عاجز عن وصف التصرف دا من m11 خذلتينى و زعلتينى

امبارح و انا طالع من الشركة بعربيتى m11 ... وقفت سخنت العربية 1/2 دقيقة و بعدين احاول ادى الاول مش نافع الفتيس جامد زى الحجارة... مش عارف اعشق ابدا :whtauwant:... عملت كل حاجة اكارك دبرياج مش نافع ادوس على الآخر مش موافق ... احايله و برراحة و بالعاقية مش عاوزة تعشق ... فين بعد عشرات المحاولات ... عشقت .... طلعت بيها على الطريق بقة و العربيات ورايا ... احاول اجيب التانى مافيش ادنى استجابة ... زى حجر فى سكة العصايا ... اعمل كل شىء مش عاوز تقبل الغيار ... العربيات ورايا ... اعمل ايه ... بييب بيييب ... قولت اجيب الاول اهو احسن من بلاش لأن العربية ابتدت تهدى ... يالا يابنت الناس ... اوبااااا مش قابلة الاول حتى ... العربية وقفت خالص تقريباً و الناس بتعدى و تزعق من ورايا و ياخدوا سكة وانا غرقان فى محاولاتى للتعشيق ... العصاية فى النص ممورة مش عاوز تخش اى بيت لا اول و لا تانى و لا تالت و لا رابع... عجبها البيات فى المور... فيييين بعد فترة طويلة و بالعافية اخدت الاول و هى بتعضة بغيظ شديد ... زودت بنزين جامد و خدت التانى على مضض ... المهم فضلت ماشى بيها و هى بتاخد الغيارات بالعافية و مع الوقت بقت سلسة ... الظاهر البرد بدأ يعمل عمايله مع الفتيس ... فهمت بعد كدة انها محتاجة وقت طويييل على ماتسخن الفتيس بالذات ... بس الصراحة حوالى 10 دقايق على الطرق حوالى 5 كيلو لغاية لما رجعت طبيعية... الحمد لله هروح النهاردة للميكانيكى يشوف مالها زعلانة ليه .... بردانة ... المهم انها ماتطلبش فلوس كتير

اخر مرة غيرت زيت فتيس امتي و حطيت زيت لزوجة كام ؟؟
لأن ممكن يكون الزيت تقيل لزوجة 140 و ده كارثة ع الفتيس لو جديد و بالذات لو في الشتا

هروح للميكانيكى و اشوف زيت الفتيس لأنى عمرى ما غيرته قبل كدة

ماشي كام علي الزيت الاولاني؟؟؟ المفروض كل 30 انما عادي يعني لو 40 ...

ممكن يكون حاجة دخلت علي تاويرات بتاعة العصاية اللي بتنقل من العصاية لعلبة الفتيس ... تقدر تبص في الكبوت من بين الازاز و المتور يكون في قطة ولا زبالة علي الويرات فمانعة النقل ....

متشكر لاهتمامكم يا جماعة انا شاريها مستعملة و مجاش فى بالى خالص زيت الفتيس .. هروح النهاردة لابانوب هشوف هنغيره و لا هيقولى ايه

رحت امبارح لابانوب و قالى الدبرياج وحش قوى و ساقها معايا مدة و فى الاخر قالى هات علبة ماستر دبرياج و حس برجرجة قدام عند الفرملة فقالى هات طنابير امامية... بس السؤال بقة هل انا محتاج اجيب تيل فرامل كمان عشان غيرت الطنابير و لا ينفع اغير الطنابير بس. نسيت اسأله امبارح. المهم ان نبيل هناك قبليها كان عاوزنى اغير زيت الفتيس من غير حتى مايبص على العربية .. اقوله طب تعالى حتى شوف و جرب صمم على انى اغير زيت ... بس الصراحة هو كان معذور لأن رجله كانت دايس عليها عربية و عدت عليه و كان قاعد مش قادر يتحرك. روحت لبتاع الزيت قالى خلى ابانوب يشوفها الاول. و قد كان.
هنزل اجيب قطع الغيار دى من الحرفيين ... شكراً لكل من اهتم

ياريت تطمنا عملت ايه .....................

طالما هاتغير طنابير لازم تغير معها تيل

متشكر يا اخ هوجان و اخ akmm.. انا اشتريت الطنابير بس و ماجيبتش تيل.. اتصلت بنبيل و قالى ممكن تجيبهم من هنا من الاميرية.. المهم ... انا نزلت الحرفيين امبارح و سألت فى المحلات كلها حوالى 6 محلات ... سعر الطنابير قدام بيتراوح من 350 الى 400 جنيه كل محل و سعره و كلهم واحد... مافيش غير الشيخ طه قالى 750 جنيه:120146b

المهم اشتريتهم من الملك ب 350 جنيه و اشتريت ماستر دبرياج علوى مش سفلى عشان فيه فرق كبير فى السعر.. تقريبا الضعف ودا طبعا بعد ما تأكدت من الميكانيكى و اتصلت بيه.. المهم هروح يوم الجمعة و اظبطهم و هاشترى التيل بقة من الاميرية عشان مش هينفع اروح الحرفيين تانى.
على فكرة محل الشيخ طه مش تنك زى ما بيقولوا بس هو مش مريح اوى .... يعنى عشان تسأل على سعر حاجة مش هتلاقيها قدامك فى المحل لكن هو بيتصل بالمخزن و يسألك عن الاسعار و طبعاً كونه بيتصل و بيعرفلك مخصوص كل قطعة بكام و كمان راجل كبير مش صغير بالتالى الواحد بيكون محرج يفضل يطول فى الكلام بقة ... المهم اعتقد معظمنا يحب المحل يكون قدامه و يسأل براحته..
عاوز اقول معلومة كمان ان الناس دى معظمها ان لم يكن كلها بتشترى من زكى جرجس اللى فى روكسى يعنى هو بيدي للمحلات بسعر الجملة.. يعنى اللى عاوز يجيب قطع كتير و عاوز يوفر و ياخد ارخص سعر يشترى من زكى جرجس لأنه هو الموزع .. دى معلومة اكيدة من محل الملك.

حاجة كمان ياريت اللى يروح الحرفيين ياخد باله من عربيته لأنى اعتقد ان عربيتى كانت هتتسرق امبارح و انا هناك ... مرتين مش مرة واحدة .. و يحاول تبقى عينه عليها علطول... ما يثقش فى اى حد.
شكراً لاهتمامكم و هبقى احكى العربية عملت ايه بعد الصيانة.

اقتباس:

---

المشاركة الأصلية كتبت بواسطة macathius

متشكر يا اخ هوجان و اخ akmm.. انا اشتريت الطنابير بس و ماجيبتش تيل.. اتصلت بنبيل و قالى ممكن تجيبهم من هنا من الاميرية.. المهم ... انا نزلت الحرفيين امبارح و سألت فى المحلات كلها حوالى 6 محلات ... سعر الطنابير قدام بيتراوح من 350 الى 400 جنيه كل محل و سعره و كلهم واحد... مافيش غير الشيخ طه قالى 750 جنيه:120146b

المهم اشتريتهم من الملك ب 350 جنيه و اشتريت ماستر دبرياج علوى مش سفلى عشان فيه فرق كبير فى السعر.. تقريبا الضعف ودا طبعا بعد ما تأكدت من الميكانيكى و اتصلت بيه.. المهم هروح يوم الجمعة و اظبطهم و هاشترى التيل بقة من الاميرية عشان مش هينفع اروح الحرفيين تانى.
على فكرة محل الشيخ طه مش تنك زى ما بيقولوا بس هو مش مريح اوى .... يعنى عشان تسأل على سعر حاجة مش هتلاقيها قدامك فى المحل لكن هو بيتصل بالمخزن و يسألك عن الاسعار و طبعاً كونه بيتصل و بيعرفلك مخصوص كل قطعة بكام و كمان راجل كبير مش صغير بالتالى الواحد بيكون محرج يفضل يطول فى الكلام بقة ... المهم اعتقد معظمنا يحب المحل يكون قدامه و يسأل براحته..
عاوز اقول معلومة كمان ان الناس دى معظمها ان لم يكن كلها بتشترى من زكى جرجس اللى فى روكسى يعنى هو بيدي للمحلات بسعر الجملة.. يعنى اللى عاوز يجيب قطع كتير و عاوز يوفر و ياخد ارخص سعر يشترى من زكى جرجس لأنه هو الموزع .. دى معلومة اكيدة من محل الملك.

حاجة كمان ياريت اللى يروح الحرفيين ياخد باله من عربيته لأنى اعتقد ان عربيتى كانت هتتسرق امبارح و انا هناك ... مرتين مش مرة واحدة .. و يحاول تبقى عينه عليها علطول... ما يثقش فى اى حد.
شكراً لاهتمامكم و هبقى احكى العربية عملت ايه بعد الصيانة.

---

750 جنيه عند الشيخ طه
طب وجهه نظره ايه يعني علشان يبيعها ضعف السوق

اقتباس:

---

المشاركة الأصلية كتبت بواسطة hugan

750 جنيه عند الشيخ طه
طب وجهه نظره ايه يعني علشان يبيعها ضعف السوق

---

انا مادخلتش فى التفاصيل بس قالى احنا كل قطع الغيار عندنا اصلى (اصلى = صينى) مكانش فيا دماغ اخد وادى معاه.. يعنى هما طريقتهم و قعدتهم كدة توحييلك انهم مش فاضيينلك ... دا احساسى.. سأالت الملك ضحك و قالى منعرفش الناس دى جايبة السعر منين ... و قالى السوق كله بيبيع الصينى الاصلى بتاعها 350 او 375 زى بعض

اقتباس:

---

المشاركة الأصلية كتبت بواسطة macathius

انا مادخلتش فى التفاصيل بس قالى احنا كل قطع الغيار عندنا اصلى (اصلى = صينى) مكانش فيا دماغ اخد وادى معاه.. يعنى هما طريقتهم و قعدتهم كدة توحييلك انهم مش فاضيينلك ... دا احساسى.. سأالت الملك ضحك و قالى منعرفش الناس دى جايبة السعر منين ... و قالى السوق كله بيبيع الصينى الاصلى بتاعها 350 او 375 زى بعض

---

علشان كده انا مستغرب
يعني لو قاصد يخرب بيته بايده ويطفش الزباين مش هايعمل كده

بصوا ... احقاقا للحق .... لو هتجيب من الشيخ طه و تقارن مع اللي في السوق هتلاقي فرق...
انا جبت منه المرايا ب 350 و كانت عند زكي جرجس ب 200 و حاجو و عند الملك برده زي زكي جرجس .... بس تستاهل كل قرش فيها زيادة....

بس خدت بالك انت انه دايما يحسسك انه انت بتعطله ؟؟؟؟

انا لما زمان قلت تناكة مكنتش بعيب في والله لا سمح الله ... بس انت نفسك حسيت نفس الاحساس :)

بس برضه حاجته الانضف ...... بس مشتريش منه الا المهم ... انما بقي اكصدام ولا رفرف ولا الكلام الفاضي اللي بره ده سيبك ... اي حاجة شغالة

اقتباس:

---

المشاركة الأصلية كتبت بواسطة hemaa_82

بصوا ... احقاقا للحق .... لو هتجيب من الشيخ طه و تقارن مع اللي في السوق هتلاقي فرق...
انا جبت منه المرايا ب 350 و كانت عند زكي جرجس ب 200 و حاجو و عند الملك برده زي زكي جرجس .... بس تستاهل كل قرش فيها زيادة....

بس خدت بالك انت انه دايما يحسسك انه انت بتعطله ؟؟؟؟

انا لما زمان قلت تناكة مكنتش بعيب في والله لا سمح الله ... بس انت نفسك حسيت نفس الاحساس :)

بس برضه حاجته الانضف ...... بس مشتريش منه الا المهم ... انما بقي اكصدام ولا رفرف ولا الكلام الفاضي اللي بره ده سيبك ... اي حاجة شغالة

---

انت كمان يا هيما احساسك كان فى محله هو طريقته ماشجعتنيش اشترى اصلا منه.. هو فيه ناس بيعتبروا دا اسلوب يشد الزبون .... زى البنت اللى بيتهيألها ان لما تبصلك بدون اهتمام انك هتتهبل عليها اكتر بينما هى من جوة عاوزاك بس دى طريقتها فى لفت انتباهك...

خلاص يا جماعة ... ركبت الماستر و العربية بقت زى الفل ... و الطنابير قدام كمان ركبتها بال تيل الجديد :049:و خدت الطنابير القديمة بصيت عليها لقيتها مشوهة بالريجة.... الريجة كانت بتزلزل العربية عند الفرملة ... زلزال جامد يعنى... المهم دلوقتى بقت زى الفل و هادية و مطيعة و ناعمة.. شكرا ليكم جميعا يا احلى منتدى:biggrin2:

اقتباس:

---

المشاركة الأصلية كتبت بواسطة macathius

خلاص يا جماعة ... ركبت الماستر و العربية بقت زى الفل ... و الطنابير قدام كمان ركبتها بال تيل الجديد :049:و خدت الطنابير القديمة بصيت عليها لقيتها مشوهة بالريجة.... الريجة كانت بتزلزل العربية عند الفرملة ... زلزال جامد يعنى... المهم دلوقتى بقت زى الفل و هادية و مطيعة و ناعمة.. شكرا ليكم جميعا يا احلى منتدى:biggrin2:

---

مبروك ياباشا بس سعر الماستر كام مقلتناش
وسعر الماستر العلوى كام والسفلى كام والطنعيه كام وشكرا

سعر الماستر السفلى كام
والماستر العلوى كام وهل الماستر العلوى ده ال هو البليه والدسك والاسطوانة ولازم ينزل بالفتيس علشان يتعمل وشكرا.

اقتباس:

---

المشاركة الأصلية كتبت بواسطة shadymt2005

سعر الماستر السفلى كام
والماستر العلوى كام وهل الماستر العلوى ده ال هو البليه والدسك والاسطوانة ولازم ينزل بالفتيس علشان يتعمل وشكرا.

---

الماستر العلوى 175 جنيه
مش محتاج تفك الفتيس .. هو الصنايعى شال الضفيرة و داكت الهوا و بس و فك الماستر من غير مايفك حاجة تانى دا بالاضافة طبعا انه فك دواسة الدبرياج و اخدت شغل بتاع ساعة و ساعة كمان للطنابير
المصنعية بقة: تغيير طنابير قدام + ماستر دبرياج علوى = 100 جنيه
على فكرة ماستر الدبرياج السفلى اغلى على ما اذكر فيه نوعين واحد 250 و واحد 350

اقتباس:

---

المشاركة الأصلية كتبت بواسطة macathius

الماستر العلوى 175 جنيه
مش محتاج تفك الفتيس .. هو الصنايعى شال الضفيرة و داكت الهوا و بس و فك الماستر من غير مايفك حاجة تانى دا بالاضافة طبعا انه فك دواسة الدبرياج و اخدت شغل بتاع ساعة و ساعة كمان للطنابير
المصنعية بقة: تغيير طنابير قدام + ماستر دبرياج علوى = 100 جنيه
على فكرة ماستر الدبرياج السفلى اغلى على ما اذكر فيه نوعين واحد 250 و واحد 350

---

شكرا على المعلومات وربنا يباركلك فيها