بتتعاملوا ازاي مع ظلم المرور ده

**elpilot** · 14-10-2014 04:57 PM

السلام عليكم
امبارح كنت ماشي من تحت كوبري الزراعه عندنا ناحية طريق السكة الجديدة واذ بيا الاقي عسكري واقف في حته مبيقفش فيها عساكل واذ بيا الاقية ماسك الدفتر بتاعه ونازل حرت اي عربية تعدي عليه سواء كده او كده يكتب نمرتها ويقلب الصفحة خلص الدفت وانا واقف ولما استنيت لما الطريق فضي وعديت لقيتة بيبص علي نمرتي وزي مايكون كتبها مع اني ماشي سليم ورابط خزام الامان ومبتكلمش في التليفون وكل حاجه سليمة
قولت يخراب بيتك يا احمد تلاقيك طول مانت ماشي العساكر بتديك مخالفات وانت مش حاسس
عايز اعرف من الخبراء هنا بتتصرفوا ازاي في المواقف دي وازاي اقدر اعرف المخالفات اللي لبستها بالطريقة دي وازاي اقدر اشيلها من علي العربية؟؟
وبتعملوا ايه مع العساكر من هذه الاشكال الظلمة المفتريين؟؟

**Karim Alaa** · 14-10-2014 05:28 PM

و الله لما كنت بروح اشوف المخالفات قليل اوى لما الاقى حاجه شكلها مش بتاعتى لو مع كله كده كان زمان الكل لازم يلاقى مخالقات على عربيته و الله اعلم

**sasatony** · 14-10-2014 10:19 PM

انا محصلتش معايا قبل كده
وانا لسه مجدد الرخصة ودفعت 5جنيه ضريبة فقط لان معنديش اي مخالفة
والمخالفة الوحيدة الي كنت هخدها
كانت عند التميمي الي جنب نعمة بتاع السندوتشات امين شرطة هناك بيكتب في نمر العربيات بعد ماخلصت مصلحتي عديت عليه بالعربية اديته 20جنيه راح لاغي المخالفة

**elpilot** · 14-10-2014 10:59 PM

المشاركة الأصلية كتبت بواسطة sasatony

انا محصلتش معايا قبل كده
وانا لسه مجدد الرخصة ودفعت 5جنيه ضريبة فقط لان معنديش اي مخالفة
والمخالفة الوحيدة الي كنت هخدها
كانت عند التميمي الي جنب نعمة بتاع السندوتشات امين شرطة هناك بيكتب في نمر العربيات بعد ماخلصت مصلحتي عديت عليه بالعربية اديته 20جنيه راح لاغي المخالفة

الله ينور ياباشا ياريتني كنت نزلت كلمتة واديته اي حاجه انت لو تشوفه وهو ماسك الدفتر ومجتهد جدا في الكتابة كنت افتكرتة طالب في طب بيذاكر

انا مش متأكد اذا كان كتبني ولا كان بيكتب العربية اللي قبلي بس انا اتخضيت وخوفت ليكون كله ماشي بالطريقة دي فقلت اسألكم هنا برضو

**Abo.Moazz** · 15-10-2014 12:25 AM

المشاركة الأصلية كتبت بواسطة sasatony

انا محصلتش معايا قبل كده
وانا لسه مجدد الرخصة ودفعت 5جنيه ضريبة فقط لان معنديش اي مخالفة
والمخالفة الوحيدة الي كنت هخدها
كانت عند التميمي الي جنب نعمة بتاع السندوتشات امين شرطة هناك بيكتب في نمر العربيات بعد ماخلصت مصلحتي عديت عليه بالعربية اديته 20جنيه راح لاغي المخالفة

أنا أسمع إن أى عسكرى ممنوع إنه يلغى أى مخالفة كتبها أو يشطب أو يقطع ورقة من الدفتر .. علشان كده لما بتديله العشرين جنيه كل اللى بيعمله إنه بيغير حرف أو رقم فى المخالفة اللى كتبها فبتلبس فى واحد تانى خالص .. الله أعلم الموضوع ده صحيح ولا لأ

**sasatony** · 15-10-2014 12:33 AM

المشاركة الأصلية كتبت بواسطة abo.moazz

أنا أسمع إن أى عسكرى ممنوع إنه يلغى أى مخالفة كتبها أو يشطب أو يقطع ورقة من الدفتر .. علشان كده لما بتديله العشرين جنيه كل اللى بيعمله إنه بيغير حرف أو رقم فى المخالفة اللى كتبها فبتلبس فى واحد تانى خالص .. الله أعلم الموضوع ده صحيح ولا لأ

مش عارف والله بس ده الي حصل معايا والغرامة منزلتش

**طارق _عبد السلام** · 15-10-2014 01:19 AM

يعنى راقبته وانتظرت لما الشارع فضى
وشوفته وهو بيكتب نمرتك انت كنت مركز معاه قوى .. طيب ايه منعك انك تنزل وتشوف كتب نمره عربيتك وايه سبب المخالفه .. ده من حقك .. عملت كل ده .. ومطلبتش حقك