول دول العالم اﻻول.. احنا لو في بلد محترمة.. كانت خافت ع شعبها المصري.. المواطن الغلبان

احنا في بلد فيها سوء ادراة.. ومش بتحترم المواطن المصري اصﻻ.. لنا الله

**Nfs Rivals** · 16-10-2015 09:13 PM

المشاركة الأصلية كتبت بواسطة mxz911

بلد حياة الانسان فيها ملهاش تمن
وياريت بتوع ياللى مش عاجبك البلد تسيبها يخرسوا وميفتحوش بوقهم

هههههههههههههههههههه .. اخيرا حد قال الحق ولو مرة

عشان احنا اعتراضنا بيبقى مطلب ان حياة الانسان يبقالها تمن

صح ياباشا..

مش زيهم عاوزين يعيشوا ويجبروا غيرهم يعيش ف الطين

هههههههههههههههههههههههه
ههههههههههه صح

**Nfs Rivals** · 16-10-2015 09:28 PM

المشاركة الأصلية كتبت بواسطة memo_p910

حصلت معايا وانا راكب ميكروباص على طريق القناطر الباجور
وكانت حادثه شنيعه وخبطنا في 3 عربيات والميكروباص راح في داهيه
وعرفنا بعدها ان واحد بعربيه كارو من بتوع الجاز دول فضى حمولته من الزيت وهو ماشي على الاسفلت

الخلاصة ان شرطة المرور في البلد دي ياخدوا صفر من عشره مع تقدير فاشل جدا

ههههههههههههههههههههههههه